¹ Paoly, apostolin' i Kristy Jesosy tamy alala gny sitrapom-Dragnahary, araky gny fampagnatena gny sitrampon-Dragnahary, araky gny fampagnatena gny fiaina ao amy Kristy Jesosy, ² gnan'i Timoty, gnanaky tea: Fahasoavana, fiantsa, sady fiadagna baka amin-Dragnahary Baba voho Kristy Jesosy Tompontsika. ³ Misaotsy an-Dragnahary zaho, ze tompoiko baka amindreo razambeko, miaraky amy gny feony fieritrereta malio, nanahaky gny hahatiarovako anao sanandro amy fivavahako andro amagn'aly. ⁴ Nanahaky gny hahatiarovako ranomasonao reo, magniry mare gny hahita anao zaho, ka mety ho feno hafalia zaho. ⁵ Nampatsiahivy tamiko gny finoanao marina, ze niaina voalohany taminy dadinao Loisa sy gny neninao Eonisa tao , resy lahatsy zaho fa miai aminao ao avao koa zay. ⁶ Zay ro antony hampatiarovako anao mba hampiasanao ndraiky gny fagnomezan-Dragnahary aminao ao amy gnalala gny fametrahako tagna. ⁷ Fa NDragnahary tsy nagnome fagnahiny tahotsy antsika, fa gny hery sy gny fitiava ro fifehezan-tegna. ¹² Noho zay antony zay, mijaly koa zaho amy regny raha regny. Fa tsy ho megnatsy zaho, fotony haiko fa afaky mitagna zay fa nankiniko taminy I mandra-piavin'zay fotoa zay. ¹³ Tano gny ohatsy mikasiky hafatsy gny finoa ze renareo tagnamiko, miaraky amy gny finoasy fitiava zay amy Kristy Jesosy. ¹⁴ Gny raha soa nataon-Dragnahary taminao, embeno amy gnalala gny Fagnahy Masy, ze miai amintsika ao. ¹⁵ Hainareo zay, fa ze raha nipetsaky ta Azia ro nivaliky tagnamiko. Aminy fikambana io reo Fizelio sy Hermozena. ¹⁶ Ega anie gny Tompo hagnome famindram-po amy tokantragnon'i Onesiforo, fotony namelombelo ahy matetiky i sady tsy megnatsy tamy gadrako. ¹⁷ Fe , lafa tagny Roma i, nila ahy fatsatsy, ka hitany zaho. ¹⁸ Tompo anie hampiseho azy ka hahitany gny famindram-po baka aminy amy zay fotoa zay. Reo fomba iaby nagnampiany ahy tao Efesosy ro hainareo soa.