¹ Wuwu meeme Poolo, muuda-gisala wu Mfumu Yesu wunu wugawe gisala gi gulongo Ndaga-Nzaama ² ndebunu bu sonogo babigili ni ³ Mwana-Nzaama gini budugu mu ngolo yi Muhunga-Nzaama mu gigaana gi Davili mu muswini, ⁴ gufa gunde ande gunimigi mu lufa mu ngolo yi Nzaama. ⁵ Ndelunu mu nzila-nzimi Nzaama wungwe gisala gi gulongo Ndagaana mu bisi bibiosogo mutulu baada basileene Mfumabisi Yesu mudimi, bamu zidisaaga. ⁶ Bini se nwigi mu kebe baada bana baga demene Nzaama mu guwingini mu gimvugu gi Mfumu Yesu. ⁷ Iya nusonogeene bini bisi Lomo babosogo baga zolo Nzaama ni nugelande ande baga demene, Daada Nzaama ande Mfumu Yesu banudele mu disi lupimi. ⁸ Iya doono tomo Daada Nzaama mutula bini ⁹ ginaga mu gisi gigiosogo baya dodeene lugwigili lubini. ¹⁰ Mu bisaama bimeeme bibiosogo, Nzaama gigi mbangi, ¹¹ iya nuloomeene ni nuleedaganaaga ngolo bini babosogo, ndebunu iya zolo gwa numono ¹² mutulu gusiamisaganaaga bini ande bini ande meeme mu ngolo yi Muhunga-Nzaama. ¹³ Yima zolo ni nuyabeene ni bunzologa mu gwa nudala duugu tama. asi kugaaga. ¹⁴ Nzologa ni gisala gimeeme gimonogo mu kebe ga baada bana bigi banga-luugu ande bama kono guluugu ande bana bama longogo ande bana bama kono gulongo. ¹⁵ Ndelunu iya zolo ni bini bisi Lomo se nuwugu Paana yiyi yi Pimi. ¹⁶ Yigi paana yizolo Nzaama ni baada babosogo mu gisi bahulugu ni bamasa lugwigili, tomo bayudu, gungoyo bigaana bimbaana. ¹⁷ Gwigi ngolo yi Nzaama yiga leese duugu luyanaga tii nsugu, yini yiya gidili baada pimi ya misi miana ndebunu buba sonogo ni muudu mupimi bamu monoga mu lugwigili lugini bageene moono wu mvulande mvulu. ¹⁸ Duugu gu tala Nzaama gigi mu kobo gugele baada bana bigi mu gusala masumu ande gubiyi gugwosogo ndegunu guya baganga nzili yi gumono Gimfumu gi Tala. ¹⁹ Mapaana maga zologa Nzaama wuma leese pima-pimi ndege beene. ²⁰ Ndelunu duugu luga sala yidigi gisi gigi bifu binde bigi mu gumonogo ni bigi bipimi mu kebe ga bisala biana ande ginzaama giana. ²¹ Baada bugu baweseleene lowo gubiyi gubiwi mutulu bamu yaba Nzaama, asi bazolaaga gumu zidisi ande gulu doono; manungu mabiwi migi ma buyungu, misi mibiwi mifi. ²² Bazolaaga gusaama Nzaama wumoono, ²³ bayaya saama bidegi, banono ba tala ande bambisi ba musidi ande bana bayaya siene ya tulu ande guwa muudu wunu wufaaga lugugu lu Nzaama. ²⁴ Gimi ndegini Nzaama gaba wesele mu mapaana mabiwi mansono ande ma muudu, ginaga biwi bamu zolaaga Nzaama, ²⁵ asi bazolo gufugamaneene bimi bini biga sele Nzaama wunu wuma fana gulumu mvulande mvulu. Amen. ²⁶ Mapaana mapimi bama gidili ma bupala, babagala bena gugele bakaada bambaana, bakaada bena saga badimi bambaana; ²⁷ Gimi ndegini Nzaama wuba wesele ba salaaga bu bamazolo biwi beene, asi duumbu luba zila. ²⁸ Ginaga bazolaaga guwugeene Nzaama, bamu menge, ndelunu nde se wuba wesele mu buzobo bubiwi, bena sala bisala-sala bibiwi, ²⁹ babwi luleene ande musaga ande mudwe bwidi ande kono, kiene lowo mu kebe gabiwi, ³⁰ gisala gudugagana biwi ande biwi ande gudodo bupala ande gusagagana buhala ande guzwagagana ande gudodagana, ³¹ ande gusala mapaana mafa ma gifande gifa; ³² bagugusaaga malese mabiwi, badala ande misi gubiyi guya salamana mu kebe gabiwi; baana luzidi lowo gugele bibudi bibiwi.