1 Lubaduulu ya simi lu nzele mu tsi yi Gadala. 2 Yesu wuduuga mu bwada, muudu wumoso se wutumudugeene gu gilungunu, gaduugu gu malumu; gagele we muhungu wufa. 3 Muudu beene gayaama gu malumu si muudu wugubisa muganga misingi lo gagele. 4 Daanga luvulu gagala we milungu gu mili we misingi, si bu gamigiesa, lo si muudu wumoso wungolo wumuguga. 5 Gagala hoso daanga gu malumu we gu misele wululwalasa mu midoyo. 6 Lugamono Yesu, lugasene tini, lugaya fugumana mu ndaga yingolo ni ki bigele nze we me, 7 Yesu mwana-Nzaama Pungu? Yituguboneene mu kum'a Nzaama, gungiangigisi lowo. 8 Ndebunu Yesu gamulele ni duugu muge muudu wu, muhungu wufa! 9 Lugamuwufulu kum'ag na? nde ni Gibugu ginene, dugele bavulu. 10 Lugamuboneene guvulu ni gududumusa guleye lowo. 11 Gu misele gugele we gibwili gi bangulu badiaya, 12 Mihungu mifa migele mu gumusameene ni dudumusu mu bangulu bana mutul duwingini mu kebe gabiwi; 13 Lugamidumusu, mihungu mifa lumiduugu, miyawingini mu kebe ga bangulu; gugel gibwili gidese gi mili miolo (2 000) giyabwa mu nzele. 14 Bana babadisa lubadini gabiwi bena mwanga paana mu mabulu we mu mavulu. Baada lubaya daala maana masalamana. 15 Bayi guge Yesu, lubamono muudu wu mihungu mifa, wubwanzana, wuvada milele nga muud'a muudu; bamono guwibigene. 16 Baada bamono mapana maana masalamana guge muud'a mihungu mifa we guge bangulu, lubade pana; 17 Baboneene Yesu ni badogo mu maana maana. 18 Lugawingina mu bwaada, muud'a muhungu wufa lugalomo nzili mugwene we nde. 19 Yesu lugananga, lugamulese ni ndawe gu nzwaga wada mamosogo mamasalamana. 20 Lugaduulu gu bulu lugadodo mamosogo maga muselene Yesu. Baada lubamono guwibigene. 21 Yesu lugawingini mu bwaada, lugagie mu simi; baada bavulu bawiya guge nde. 22 Mfumu wumosi wu nzo-Nzaama yi bayuda lugawingini mu nzo yi Yairusu; Lugabwilene Yesu ya mili. 23 Nde ni mwana'ame wu mukaada wudulu gu nsugu, twene wumusi gogo, gazunu. 24 Yesu luganimigi, lugagie, baada bavulu bamulebe. 25 Gisi gugele we mukaada wuduga menge wusele mvulu guma-yolo mu makaasa. 26 Ganiogamana ngolo, gamenese bimi mu gudege, si logasa'zunu. 27 Lugawugu Yesu wudiga, lugayi gu ngoy'a Yesu lugageme nsong'a mulele. 28 Galudodeene ni yimagama nsong'amuleele wunde bu nzuna. 29 Daanga nde lunu menge lumatswigigi; gawugu ludu hendele. 30 Mbal'moso Yesu lugawugu gimi gimadungu ludu lunde; 31 lugawufulu balongogo ni na wugama nsong'a mulele wu meme? 32 Bi ni yaya baada bagele bavulu na wufana gugama mulle wunze? 33 Mukaada lugadegede we bomo daanga lugayabene mapaana mana... lugaya fugamana guge Yesu, lugamulese mapaana mana mabwi. 34 Yesu lugamulese ni ndawe lugwigili lwaga lutuguzunusu. 35 Daanga lugele Yesu wudoda, baada bamoso baduugu gu nzo Yewisi lubalese Yewisi ni mwan'a nze wufi; ki mfunu mu guyangasa longo? 36 Yesu lugalele mfumu wu nzo-Nzaama ni guwugu bomo lo sa mudimi. 37 Lo yimazolo si muudu mu ngwan'daba, kaga Piele, Jagi we Yowani, pang'a Jagi. 38 Lubaduulu ya nzo yi mfumu wu nzp-Nzaama, Yesu lugamono baada bavulu badila, bamoso babadaga tsili 39 Lugawingini, lagabaleele ni ki nuya dilene we gusa lubu? mwana lo gwana gufa, si wuyama. 40 Lubamuseye. Lugadusu gidana we maana we bana bagele yana; lugawingini tii yagele mwana. 41 Lugamugeme mu gogo, lugamuleele ni Talithakoumi, mbangudulu mwana mukaada, nimigi. 42 Mbal'moso luganimigi, gabulusu gudigi. gagele we mitsia midigi gum-a miolo. Lubamono guwibigeene. 43 Gabaleele ni gumege gudeleene muudu lo pana yiyi; muwaana madia.