¹ Yesu lugabisa bulusu gulongo ya nsimi lu nzele, gabwanzana mu bwada; baada bavulu bayabwanzana ya simi, ² gabalonga mu matigi. ³ Galongo ni muudu wumoso wugwini mbenge; ⁴ Yimoso mu nzili, banono lubayidi; ⁵ yimoso mu midoyo, maana lo magele, luyiwumu, ⁶ mu gukono gu maana we migese. ⁷ Yimoso mu kebe ganganga, lo yibudu; ⁸ yimoso mu maana mapimi, luyiyele, luyibudu mbenge magumu madede, magumu ma samana we kama yimoso. ⁹ Lugadodo ni wugele we matswi maguwugene, gawugu. ¹⁰ Balongogo we baada bagele we nde lubamuwufulu mu tulu matigi ¹¹ Nde ni giswegama gi gimfumu gi Nzaama gigele mu kebe ga bini ¹² bana bagele yanzie gubalele mu matigi mutulu bamona si bakono gumono, bawugabakono gubagisi si gimi ni lo bamabolomono midimi, masumu mabi mamawa. ¹³ Lugabisa balele ni lo nuyabagisi tigi yiyi? Abunu si nwini bagisi matigi mamosogo? ¹⁴ Mugwini gagwiniga ndaga. ¹⁵ Bamoso bagele mu nzili, bamawugu ndaga yi Nzaama, mbal moso Sadana wumaya yidogolo. ¹⁶ Bamoso bamawugu ndaga-Nzaama tomo we kiesi; ¹⁷ Bamoso babwilene mbenge mu kebe ga nganga, bana bayawugu ndaga-Nzaama; si minianga we biesi bitshi we gimvama bimaya gwedese ndaga-Nzaama we gukonoso mbenge. ¹⁸ Bamoso bamabwilene mbenge mu mana mapimi ¹⁹ nde bana bawuguga ndaga-Nzaama babuduga mbenge magumu madede, magumu masamana, we kama yimoso ²⁰ Lugabisa balele ni basaaga mwindi gu tsina mese ni lo gu tsina toso? Lo ni mu guwusa ya tala mudi wu mwindi? ²¹ Lo gugele we gimi giswama ni gokonogo mu wangala; ²² muudu wugele we matswi ma guwugu gawugu. ²³ Lugabisa balele ni gebana mu guwugu gu bini. ²⁴ Bini nwini megamana mu gimegene, bu bini nubwese. ²⁵ Bini bwese wunu wugenzene; wunu wumakono, bini muwolo si gandama gagagel'agi. ²⁶ Lugabisa dodo ni gifa gimoso gimfumu gi Nzaama gigele nga muudu wumamwanga mbenge mu maana; ²⁷ gayama ni lo wudala, pibi we moso mbenge yimena, yiyela; ²⁸ Maana miyi beene ma menesa bididi we mbenge; ²⁹ ni mbenge yimabenge ni lo yimayele bamabulusu guvini. ³⁰ We ki dumafana gumege gimfumu gi Nzaama ni lo tigi? ³¹ Giyafanagana we lumbenge lu ..., ni batulu gwini lugalaga lutsisi tsili, ³² ni ba lugwini, luyelega nga mimboyi mimiosogo, lusaga tanga yiyinene. ³³ Gabalonga mu matigi mana makono pasi muguwugu. ³⁴ Lo galonga gukono tigi; si ni bagele bibene bu gabangana mamosogo. ³⁵ Bufugu beene mu masisigi Yesu ni dubwilana ya simi lu nzele. ³⁶ Lugafudulu baada, badwala mu bwada bugagele nde; gugele se we mabwada mbaana gihene gini. ³⁷ Gudigi gipubulu giginene, maja mawingina mu bwada. ³⁸ Gagele wuyama yata kuse, lubamuwusulu, lubamuleele ni longo lo wuyamono ni budu ya fa? ³⁹ Lugawusugu, lugangenene muhungu we nzele ni galana pwede. Muhungu luwuwi, gumu lugusala pwede tsili. ⁴⁰ Lugabawufulu ni mutul'aki nuyawugu bomo, lo nugele we lugwigili? ⁴¹ Lubawugu bomo buvulu badodagana ni ki muudu wuwu si muhungu we nzele munu gumuwugene?