1 Lulu lugele luyandaga lu Musomo wu Pimi wu Yesu-Klistu, Mwana-Nzaama 2 Nga bu basonogo mu mugana wu Mbigudi Yisaya: Nzaama ni:" Wuwu ntumu wuyitunudumusu mu guyidigi nzili". 3 Muudu wumoso wuyabadaga mu nsege yi bwasa: Yidigaana nzili yi Mfumu, sungigaana dumanzili dunde. 4 Yowani galonga mu tsege ni baada babodamana, babolomono midimi, bananga masumu. 5 Baada babosogo batsi yi Yudu we ba Yelusalemi bawena mu gufungunu masumu we gubodamana mu nzele wu Yodani. 6 Yowani gavaada mulele we mugaba wu pela-mbisi mu lugede, gadiaya baposo we bwigi. 7 Galonga ni wunu wini ya gu ngoy'ame umandigi me mu ngolo, lo yimafana gujibili misingi masabadi mande. 8 Me iya nubodogo mu maja, nde gina ya nubodogo mu Muhungu 9 Lugadulu Yesu gu Nazaleti, gabodamana mu nzele Yodani. 10 Lugadugu mu mwese gawugu ndaga ni nze wugele mwan'ame wu luzolo, 11 Ndaga yigele nga yembi. 12 Gungoyo muhungu lu wumudwala nsege yi bwasa lugamegamana guge Sadana; 13 Gasele mafugu magumu mana, gagala we bambisi ba musidi; bawanzio bawiya mu gumusalene. 14 Luwingini Yowani mu bologo, Yesu lugagie gu Ngalili; gaya longa ndaga-Nzaama ni: 15 Baada babolomono midimi, gimfumu gi Nzaama gidulu bel'a bele, nugumunu Musomo wu Pimi. 16 Lugamono Simoni we Andele baloba bambisi we bugoni, 17 Yesu lugabademene nundebe yinugidili balobo ba baada. 18 Mbala moso lubasisi bugoni, lubamulebe. look 19 Daanga lu gawena lugamono Yagob mwana Zebedai we Yowani mbel'a Yagob. bagele mu bwada bayidiga bugoni. 20 Yesu lugabademene, lubasisi gidabi we bada ba gisala mu bwada, lubalebe Yesu. 21 Yesu we balongogo bande lubagie gu Capernaum. Mu bufugu bu guhululugu Yesu lugawingini mu nzo-Nzaama yi bayudu, lugabulusu gulongo. 22 Baada bamona guwibigene bu galonga nde, mutul lo galonga nga balongo ba misigi; si galonga we giyege. 23 Mudu moso wugele we muhungu wufa gayawingini mu gimvugu gi baada lugabulusu guwabaga. 24 Yesu wu Nazaleti: Nze ki pana we bisi? Wumaya mu guduzwa bisi? Yiguyaba pimi, nze ugele musantu wumadumusu Nzaama. 25 Yesu lugangenene muhungu wufa ni lemene pwede, dugu mu ludu lu mudu wu. 26 Muhungu luwunigisi ludu ngolo tsili, luwudugu mu ndaga yi kalakala. 27 Baada babosogo lu bamono guwibi-gene tsili; lubabulusu guwufulagana ni kipana yini mudu wu galede malongi mafini nga gwi ni gage mfumu. Wuyida mihungu mifa, mise mimuwugene. 28 Lulu pana yinde yimayalagana tini mu Ngalili lulwosogo. 29 Lugadugu gu nzo-Nzaama, gagie we Jagi we Yowani gu nzo Simoni we Andele. 30 Mana-mugesa Simoni gagele wuyama wa bawa; lubalele Yesu. 31 Lugapusu bela-bele lugamunimisi we gumusa gogo, nde lugabulusu gu muselene. 32 Mu masisigi lu bamudwalene bakasa ba mihungu mifa. 33 Baada babosogo lu bayi ya mbela-nzo. 34 Gazunusu baada bavulu bampili we mpili. 35 Mu gipwili Yesu lugaya lugelene mu nsege mu gusama. 36 Simoni we baana bamoso lubaya musaga. 37 Lubamumono, baada babosogo bagusaga. 38 Lugabelele ni twenana mu mabulu ma bela-bele, giyiwiyene nde gini. 39 Gadigi Ngalili muwosogo mu gwalongo. 40 Bufugu bumoso mukaasa wu lebele lu gayafumaneene Yesu, lugamubonene ni wumazolo wafana gumbigisi meme? 41 Yesu lugamuwugeene kiene, lugamugeme mu gogo, lugamulele ni : eYimazolo, guzunu. 42 Mbal'moso lebele luluwi, muudu lugazunu. 43 Lugamudumusu mu ngolo ni ge tini gu bulu. 44 Gamuleele ni gwadeleene muudu lo, nda walulese gugele nganga-Nzaama, wulede magaba bugele misigi mu Mose. 45 Si nde bunu muudu wunu gayadaya biheni bibiosogo bu gazunu nde. Yesu lo gazolo gubisa monogo ya bulu, gasaala mu tsege.