¹ Gungoy'a mafugu Yesu lugayafugu ya Capernaum, baada lubawugu ni gagele mu nzo, ² baada bavulu lubayayulu ya mbele, gabalonga ndag'a-Nzaama. ³ Baada lubayi we gipoyi gi gigada, bagele bana; ⁴ Lo bagugu gumono, baada bagele bavulu; lui ndelunu lumono gipwidili mu yanga lu badubulu, lubawingisi mukaasa. ⁵ Yesu lugamono lugwigili lu biwi, lugaleele gidana ni masumu manze mamawa. ⁶ Gugele we basonogo babwanza badoda ⁷ ni muudu wu bunu gadodo abuna? Gayasawala Nzaama; na umafana gudogolo masumu ma baada ni gumakono Nzaama? ⁸ Yesu lugamono manunga mabi lugabawufulu ni kimanungu magele mu midimi mi bini? ⁹ Nuwufana gulele gigada ni masumu manze mamawa, nimigi, sene tanzi yaga ndawene. ¹⁰ Nuyabaga ni mwan'a Nzaama gagele luve lu ve lugudogolo masumu ma baada? ¹¹ Iyagulese, nimigi, sene tanzi yaga, ndagwaga. ¹² Mbal' moso luganimigi, lugasene tanzi, lugadigi ya kebe ga baada, baada bomono guwibigene, balumusu Nzaama. ¹³ Yesu lugaduugu ya simi lu nzele, lugabulusu gulongo. ¹⁴ Yesu gagele mu gudigi, lumumono Yesu, mu gihene gigafudusuga paga, lugamudeme, nde se lugamulebe. ¹⁵ Yesu gawingini mu nzo'Levi wudiaya we balongogo baana, we bafudusu-paga, we baada bambana bagisaga-saga. ¹⁶ Basonogo we bafadisi lubamono bunu lubaya bawufulu ni mutul'aki nuyadia we baada baana? ¹⁷ Yesu lugabawugu lu gabalele ni munganga gasaga bakaasa, si bakaasa basagaga munganga; melo yiwini baada ba pimi, yiwiyene baada babili nzili. ¹⁸ Balongogo ba Yowani we bafadisi bu bananga gudia mutula bisama; lubayi guge Yesu ni mutul'aki balongogo banze baqkono gu guginaga madia mu gusama? ¹⁹ Yesu ni bambayi ba mudimi baginiga madia mu daanga lugele mudimi? ²⁰ Bufugu bwini kono mudimi bwi ndebu bu bini gudia. ²¹ Basaga gidene gi mulele gifini mu mulele wu kulu, ni mulele wumabisa pagaga. ²² Basaaga vini lufini mu mabungu makulu, ni lowo vini we bungu bima beebe. ²³ Mu bufugu bugele bu saba, Yesu we balongogo baana badiga mu ngunu yimoso bayavina mbenge yi ble, ²⁴ bafadisi ni mutulaki baya sala abunu mu bufugu bu saba? ²⁵ Yesu ni nudaangaga magasele Davidi lugawugu nzala? ²⁶ Bunu gawingi mu nzo-Nzaama mu daanga lu Abiatadi, mfum'a banganga-Nzaama, lubadi mampa madiaga banganga-Nzaama nde we bagele we nde ? ²⁷ Yesu ni saba lusalamana mutul'a muudu, si lo ni muudu mutul'a saba; ²⁸ muudu gagele mfumu wu saba.