¹ Yesu lugamono ni baada bamahinagana, lu- gayabwanzana ya to musele ande balongogo baana, wulonga ni: ² Kiesi gugele bansukami mu gimpeve ³ mutulu gimfumu gi tala gigele gi biwi; ⁴ kiesi gugele bana bagele mu kiene mutulu bubini mono kiesi; ⁵ kiesi gugele bana bagele pwede mutulu bini baga maana magabagenese Nzaama! ⁶ Kiesi gugele bana bagele nzala ande pwisi yi guzi-ngi nga buzologa Nzaama mutulu bubini yugudu! ⁷ Kiesi gugele bana bawuguga kiene yi bagwene mutulu bubini bawugeene se kiene! ⁸ Kiesi gugele bana bagele midimi mipimi, bubini mumono Nzaama! ⁹ Kiese gugele bana badululuga bagwene midimi mutulu bini bademene baana ba Nzaama. ¹⁰ Kiesi gugele bana babamwesga pasi gisini luzolo guzingi buzologa Nzaama, ndebunu gimfumu gi Nzaama gigele gi biwi. ¹¹ Galaana mu kiesi ni batunu dugu, batunu mwese pasi, btunu doneene mapaana magi-sagasaga gisini meeme. ¹² Galaana mu kiesi mutulu lufudu lubini lwini gala lulunene gu tala; ndebunu se bubaniogolo mibigili mini midedegeene tomo. ¹³ Bini nwigi mungu ande mooso mu gisi gigi. Ni mungu wumabebe, wugalaaga se mfunu, bawudiagaga mu maana, bawuniadaga. ¹⁴ Mwindi bawusaaga ya tala mese mutulu wulemaaga mu kebe ga nzo, lo ni bawusaaga gu tsina gantini. ¹⁵ Weselaana ni mwindabini wumonoso baada babosogo kiesi, wumonoso bisala bibini bipimi, baada babososogo balumusu Gidaabini Nzaama gu tala. ¹⁶ Bulu lugele ya to musele luswamaaga. ¹⁷ Meeme lo yiwiyeene gudogolo misigi mi Mose ni lowo malongi mande, asi buiyami-gugusu. ¹⁸ Iyanulele gu musomo ni si gama gamoso lowo gini dogo mu Misigi i tala ande maana lowo bimawalaga, ni gisi lowo yana gimatsugu. ¹⁹ Wunu wini gamusigi gamoso gatsisi, wini longo baada mu gusala gubiyi nga nde, gini gidigi mutsisi mu gimfumu gi tala; asi wunu wini laba msigi mini, ande gulongo baada mu gumilaba, gini gidigi muudu munene mu gi-mfumu gi tala. ²⁰ Gumusomo iyanuleele abu-bu: Ni lowo numadigi balongoga misigi ande bafalisi mu gusala luzolo lu Nzaama, lo nwini wingini mu gimfumu gi tala. ²¹ Nuyaba ni lowo guzwa muudu, ni lowo bubini nusaamasa gugele leta. ²² Meeme iyanuleele ni wunu wini wugeene mugwene kobo bubini musaamasa gugele leta. Wunu wini lugu mugwene ni muudu-pamba ni lowo zobo, bini musamasa gugele bambudu ba lubundu; gini wingini gu mbaa yi Sadana. ²³ Mu gwaleede magaba wibigi ni wugele ande paana ande mugwene, ²⁴ dululu tomo magaba, fudugu nwa wugagana ande muudu wunu, gungoyo waleede magaba. ²⁵ Ni ande muudu wutugufunu gugele Leta, pimi mu nzili munu yagwene, wumboneene, numenese paana yini gibinaboolo, ni lowo bu bagubulu, ²⁶ lubagusaamasa wa fudu nzimi yivulu, waya wingini bologo. ²⁷ Nuyaba ni gusala ginduumu lowo ²⁸ asi meeme iyanuleele ni muudu wumamineene mukaada made, gamasalande ginduumu mu mudimi. ²⁹ Ni muudu wumazolo guwesele mugese, pimi gamuwe mugaana wu guzwa wala ³⁰ ni bunu lowo nde wutumudumu mu gwasala ginduumu. ³¹ Nuyaba ni gubebese lusilu ande Nzaama lowo ³² asi meeme iyanuleele ni wunu wuma laala Nzaama pmba-pamba asi mu kuuma-tala, asi mukuma-maana, asi mu kuuma-Yelusalemi, mutulu tala yigele gidi gi Nzaama gi gimfumu, maana gihene ginde giganiadga, Yelusalemi bulu lunde lu gimfumu. ³³ Gulaala se lowo mu mudwe wunze, mutulu nze lowo wini gugu guyodoso ni lowo gugidil mpmbi bamfufu ba mudwe wunze. ³⁴ Ndaga-bini yigele yimoso ni E, E, ni lowo, lowo; yigu-bwese ya tala yigi yi bupala, yi Sadana. ³⁵ Nu-yaba banulongo ni muudu wutugudubulu disi, nze se mudubulu wana, ³⁶ wunu wutugusogolo dini, musogolo wana, ³⁷ asi meeme iyanuleele ni gufudulu gubiyi lowo: wunu wutugubulu mu dama lugimaaya, muwe se dama lugidaada gagubulu; ³⁸ ni muudu wutugufunu mutulu gaguwoolo gikudu, muweseleene se gazaga ³⁹ ni muudu wutuguwa gimi gi bugogo ni mudwaleene gandanda, nze digigisi gihene gini mudwa-leene guleye. ⁴⁰ Asi meeme iyanuleele ni gufuduleene muudu gubiyi lowo. ⁴¹ Ni muudu wutugulo-mo gimi ni lowo mu gumulefese muwe, gumu-nsungu lowo. ⁴² Banulongo ni wini zolaaga kaga mugwenaaga, asi mumengaaga lowo. ⁴³ Asi meeme iyanuleele ni zolaana bamenge babini, nusagamana bana bayanulageene gubiyi, ⁴⁴ nubaseleene mapimi, nubasaa- meene bana bayanumwese pasi. ⁴⁵ Bunu nga nugidigi baana ba Daada Nzaama wunu wu-desga mooso ande gunogoso mvulu mutula baada babosogo bamidimi mipimi ande bami-dimi mifa. ⁴⁶ Ni nuyazolo baada bapimi peele ni lowo bapanga babini peele, kinumagidi yana bimadigi bamimpani? ⁴⁷ Bafudusu-paga basalga se ndebunu! ⁴⁸ Galaana bana bama-digi mu gusala mapimi nga Gidaabini gu tala, gagele wunu wumadigi mu mapimi.