1 Yesu gagini gudia mafugu maguumana, 2 gungoyo, lugawugu nzala. 3 Sadana lugaya-mulebe ni gumundaga ni wigi Mwana-Nzaa-ma, gidili midoyo mimi madia wudi; 4 Yesu ni basonogo ni moonamuudu lowo wugele ni mu madia peele, asi wigi se mu Ndaga-Nzaama yiyosogo. 5 Sadana lugamudwala ya to nzo-Nzaama yi bulu bu Yelusalemi nde ni: 6 Gumundaga ni wigi Mwana-Nzaama lelemege yaya, ginaga baso-nogo ni gini gudumusu bawanzio bande bagusene ya mioogo, mili minze mikono gubudili sasa. 7 Yesu ni basonogo ni lowo wini mege si bitsi Mfumaaga Nzaama. 8 Sadana lugabisa mu-dwala ya to musele wuleye tsili, gamulese bi-mfumu bi gisi gigi bibiosogo ande mugieme wu biwi, 9 nde ni: Mfugamaneene, nsameene yiguwe bimi bibi bibiosogo. 10 Yesu ni: Sadana, doogo yaya! Ga basonogo ni wini sameene peele Mfumaaga Nzaama, wuwini saleneege. 11 Sadana lugamudini; bawanzio lubaya gulumugu, lubabulusu gumusaleene. 12 Yesu lugawugu ni Yowani bamu geme, luga doogo yana, gagie gu Ngalili. 13 Luga doogo ya Nazaleti gaya lemene ya Kapelenawumi mu kuuga-nzele, gu ndaama-Zabiloni ande Nefta-liyi. 14 mutulu magasonogo mubigili Yisaya ni: 15 Bisi Zabiloni ande bisi Neftaliyi gu ndaama-nzele wu Yodani ande bamimpani ba Ngalili bubini mono mwindi; 16 biwi bagalga mu pibi yi lufa, Mwindi buwini leeme mu kebe gabiwi. 17 Ndelunu Yesu luga bulusu gulongo ni bolo-monaana midimi, gimfumu gi Nzaama gima besagana. 18 Mu gudigi, luga mono Simoni wunu wugidigi Piele ande paangana Andele baloba bambisi, nde ni 19 nundebe meeme, nga yinu gidili balobo-baada. 20 Mbal'moso luba mulebe, luba sala sisi bugondi. 21 Luga duulu gandanda, luga mono baana ba Zebede boolo, Jagi ande Yowani bawulula bu-gondi ande gidaabiwi mu bwada, 22 luga demene baana ni yanwa ndaba; mbal'moso luba sisi gidaabiwi, luba mulebe. 23 Yesu gaya longa Ndaga-Nzaama mu man-zo-Nzaama ma bayudu mu ndaama-Ngalili yi-yosogo, 24 gaya zunusa maakasa mi gifa ande gifa, ande gudusu mihungu mifa, ande gume-nese mapasi ma baada mamosogo. 25 Lugu-gu lunde lumwamaga mu ndaama-Siriyi yiyo-sogo, baada bavulu baya mulaba baduuga gu Ngalili ande gu Dekapolo ande gu Yelusalemi ande gu Yudeye ande gu ndaama-nzele wu Yodani.