¹ Yesu wudu guulu mu gihigi gi masumu, lowo dubisa saala baada bagu labaaga misigi. ² Bini nuya bisa laba misigi, gebaana, wigilaana, meeme Poolo iya nuleele ni ³ nuya gunu yaadigi, lowo nwigi ande mfunu yi Yesu mutulu nuya fudugeene misigi. ⁴ Bini nuya saga gumonogo baada bapimi gu misi mi Nzaama mu misigi, nuya lugabala ande Yesu, Nzaama lowo gaya nudala mu disi lupimi. ⁵ Bisi duya sa mudimi mugele Nzaama, wudu waaga Muhungaana mu gudu gidili baada bapimi ya misi miana mu lugwigili lubisi, ⁶ lowo twigi mfunu yi gudu yaadigi; bisi twigi mu gimvugu ande Yesu.... ⁷ Nubulusu pimi, asi naa wunu wutu nuwoonoso mu nzili? ⁸ Mapaana manu yaya wugu lowo migi ma Daada Nzaama wunu demene. ⁹ Ndaama yi mugiele yini yi wubusuga mfufu yi mampa, gwigi ndebunu. ¹⁰ Luulu meeme yisileene Nzaama mudimi mutula bini. Yima nungu ni bini se nuya mono nga meeme, asi wunu wuya nusa gisaga-saga bugini baga duumbu lu Nzaama. ¹¹ Bapaanga ba guzolo,.... nga Ndaga-Nzaama lowo yima fana guwa baada pasi, nga bu baya pa meeme, ¹² asi baada bana baya nudoneene balu gidili gabiwi bagobo. ¹³ Si lowo nwigi bahigi, nukono gusalaaga bisala-sala ande gulabaaga biesi bi gisi gigi; ¹⁴ gimi gimfunu gigi gusalasanaaga mu kebe gabini ande guzolaganaaga, ginaga guzolo guma digi misigi mimiosogo, ndebunu bu basonogo ni nze muudu wumu zolo mugwene nga nzege beene. ¹⁵ Ni nuya sala mapaana nga bambisi ba musidi, nuya leedagana pasi bini ande bini ande guzwesagana... ¹⁶ Iya zolo gunu leele ni gulaba lowo pwisi yi luudu lu gimuudu, ¹⁷ asi labaana pwisi yi Muhunga-Nzaama mutulu ni Muhunga-Nzaama wuya dwalasa mudimi wu muudu, wumenesega pwisi yi gimuudu, ¹⁸ ginaga Muhunga-Nzaama ande gimuudu gibisi bawugaganaaga. Ni Muhunga-Nzaama wuma yaala muudu, misigi migalaaga se mfunu. ¹⁹ Baada bana baya laba pwisi yi luudu bigi bana baya sala mapaana mafa, ma nsono ande guwibi ande gudodo bupala ande gusala ginduumu ande gusaama bidegi ande gusala bakidi ande gunwanagana ande gusagagana buhala ²⁰ ande guwugagana misigi ande gugabalagana ande gudendagana ande guwugeene bagwene kobo ande guwudu mono ande gusala bisala-sala. ²¹ Gebaana nga buyi nuleele geele, ni lowo lowo nwini mono Gimfumu gi Nzaama. ²² Muhunga-Nzaama wubusuga guzolo ande dulu-duluu ande kiesi ande gugangamana mudimi ande gulu yaala ande gusala mapimi. ²³ Mapaana maama migi se nde mana ma zologo misigi. ²⁴ Baada ba Yesu bigi baada bana bagafi abiwi yataa kulunsi, bana batabana gimuudu gibiwi gigiosogo, baya laba mapaana ma Muhunga-Nzaama. ²⁵ Duweselaana Muhunga-Nzaama wudu dwalasaaga, ginaga wuduwe moono. ²⁶ Dukono gusalaaga mapaana mapamba-pamba ande bimi bi gimuudu ande gusa misi mi bimi bi baada.