¹ Gwigi meeme Poolo wunu wugidili Daada Nzaama tumu mu guzolo gwana ande gu Mfumu Yesu ande bapaanga bigi yaaya ² duya nusonogeene bini baklisto ba mabundu ma Ngalati mu gunuleese ni ³ Gidaabisi Nzaama ande Mfumabisi Yesu bigi mu gunu dala mu disi lupimi ande mu gunu bwisi midimi. ⁴ Yesu wulu leede ndege beene mu gudu guulu mu masumu mu guzolo gu Gidaabisi Nzaama. ⁵ Nzaama gaseene lugugu lu mvulande mvulu. Amen. ⁶ Iyamono guwibigeene ni bini nusisa Ndaga-Nzaama yi Pimi nuyaya laba baada ba gisaga-saga. ⁷ Baada bambaana mu kebe gabisi, si wanzio wu tala ni munu gunuleese ndaga yimbaana, ⁸ gugwigili lowo. Nulabaaga kaga ndaga yini yinu wugu gugele bisi, yini yinu yaaba; lowo gwigi ande yimbaana. ⁹ Ni muudu wunudwala mu nzili yimbaana, muudu wunu gigi mu kebe ga gihongo gi Nzaama. ¹⁰ Bini bapaanga ba guzolo, meeme lowo yiya saga gulu zoloso gugele, lowo se yiya saga guwa baada kiesi mu kebe ga malongi maama. ¹¹ Ndaga yiyi lowo ni meege beene iya yisaga, lowo se ni muudu wuyi ndongo, ¹² asi gwigi ndege beene Mfumu Yesu wundongo, ni bunu lowo, nga lowo ngwigi muudaana wu gusala. ¹³ Bini beene nuwugu buyi gele meeme tomo, buyi mwesa baklisto pasi, buyi sala mutulu guzwa Dibundu lu Nzaama. ¹⁴ Buyi digi baada bana bangwigi abi deele lumoso mu gusaleene misigi mi Dibundu lubisi lu bayudu. ¹⁵ Gisi Nzaama wunsolo luyi kono yaana gubudugu mu gumusaleene. Gwigi mu guzolo ande kiene yaana gatemene lunu lugugu daanga. ¹⁶ Lowo yigie gugele batumu batomo gu Yelusalemi ni lowo gugele hoso muudu wunu, asi gatumusu gu gisi gi Alabi ande gu Damasa. ¹⁷ Gatumusu ni ngalongo Ndagaana gugele baada ba bigaana yimbaana, lowo ni gugele bayudu. ¹⁸ Gu Yelusalemi, yigie gungoya mvulu dede (3), ndegunu guyi yabeene Piele; ¹⁹ yimono tumu kaga Jagi, makwina Yesu, wumbaana lowo. ²⁰ Lowo gwigi ni bupala yigi paana-paana iya nusonogeene. ²¹ Yigele ande poso yoolo (2). Gungoyo luyi gie gu ndaama Siliyi ande gu ndaama Silisiyi. ²² Gunu baklisto bawuga peele baada badoda ni muudu beene ndewunu wumwesa baklisto pasi, wuyaya longo Ndaga-Nzaama, ²³ asi lowo bangiaba. ²⁴ Ndelunu luba lumusa Nzaama.