¹ Bini baana nuzidisi badaada ande bamaaya babini, wuwu musigi wubini wutomo gu misi mi Nzaama, ² wigi ande lusili, ³ ndebunu bu nwini lama mu gisi gigi, nwini gala mu kiesi. ⁴ Bini badaada ande bamaaya, guwugusaaga baana kobo lowo mu todeene yibini, asi nubagisi nsaasa mu nzili yipimi, mu Muhunga-Nzaama. ⁵ Bini baada ba gisala, nuzidisaaga bamfumu babini ba gisala mu mudimi wumoso. ⁶ Guzolo lowo ni hoso daanga banu dalaaga mu gusala pimi, nusala gisala gipimi ngagwi ni Nuya saleene Mfumu Yesu. ⁷ Nusalaaga mu mudimi wupimi ngagwi lowo nuya saleene baada peele, asi ande Daada Nzaama. ⁸ Bini bahigi, nulu mono ni nwigi bahigi ba Yesu, gifa se gimoso bini bamfumu, hoso muudu gini baga matabisi maana, labeene bisala biana bipimi mu gisi gigi. ⁹ Nuyabeene bini bamfumu ni ¹⁰ Mu gumenese, sagaana gubaga ngolo yini yiga leedega Nzaama wu ngolo yiyosogo. ¹¹ Nde ganu we mada mana mama fana gubelese Sadana ande Muhungu miana mifa ¹² mutulu lowo ni duya nwana ande baada, asi ande Sadana ande mihungu miana mifa; ¹³ dusenaana mada ma Nzaama, magimpeve nga dubelese ngolo yi mihungu mini tii mu bufugu bunu butwini nsugusu Sadana. ¹⁴ Vadaana mapaana ma Nzaama ngagwi ni mugaba mu lugede ande gudodo mapaana mapimi ngagwi ni gikudu gi gibende ya tulu ande Ndaga-Nzaama ngagwi ni masabadi gu mili mibini mutulu nubwisi baada midimi. ¹⁵ Yilamanaana ngagwi ni basuda baya gwe mu biduumu. ¹⁶ Hoso daanga nugeme lugwigili lubini ngagwi ni lubayi lugu kono gulwala mapunzu mutulu lugwigili ndelunu lwini zimi mbaa yi Sadana. ¹⁷ Nuguumunu guhulugu ande Ndaga-Nzaama ngagwi ni mbeese yi Muhunga-Nzaama. ¹⁸ Bimi bibi bibiosogo nubi loomo mu gimpeve, mu kebe ga bisaama gugele Nzaama. Nugalaaga pimi, nuzibili misi daanga lulwosogo. ¹⁹ Nusaameene baada ba Nzaama babosogo, nunsaameene se meeme mutulu ndongaaga Ndaga-Nzaama pima-pimi, ngiabeene giswaama gi yiwiyi ²⁰ si bunu bungwigi mu bologo. ²¹ Paangabisi Tisigi bugini ya nudeleene mamosogo maya digi yaaya ²² mutulu bini se nuyabeene buyi magidigi meeme ande gunu siamisi. ²³ Daada Nzaama ande Mfumu Yesu banudele mu disi lupimi bini bapaanga ba guzolo ande ba lugwigili babosogo. ²⁴ Nzaama ganu diageene kiene yinde ande guzolo gunde gukono nsugu bini nuzologa Mfumabisi Yesu.