¹ Bapaanga ba guzolo, nuyaba mapaana madu nulongo mu guwa Nzaama kiesi ande bini mu gugala pimi, nwigi mu guma sala ndebunu, ² asi duya nuloomo ande gunu boneene ni nubisa masala pima-pimi gudigi mana matomo. ³ Gimi gigaya zolo Daada Nzaama gwigi gulu gebe mu kebe ga mapaana mapimi ande gukono gusala ginduumu. ⁴ Hoso muudu galu gebe luudu lwana, ⁵ nukono gulu dwalasa mu biesi bi gisi gigi nga bampani bakono guyaba Nzaama. ⁶ Si muudu wumoso gakono guvudu madia ma mugwene, gakono gumu sala si gubiyi gumoso ni lowo Nzaama gini bawa duumbu baada bana baya sala bagwene gubiyi. ⁷ Ginaga Nzaama gadu loomoga mu gusala mapimi, asi lowo ni gubiyi. ⁸ Muudu wunu wuya nanga mapaana maama, lowo ni gaya nanga muudu, asi gaya nanga Nzaama wunu si Muhungaana mu kebe gabini. ⁹ Mutula guzolagana gu gipaanga, bugu nuleele si gimi lowo, ¹⁰ bini beene nwigi mu gusaleene mu kebe gabini ande bapaanga ba Masedoni, ¹¹ asi gimi giduya nuloomo gigi ni nuyabeene gulu saleene gu miogo mibini beene, gukono gunungeene muudambaana, ndebunu budu nulongoga; ¹² nuleesaaga mugeleene wupimi mu kebe ga gimvugu gibini, baada bambaana se banu guumunu, guwinginaaga mu mapaana ma baada banzie lowo, dalaana gisala gibini. ¹³ Gumono guwibigeene lowo ni gwigi ande baada bangaa fa, bunwini kono gumono kiene nga baada bana bakono lugwigili, ¹⁴ ginaga bisi dusi mudimi ni Yesu wufi, wunimigi mu lufa, ndelunu mu bufugu bunu Nzaama bugini ba nimisi nzili yimoso ande Yesu. ¹⁵ Ndeege Yesu gadodo ni mu bufugu bunsugu tomo baada bana bafi bini dedegeene mu gwa wanagana we nde, bisi twini gala bamoono mangoyo; ^{16 17} 18