¹ Gwigi meeme Poolo ande Timote ande Silasa duya nusonogeene bini baklisto ba Dibundu lu Tesalonigi, baada ba Daada Nzaama ande Mfumu Yesu. ² Duya doono Nzaama hoso daanga mu bisaama bibisi mutula gisala gibini ande guzolo gubini gunuya leese gugele baada babosogo ande lugwigili lubini mu kebe ga Mfumu Yesu ya misi mi Gidaabisi Nzaama. ³ Duya nuloomeene Nzaama ganu dululu midimi, ganu dele mu disi lwana lupimi. ⁴ Bapaanga ba guzolo ba soolo Nzaama, ⁵ Ndaga-Nzaama yinu wugu, lowo yigi ni gu gono peele, asi yigi mu Muhunga-Nzaama ndebunu bunu dumono bisi mu kebe gabini. ⁶ Bini beene nwigi mu gulaba mapaana maduya sala bisi si ndebunu mu kebe ga pasi yibaya duwa, nuya sala ande kiesi giya nuwa Muhunga-Nzaama; ⁷ gimi ndegini ginu gidili baada bana baya leese nzili yipimi gugele bisi Masedoni ande bisi Akayi. ⁸ Lowo gwigi ni mutula Ndaga-Nzaama peele yinu wugu, asi ande mutula ndumu yi lugwigili lubini yiduulu guleye ⁹ baada babosogo munu gunu dodeene ande mudimi wunu si mu guzili Mfumu Yesu, Mwana-Nzaama wunu wunimigi mu lufa, ¹⁰ ande bunu wesele mu gusaameene bidegi, numana bitabana, nubolomono midimi mibini, nuguumunu Nzaama, nudini Kobo yaana.