^{4 1} Moraho ha dilo je, ga bo go le mokete wa Bajuta, mme Jesu kreste a thatogela kwa Jerusalema. ² Jaana mo jerusalema ga be ho le lekadiba mo kgorong ya dinku, ka puo ya sa Hebera lekadiba le le bidiwa Bethesta, lekadima le le ne le na le maobo a le mathano. ³ Mo maobong a, ga bo go le maswitiswiti a ba batho ba ba lwalang,dihohu,bothutsi,le ba ba omeletseng, ba ne ba rapame foo ba lebeleje kgoberego yaa meji. ⁵ Mme ga be go le monna mongwe yoo neng a sale a kula dingwaha tse di le masome a mararo. ⁶ Jesu a mmona a rapame hoo, mme moraho ha ho lemoha hore rre yoo ha bolo ho nna ha sebaka se se leele, o mo raya a re, "A o nyaka ho hola?" ^{8 7} Monna yoo a mo hetola a re, "Ha, kena motho ope yoo e reng hang meji a kgoberwa a ntsenye ka deng ha lekadiba. E a te ere ke sa nje ke ta, mongwe a hologe moo pele haka.'' ⁸ Jesu a mmoja hore, "Emelela o jeye mpete, jwa haho o tsamae.'' ⁹ Motsotsonyana hela, Molweji yoo a be a seje a hodile, a tsaya bolao jwa hahe a tsamaya. Mme letsatsi leo e ne e le Sabata. ^{11 10} Bajuta ba boja molweji yoo neng a hodisiwa ba re, "Ke lejaji la Sabata ha o letelelwe ho tsamaa o rwele mpete wa haho.'' ¹¹ Mme a ba hetola a re, "Yoo o mphodisijeng keene a ntheejeng are, 'Tsaya mmete wa haho o tsamae o hodile.''' ¹² Mme ba mmojisa hore, ''Ke monna o he yo a neng a re, 'Tsaya mmete wa haho o tsamae'?" ¹³ Mme, ene monna yoo a neng a hodisijwe o ne a sa tsebe hore ke mang ene yoo mo hodisijeng ka gore Jeso o ne a gwa hoo ka setu, ka ho ne ho na le morahe o monji ka moo. ¹⁴ Morahonyana, Jeso a mo khumana ka deng ha tempele mme a mo raya a re, "Bona, o hodile! O seka wa leoha moho sepe se se maswe ho heta seo, se seka sa ho dirahalela." ¹⁵ Monna yoo a toha a ya ho boja Bajuta hore monna yoo a mo hodisijeng ke Jeso. ¹⁶ Mme ka dilo je, Bajuta ba thoma ho bogisa Jeso, hela kahore o drile tje ka lejaji la Sabata. ¹⁷ Jeso a ba hetola a re, "Ntate wa dira hone yana, le nna, ke a dira." ¹⁸ Mme ka se, Bajuta ba ne ba nahana le ho mmolaya e seng hela ka hore ba obamela molao wa Sabata, le ka le baka la hore o ne a re Modimo ke bo Papa ba hahe, le hore o ne a ipaa mo seemong se se lekanang le sa Modimo. ¹⁹ Jesu a ba hetola a re, "Ammaruri, ammaruri, Morwa ha a kake a eja sepe ka bo ene,mme o eja je di dirwang ke bo Papa ba hahe, sepe hela se se dirwang ke bo papa, morwa wa se eja leene. ²⁰ Go nne Ntate o rata morwa wa hahe,o mo supeja tsothe kamoka tse a di ejang, hape o ta mo supeja je dikgolo kamoka ho feta tse hore le te le makale. ²¹ Gonne ha Ntate a tsosa baswi a ba neela botshelo,le Morwa o kgona go fa botshelo mongwe le mongwe yoo a mmatang. ²² Gonne Ntate ga a athole ope, e ka hore o file katholo yothe go Morwa wa hahe ²³ hore mongwe le mongwe a thomphe Morwa go supa thompo ho Ntate. Mme ene yo a sa thompheng Morwa ha a thompe Ntate wa hahe ene yo a mo rumileng. ²⁴ Ammaruri, ammaruri, ke a le boja mme yo a reetsang lehoko lame, ebile a dumela ho ntate yo a nthumileng o na le bophelo jo bo sa khuting ha a te mo tshekisong, o dule mo lesong o fedeje mo bophelong. ²⁵ Ammaruri, ammaruri, ke a le boja, nako e horohile, nako ke yone yee ha baswi bothe kamoka ba ta utwang lentswi la Morwa wa Modimo, mme bothe ba ba ta le utwang batla phela. ²⁶ Gonne jaaka Ntate a na le bophelo mo ho ene, o hile Morwa bophelo hore a phele mo ho ene, ²⁷ gape Ntate o hile Morwa thata ya katholo ka hore ke Morwa wa Monna. ²⁸ O seka wa makatswa ke se, gonne nako e ta horoga ye mongwe le mongwe yo mo lebiteng a ta utwang lentswi la gagwe ²⁹ mme o ta ghwa: ba ba edijeng je di nte ba ta ghwela tsohelong ya bophelo, mme ba ba edijeng je di mpe ba ta ghwela tsohelong ya katholo. ³⁰ Ha kena ho etsa sepe ke le nosi. Ke athola jaaka ke utwa, kea athola, katholo yame ke ye e siameng,ka go bo ke sa bate go rata ga me,fa e se go rata ga yo a nthomileng. ³¹ Fa nka supa ka ga me, tshupo yame e taabo e se ya boammaruri. ³² Go na le yo supang ka ga me, mme ke a tseba hore tshupo yeo ke ya boammaruri. ³³ Le romilwe kwa ho Johane, mme o supile ka ha boammaruri. ³⁴ Mme tshupo ye ke e amohejeng. Ha e ghwe ho monna.Ke le boja tse hore le te le bolokwe. ³⁵ Johane e ne le lebone le le tshubang ebile le halalela, mme lerata go dula le itumeje ka lebaka mo leseding la hahe. ^{38 36} Tshupo ye ke nang le yone e kgolo go feda ya ha Johane, go nne meshomo yothe kamoka ye bo Papa ba e nneejeng go etsa, yona meshomo ye ke ejang,e shupa hore ke romilwe ke Ntate. ³⁷ Bo Papa bone ba ba nthumileng ba shupile ka ha nna. Ha le ise le utwe lentswi la hahe kgotsa la mmona mo sebopehong sa hahe. ³⁸ Ha lena lehoko la hahe mo dipelong ja lena, gonne ha le dumele mo ho ena yo a mo romileng. ^{40 39} Le nyaka dingwalo ka hore le akanya hore mo ho tsone le na le bophelo bo sa khuting, tsona dingwalo je di supa ka ha nna, ⁴⁰ mme ha le nyake ho ta ho nna hore le te le nne le bophelo jo sa khuting. ⁴¹ Ha ke newe toto ke batho, ⁴² mme ke a tseba hore ha le na lerato la Modimo mo ho lena. ^{44 43} Ke tile mo lebitsong la bo Papa, mme ha le nkamohele. Mme mongwe ha ka ta mo lebitsong la hahe, la ho mo amohela. ⁴⁴ Le ka dumela jang lona ba le thomphanang, mme thompo ye e tswang ho Modimo a le esi le sa e nyake. ⁴⁵ Le seka la akanya hore ke ta le beya moladoo hapele ha bo Papa. Ene yo a le beyang molado ke Moshe, ene yo le solojeng mo ho ena. ⁴⁶ Ha o dumeje Moshe, o tshwaneje wa dumela mo ho nna, ka hore o ngwadile ka ha nna. ⁴⁷ Ha o sa dumele mo dingwalong ja hahe, o ka dumela jang mo mahokong a me?''