¹ Simona Petera, mpanompo sy apostolin'i Jesosy Kristy, ho an'iré zay nahazo ny finoagna sarobidy karaha zay noraisinay, finoagna akô amin'ny fahamarignan'ny Andriamanitsika sy Jesosy Kristy Mpamonjy. ² Hampitômbo anie ny fahasoàvagna sy fiadanagna nohon'ny fahalalagna an'Andriamanitra sy Jesosy Tompontsika. ³ Iré raha jiaby mahakasika ny herin'Andriamanitra ho an'ny fiainagna sy toe-pagnahy de hagnamia antsika tamin'ny alalan'ny fahalalagna an'Andriamanitra, zay niantso antsika tamin'ny alalan'ny vôninahiny ndraiky fahatsarany manôkagna. ⁴ Tamin'ny alalan'iré, namiany koragna fikasagna tsara sady maventy indrindra atsika, mbô ho tônga mpizara amin'ny fômban'Andriamanitra anaré, raha mitsoaka ny fahalotoagna zay aketo an-tany noho iré filàn-dratsy. ⁵ Noho izégny, magnanaova ny tsara indrindra mbô hagnampiagna fahatsaragna amin'ny alalan'ny finoanarè, ké amin'ny alalan'ny fahatsaranaré, ny fahalalagna. ⁶ Amin'ny alalan'ny fahalalanaré, magnampia fahononam-pô, kè amin'ny alalan'ny fahononam-pônaré, magnampia fiaretagna, ké amin'ny alalan'ny fiaretanaré, magnampia toe-pagnahy. ⁷ Amin'ny alalan'ny toe-pagnahinaré, magnampia fitiavagna rahalahy, ké amin'ny alalan'ny fitiavagna rahalahy, magnampia fitiavagna. ⁸ Kôfa akô aminaré iré ké mitômbo akô aminaré, de tsy hamoa na tsy hamokatra amin'ny fahalalagna an'i Jesosy Kristy Tompontsika anaré. ⁹ Fô na zôvy na zôvy tsy ampy iré raha iré de tsy mahita afa-tsy zay akaiky; jamba izy. Nadinoiny ny fagnadiovagna ananjy tamin'iré fahotany talôha. ¹⁰ Noho izégny, ry rahalahy, ataovy ny jiaby mbô hahazoagna antoka ny fiantsoagna ndraiky fifidianagna anarè. Kôfa magnano iré raha iré anaré, de tsy ho voafingagna. ¹¹ Amin'izay de malalaka ho anaré ny fidiragna akô amin'ny fanjakagna mandrakizay zay an'ny Tompontsika sy Jesosy Kristy mpamonjy. ¹² Noho izégny de vonogna foagna zaho hampatsiaro anaré iré raha iré, na de fantatraré aza iré, ké na de mantanjaka akô amin'ny marigna aza anaré avaizo. ¹³ Zaho mieritreritra fô rariny aminahy ny mamôha anaré amin'ny fampahatsiahivagna iré raha irè, kôfa mbôla aketo amin'itô tragno-lay itô zaho. ¹⁴ Satrià fantatro fô tsy ho ela de ho esoriko ny tragno-laiko, karaha zay nasehon'i Jesosy Kristy Tompontsika anahy. ¹⁵ Ké ho ataoko zay farany vitako mbô hahatsiarovanaré mandrakariva iré raha iré rehefa lasa zaho. ¹⁶ Fô zahay de tsy nagnaraka angano tsara rafitra zay noforognina rehefa nikoragna taminaré ny momban'ny hery sy ny nisehoan'i Jesosy Kristy Tompontsika. Fô ndraiky, zahay de vavôlombelogna nahita ny fiandriagnany. ¹⁷ Fô Izy de naharay laza amam-bôninahitra avy tamin'Andriamanitra Ray rehefa nisy feo tônga také Aminanjy tamin'ilay vôninahitra maventy indrindra hoe: ''Itô no Zanako malalako, zay sitrako indrindra.'' ¹⁸ Naharegny izégny feo avy agny an-dagnitra izégny zahay, rehefa niaraka taminanjy tegny an-tendrombôhitra masina. ¹⁹ Atsika de managna itô koragna faminaniagna zay efa natô mafy origna itô. Tôkony hitandrigna izégny tsara anaré. Izégny de karaha ny jiro mazava akô agnaty haizigna mandra-piavin'ny marigna sy ny kintan'ny marigna mipôsaka akô am-pônaré. ²⁰ Fantaro alôha izô, fô tsisy faminaniagna avy amin'ny famoahan-kevitry ny ôlogno. ²¹ Fô tsisy faminaniagna avy tamin'ny sitrapôn'ny ôlogno. Fô ndraiky, notarihan'ny Fanahy Masina zaré regny mbô hivôlagna zay nokoragnin'Andriamanitra.