¹ Saulus rindu meda Stepenus kena bunuh. Saulus Merinsa Jemaat Berengkah ari sari nya raban Jemaat aba Jerusalem balat amat kena perinsa, alu kelimpah ari sida rasul, semua sida pambar ngagai serata menua Judea enggau Samaria. ² Urang ke tuci Allah Taala numbak ka Stepanus, alu kedui nyabak ka iya. ³ Tang Saulus belabuh ngerusak Jemaat. Iya bejalai ari rumah sige ngagai rumah sige, lalu ngirit urang ka laki enggau urang ke indo, alu nambet sida alam penjara. ⁴ Sida ka pambar pendiau, bejalai ari endor siti ngagai endor siti, nusi Berita Manah. ⁵ Philipus mupuk ngagai negeri Samaria, alu nusi pasal Kristus ngagai urang dia. ⁶ alu semua urang mayoh bela keran mending ka utai ti disebut Philipus, lebuh sida ninga iya sereta meda kereja ajih ti dikereja iya, ⁷ laban roh ti jai manjong pansut ari mayoh urang ke dirasuk antu, alu mayoh urang ke parai toboh, tau ka enda ulih bejalai, digerai ka. ⁸ Nya alai urang alam nengeri nya balat amat gaga. ⁹ Nyadi di negeri nya bisi urang siko ka benama Simon. Iya lama udah ngaga pengawa keramat, ti ngasuh orang di Samaria balat alit ati, alu madahka diri urang ka bekuasa. ¹⁰ Semua urang di negeri nya, urang ke kaya enggau urang ke seranta bela keran mending ka iya. Ku sida, “Iya to kuasa Allah Taala, ti dikumbai ‘Kuasa Te Besai,’ ” ¹¹ alu sida keran mendingka iya laban sida lama udah balat alit ati meda kereja keramat te da gaga iya. ¹² Tang lebuh sida arapka pesan ti ditusui Philip pasal Berita Manah Perintah Allah Taala, enggau pasal nama Jesus Kristus, sida lalu dibaptisa, nyengkaum lelaki enggau indu. ¹³ Indah Simon empu deh arap. Lebuh iya udah dibaptisa, iya nitihka Philip, lalu iya balat alit ati lebuh iya meda kereja ti nyelai enggau kereja ajih nyadi. ¹⁴ Leboh sida rasul di Yerusalem ninga urang Samaria udah nerima jako Allah Taala, sida alu ngasuh Petrus seduai Yohanes ngabas sida. ¹⁵ Seduai iya mupuk, alu besampi ka sida ngambi ka sida nerima Roh Kudus, laban Roh Kudus ¹⁶ bedau nurun atas sida; sida semina udah dibaptis alam nama Tuhan Yesus. Petrus seduai Yohanes alu engkah ka jari atas sida, ¹⁷ alu sida nerima Roh Kudus. ¹⁸ Leboh Simon meda Roh Kudus bise dibere leboh seduai iya engkah ka jari atas sida, iya alu nguji mere seduai iya duit, ¹⁹ ku iya, “Bere kuasa to mega ngagai aku, ngambe ka urang ke alai aku engkah ka jari, nerima Roh Kudus.” ²⁰ Tang ku Petrus bejako ngagai iya, “Awak ka duit nuan enggau nuan empu sama parai, laban nuan ngumbai dire uleh meli pemere Allah Taala ngena duit ! ²¹ Nuan nadai bagi tau ka ungkup alam utai to, laban ati nuan salah aba mua Allah Taala. ²² Nya alai nyesal nuan ke penyai nuan to, alu besampi ngagae Tuhan, nyang ka ukur Iya uleh ngampun nuan ari runding nuan te jae nya. ²³ Laban aku meda nuan to penoh laban ati te kepapas, sereta ditancang dosa.” ²⁴ Simon alu bejako ngagai Petrus seduae Yohanes, “Besampi ke aku ngagai Tuhan, ngambe ka utai te di sebut nuan nya enda nyadi ba aku.” ²⁵ Leboh Petrus seduae Yohanes udah besaksi, alu nusi pesan Tuhan, seduae iya pulae ngagai Yerusalem, alu nusi Berita Manah ba mayoh bengkah genturong pendiau aba Samaria. ²⁶ Udah nya melikat Tuhan bejako ngagai Philipus, “Angkat nuan, alu bejalae tunga ke selatan ngagai jalae raya te nuju ari Yerusalem ngagai Gasa.” (Jalae raya nya ngerencah menua puang.) ²⁷ Philipus angkat alu mupuk. Nyadi siko pemesai ari Etiopia, ke udah diperire, ke ngemata ka sarang uang logam Kandas menua Etiopia, udah mansang ngagae Yerusalem deka nyembah Allah Taala. ²⁸ Alu iya diato benong mulai ka dire ngagai menua iya empu, duduk alam kerita kuda iya, alu maca kitab Nabi Yesaya. ²⁹ Roh Kudus alu bejako ngagai Philipus, “Alai nuan mansang ngagae kerita kuda nya.” ³⁰ Philipus alu belanda ngagai kerita kuda nya, alu ninga urang nya maca kitab Nabi Yesaya. Philipus alu nanya iya, “Kati nuan mereti ka utai ti dibaca nuan?” ³¹ Disaut urang nya, “Baka ni ko aku uleh mereti, enti urang nadae nerang ka utai nya ngagae aku?” Iya alu ngasoh Philipus nike ngagae kerita kuda nya. Philipus alu duduk ngimbae iya. ³² leboh maya nya alam kitap suci ti dibaca iya: “Iya baka Domba te deka disayat, baka anak Domba te enda memunyi leboh iya dikereh bulu ya. Iya nadai bejako seleka. ³³ Iya dikeduan, alu enda dibere atur ti lurus. Sapa uleh bejako ka pasal keturun Iya? Laban nyawa Iya udah diambe ari dunya to.” ³⁴ Pemesae nya alu nanya Philipus, “Padah ka ngagae aku, sapa urang ke da kenang nabi nya? Pasal iya empu, tau ka pasal urang bukai?” ³⁵ Philipus alu belaboh bejako bepun ari ayat nya, alu nusi ngagae iya Berita Manah pasal Yesus. ³⁶ Leboh seduai iya benong di rantau jalae, seduae iya alu datae ba endor site ti bise ae, alu ku pemesae nya bejako, “Peda nuan, dito bise ae. Nama utae te tau nagang aku dibaptis ?” ³⁷ Ku Philipus bejako ngagae iya, “Ente nuan arap enggau pengambeh ati nuan, nuan tau dibaptis.” Pemesae nya lalu nyaut, “Aku arap ka Yesus Kristus nya Anak Allah Taala.” ³⁸ Iya lalu ngasoh kerita kuda nya ngetu, alu seduae iya sama nurun ngagae ae nya. Philipus alu baptis iya. ³⁹ Leboh seduae iya pansut ari ae nya, Roh Kudus alu naban ka Philip, alu pemesae nya nadae age meda Philipu. Iya alu mupok, gaga ati. ⁴⁰ Tang Philipus nemu dire di Asdod, alu leboh iya bejalae nengah menua nya, iya nusi Berita Manah dalam semua negri, nyentuk ka iya nyau datae aba Siseria.