¹ Tang sekeda orang datai ari yudea lalu ngajar bala menyadi, ku sida, “Enti kita enda ditutus nitihka adat asal Musa, kita enda ulih diselamatka.” ² Lalu lebuh Paulus seduai Barnabas udah bebendar bekelikuh ngelaban sida pasal pekara nya, Paulus seduai Barnabas, enggau sekeda orang bukai lalu diasuh mupuk ngagai Yerusalem ngambika sida berandauka pasal pekara tu enggau sida rasul enggau tuai penatua. ³ Nya alai raban jemat lalu ngasuh sida mupuk, lalu lebuh sida bejalai nengah menua Fenisia enggau Samaria, sida madahka pasal urang bansa bukai ke udah nguingka diri ngagai Allah Taala, lalu semua sida ke arap gaga amat ati ninga nya. ⁴ Lebuh sida datai di Yerusalem, sida disambut raban jemat enggau sida rasul enggau sida tuai jemat Sida lalu madahka pasal semua utai ti udah dikereja Allah Taala ngena sida. ⁵ Tang sekeda urang ke arap, ke ari raban orang Parisi, bediri lalu bejaku, “Orang bansa bukai enda tau enda ditutus, lalu diasuh nitihka Adat Musa.” ⁶ Sida rasul enggau sida tuai jemat lalu betemu bekisah ke pekara nya. ⁷ Lebuh sida udah lama belabanka penemu pasal panyai pekara nya, Petrus lalu bediri, lalu bejaku ngagai sida, ku iya, “Menyadi, kita nemu, suba Allah Taala udah milih aku ari bala kita, ngasuh aku nusui Berita Manah ngagai orang bansa bukai, ngambika sida ulih ninga, lalu arap. ⁸ Lalu Allah Taala, ke nemu ati semua mensia, udah besaksi ngagai sida, lebuh Iya meri Roh Kudus ngagai sida, baka ti udah dikereja Iya ngagai kitai, ⁹ lalu lebuh Iya udah nuchi ati sida ngena pengarap, Iya nadai ngagai sida lain ari kitai. ¹⁰ Nya alai pitu, nama kebuah kita nguji Allah Taala, ngengkahka tangkun ti berat ba rekung sida murid, tangkun ti enda ulih disan aki ini kitai tauka kitai empu? ¹¹ Ukai baka nya, tang kitai arapka diri deka diselamatka ulih pengasih Tuhan Yesus, baka sida.” ¹² Semua urang ke begumpul dia lalu nadai besik bunyi siku pun, lebuh sida mendingka Barnabas seduai Paulus nusui pasal semua kereja ajih enggau kereja ti tanda ti udah segala kereja Allah Taala ngena seduai iya ba urang bansa bukai. ¹³ Lebuh seduai iya udah badu bejaku, yakobus lalu nyaut, “Menyadi, pendingka aku! ¹⁴ Simon udah nusui pasal jalai Allah Taala terubah nurunka pengasih Iya ngagai urang bansa bukai, lalu ngaga sekeda sida nyadi nembiak Iya. ¹⁵ Tu besetuju enggau jaku sida nabi, munyi ti udah ditulis, ¹⁶ ‘Udah bekau nya, Aku deka pulai baru, lalu ngaga baru rumah Daud ti udah runtuh lalu ngaga iya baru ti udah nyadi tembawai, lalu nirika iya baru, ¹⁷ ngambika semua bansa ngiga Tuhan, nyengkum semua urang bansa bukai ke udah dikangauka nyadi nembiak Aku. Ku Tuhan bejaku ke udah madahka ¹⁸ utai tu kenyau ari dulu kelia.’ ¹⁹ Nya alai, aku udah mutuska runding, kitai endai patut ngenusahka urang bansa bukai ke nguingka diri ngagai Allah Taala, ²⁰ tang kitai patut nulis ngagai sida, madahka sida enda tau makai utai ti kamah laban engkeramba, endai tau ngereja ulah ti kamah, endai tau makai jelu ti udah mati dichekal, lalu endai tau makai darah. ²¹ Laban Adat Musa, kenyau ari berapa serak, lama udah dipadahka dalam semua nengeri, lalu dibacha tiap-tiap hari Sabat dalam balai gempuru.” ²² Udah nya, sida rasul enggau bala tuai jemat disukung semua raban jemaat, lalu berunding deka milih urang ari raban sida lalu ngasuh urang nya bejalai ngagai Antiokia nyempulang Paulus seduai Barnabas. Sida lalu milih yudas (ke dikumbai Barsabas) seduai Silas, dua iku tuai orang ke arap, mai surat tu: ²³ “Menyadi, kami ke rasul enggau tuai jemaat, ngirumka tabi basa ngagai semua bala kita ke urang bansa bukai, ke diau di Antiokiadi menua Siria enggau di Kilikia ²⁴ Kami bisi udah ninga sekeda urang ari bala kami, tang ukai ari asuh kami, bisi udah nyebut utai ti ngenusahka ati kita nya alai semua kami udah besetuju ²⁵ deka milih pengari lalu ngasuh sida nemuai ngagai kita, nyereta Barnabas seduai Paulus ²⁶ menyadi ti dikerinduka kitai, ke udah berambunka nyawa ketegal Yesus Kristus Tuhan kitai. ²⁷ Nya alai, kami udah ngasuh yudas seduai Silas nemuai ngagai kita, lalu seduai iya deka madah ngagai kita mua mata utai ti ditulis kami dalam surat tu. ²⁸ Laban dalam runding Roh Kudus enggau dalam runding kami, kami enda patut nating kita enggau utai bukai, kelimpah ari atur tu, iya ²⁹ nya: ³⁰ Nya alai sida lalu diasuh mupuk lalu mansang ngagai Antiokia. Lebuh sida udah ngempuruka semua urang ke arap, ³¹ sida lalu nyuaka surat nya ngagai sida. Lebuh raban jemaat macha surat nya, sida gaga amat ati ninga jaku peransang nya. ³² yudas seduai Silas, ke sama-sama nabi, bejaku lama ngagai sida meransang lalu ngeringka sida ke arap. ³³ Lebuh seduai iya udah lama diau dia, sida ke arap lalu ngirumka seduai iya pulai baru enggau selamat ngagai urang ke udah ngirumka seduai iya. ³⁴ ( Laban silas mutus ka diau diak ajak iya) 35 ³⁵ Tang Paulus seduai Barnabas mengkang di Antiokia begulai enggau mayuh urang bukai, ngajar sereta madahka jaku Tuhan. ³⁶ Apin tentu lama udah bekau nya, Paulus lalu nyebut ngagai Barnabas, “Aram tua pulai baru lalu nemuai ngagai sida ke arap dalam semua nengeri ti udah alai tua nusui jaku Tuhan, deka nemu pasal pemansang sida.” Nyadi ³⁷ Barnabas keran deka mai yohanes Markus enggau seduai iya, ³⁸ tang Paulus berunding enggai mai yohanes Markus enggau seduai iya, laban yohanes Markus udah ninggalka seduai iya di Pampilia, lalu enda enggau seduai iya ngereja pengawa nya. ³⁹ Seduai iya balat amat beserekang penemu, datai ke seduai iya nyau beserara ari pangan diri. Barnabas mai Markus enggau iya, lalu belayar ngagai Siprus, ⁴⁰ tang Paulus milih Silas lalu mupuk, udah bekau sida ke arap nyerahka iya ngagai pengasih Tuhan. ⁴¹ Paulus lalu bejalai nengah menua Siria enggau menua Silisia, ngeringka jemaat.