¹ Ba Ikonium Paulus seduai iya Barnabas, baka selama tama ngagai Sinagoge urang Yahudi, alu bejako, alu mayoh amat urang Yahudi enggau Yunani pecaya. ² Tang urang Yahudi ke enda pecaya, ngeruga sereta ngeracun runding urang bansa bukai ngelaban urang ke pecaya. ³ Nya alai seduai iya lama diau ba Ikonium, bejako enggau berani ngari ka Tuhan, alu Tuhan ngamat ka pesan ba pasal pengasih Iya sereta mere kereja ajih enggau nyelai iya ke dikereja Iya ngena seduai iya. ⁴ Tang urang di nengeri nya beserekang penemu. Sekeda bekemang enggau orang Yahudi, sekeda iya bekemang enggau Rasul dua iko nya. ⁵ Bise utai ka di gaga, lebuhh urang bansa bukai, enggau urang Yahudi, alu enggau bala tuai sida alu deka nguji ngemedeh sereta deka nuko sida rasul ngena batu, ⁶ udah Paulus seduai iya Barnabas nemu pasal nya alu ngerari ka dire ngagai Listra enggau Derbe di menua Likonia, alu enggau ngagai menua iya ke ngelingi nya. ⁷ Alu din mega sida rasul majak nusi ka berita Injil. ⁸ Ba di Listra, bise siko lelaki ke enda uleh bejalai, ke udah leme kenyau ari iya adai, alu enda kala bejalai. ⁹ Urang nya benong mending ka Paulus bejako, leboh Paulus merening ngagai iya, tekal nya iya meda orang nya bise pengarap kena ngerai ka, ¹⁰ Paulus alu bejako enggau nyawa nyareh, “uji bediri tegap enggau kaki nuan!” Orang nya alu engkejuk angkat, alu belabuh bejalai. ¹¹ Lebuh urang mayoh meda utai iya ke udah di kereja Paulus, sida alu manjung ngena jako urang Bansa Likaonia, “Bala petara udah nurun ngagai kitai baka gamal mensia!” ¹² Sida alu ngumbai Barnabas Zeus alu Paulus dikumbai sida Hermes, laban iya orang ke bejako ngarika seduai iya. ¹³ Imam petara Zeus, laban rumah kuil Zeus enda jauh ari luar nengeri, alu mae jelu sapi iya ke lelaki enggau sengkilung bungai ngagai pintu labang nengeri. Laban iya enggau urang mayoh deka mantai ke penyembah ngagai Paulus enggau Barnabas. ¹⁴ Tang leboh rasul Barnabas seduai Paulus ninga nya, seduai iya alu nyarik ka gare dire, alu belawa ngagai tembong bala mayoh, alu nyeraoh, ¹⁵ alu bejako, “Kaban belayan, nama kebuah kita ngereja utai to? Kami dua to mensia baka kita, alu kami ka mae Berita Manah ngagai kita, ngambi ka kita ngeleka ka utai iya enda beguna to alu nguing ka diri ngagai Allah Taala iya ka idup, ke udah ngaga langit, tanah, tasik, enggau semua utai iya ka ba alam nya. ¹⁶ Ba kenturun iya ka dulo menya Iya ngelak ka semua bansa idup niteh ka peneka jalai ati sida iya empu. ¹⁷ Tang taja pia, Iya enda ngelak ka Diri nadai saksi. Laban Iya ngaga utai iya ka manah iya ka dikereja Iya, alu Iya meri kita ujan, ngasuh utai ti ditanam kita bebuah lebat niteh ka musin, lalu ngemuas ka kita ngena pemakai alu ngemenuh ka ati kita enggau pengaga.” ¹⁸ Tang taja pen seduai iya bejako munyi nya, seduai iya nyau ka enda uleh nagang orang mayoh mere seduai iya penyembah. ¹⁹ Tang sekeda urang Yahudi datai ari Antiokhia enggau ari Ikonium, alu udah ngumbok ka ati urang mayoh nya, sida alu nuko Paulus ngena batu, alu ngiret iya pansut ari nengeri nya, laban sida ngumbai Paulus udah parae. ²⁰ Tang, leboh sida murid begelumo ngelinge Paulus, iya angkat lalu pulai baru ngagai nengeri. Hari site, iya mupok enggau Barnabas ngagai Derbe. ²¹ Leboh sida iya udah nusi Berita Injil ngagai orang di nengeri nya, alu mayoh orang nyadi murid, alu sida iya pulai baru ngagai Listra, Ikonium, enggau ngagai Antiokhia, ²² dia seduai iya ngering ka semengat sida murid, alu meransang sida seruran tetap dalam pengarap. Ko seduai iya, “Kitai endang enda tau enda ngasai ka mayoh macam penusah enti kitai deka tama ngagai Kerajaan Allah Taala.” ²³ Leboh Paulus sedua iya Barnabas udah nudok ka urang nyadi tuai ba genap jemaat, seduai iya alu nyerah ka sida ngena sampi sereta bepuasa ngagai Tuhan ke di karap ka sida. ²⁴ Udah nya seduai iya bejalai nengah menua Pisidia, alu datai ba Pamfilia. ²⁵ Leboh seduai iya udah madah ka jako Tuhan di Perga, seduai iya alu nurun ngagai Atalia. ²⁶ Ari nya seduai iya belayar ngagai Antiokhia, endor seduai iya ke udah di serah ka ngagai ibun Allah Taala ketegal pengawa iya ka udah tembo dikereja seduai iya. ²⁷ Leboh seduai iya datai ba Antiokhia, seduai iya alu ngempuro ka jemaat, alu madah ka semua utai iya ka udah dikereja Allah Taala ngena seduai iya, enggau pasal Allah Taala ke udah muka pintu pengarap ngagai urang bansa bukai. ²⁸ Alu seduai iya diau lama dia enggau bala murid.