¹ Mi olsem wanpela plawa i kamap long stretpela hap ples Saron na naispela plaua long ol ples daun bilong maunten. ² Laikim bilong mi namel long ol yangpela meri i olsem wanpela plawa i stap namel long ol nilnil gras. ³ Dispela man mi laikim tumas, em i stap namel long ol yangpela man, olsem aprikot diwai i karim gutpela pikinini kaikai namel long ol diwai long bik bus. Mi sindaun aninit long karamap bilong em wantaim bikpela amamas olsem diwai i karamapim mi na em i swit long maus bilong mi, olsem pikinini kaikai bilong diwai. ⁴ Em i kisim mi i go long haus bilong wain na laikim bilong em long mi i olsem laplap i karamapim mi. ⁵ Kirapim mi na givim strong wantaim laikim bilong yu long mi, olsem drai kaikai na gutpela pikinini bilong diwai aprikot long wanem mi nogat strong bilong laikim. ⁶ Han kais bilong em istap aninit long het bilong mi na han sut bilong em i strongim mi. ⁷ Mi laikim yupela long mekim promis, yupela ol pikinini meri bilong Jerusalem olsem ol wel abus bilong graun na yu bai no inap kirap wantaim pasin laikim inap em i singaut. ⁸ Dispela em i nois bilong man we mi laikim! Harim, em i kam nau, em i amamas na kalap antap long ol maunten. ⁹ Dispela man mi laikim tumas, em i olsem strongpela wel abus o yangpela man dia i ran, lukim, em i sanap autsait long banis bilong haus na i lukluk stret insait long windua namel long liklik hap i gat hul long en. ¹⁰ Dispela man mi laikim tumas long en i tokim mi na i tok,"Kirap, laikim bilong mi na naispela tru bilong mi, kam wantaim mi. ¹¹ Lukim, taim bilong win i pinis na ren tu i pinis. ¹² Ol plawa i kamap long graun, taim bilong katim ol plawa na ol pisin bilong singsing i kam na mipela harim nois bilong ol liklik pisin long ol graun bilong mipela. ¹³ Ol nupela pikinini diwai bilong diwai fik i mau na ol diwai rop i karim plawa na ol plawa i gat gutpela smel. Kirap, laikim bilong mi na naispela tru bilong mi na yu kam. ¹⁴ Pisin bilong mi insait long liklik hul bilong ston, long ples nogut bilong maunten, larim mi lukim pes bilong yu na harim nek bilong yu. Kam autsait na mi harim switpela nek bilong yu na lukim naispela pes bilong yu." ¹⁵ Holim dispela ol wel dok bilong yumi, dispela ol liklik wel dok i save bagarapim gaden wain long wanem gaden wain i kamap gut. ¹⁶ Laikim bilong mi em bilong mi na em mi yet; em i lukautim mi insait long lili plawa we em i hat tru. ¹⁷ Dispela man mi laikim tumas, Yu go, bipo long san i go daun na ples i kol long tudak i kam. Yu go, kamap olsem strongpela wel abus o yangpela man dia i ran i go long ples nogut bilong ol maunten.