¹ Ol song bilong singim, Solomon i singim long en. ² O, em inap long kis long mi wantaim ol kis bilong em long maus bilong mi, ³ Wel bilong yu long kapsaitim long het i gat gutpela smel bilong en, nem bilong yu i olsem wel i gat gutpela smel i save ron na ol yangpela meri i save laikim yu. ⁴ Kisim mi i go wantaim yu na mitupela bai ron, ⁵ maski skin bilong mi i bilak tasol mi gutpela tru, yupela ol pikinini meri bilong Jerusalem yupela i bilak olsem haus sel bilong Keda, yupela i gutpela olsem ol laplap bilong windua long haus bilong Solomon. ⁶ Yupela i noken lukluk strong long mi, long wanem, skin bilong mi i bilak, long wanem, san i kukim skin bilong mi. Ol pikinini bilong mama bilong mi i belhat long mi, ol i mekim mi i go lukautim wain gaden bilong ol, tasol mi no lukautim wain gaden bilong mi yet. ⁷ Tokim mi, yu husat mi save laikim, yu save putim ol sipsip bilong yu longwe na lukautim ol? Yu save mekim ol sipsip bilong yu i save malolo long we long apinun taim? Long wanem, em i no gutpela long mi long raun nating na painim yu long banis sipsip bilong ol wantok bilong yu. ⁸ Sapos yu no save, planti namel long ol naispela meri, bihainim ol liklik rot bilong ol sipsip bilong mi, na lukautim ol yangpela meme klostu long haus sel bilong wasman bilong sipsip. ⁹ Mi skelim yu, wantok bilong mi, long bilas namel long hos i save pulim ol karis bilong Fero. ¹⁰ Pes bilong yu i naispela wantaim gutpela bilas na nek bilong yu i bilas wantaim gutpela bis. ¹¹ Mipela bai mekim gutpela ring bilong ia bilong yu wantaim gol na bilasim wantaim silva. ¹² Taim king i slip long bet bilong en, em bai i smelim wel i gat gutpela smel long mi. ¹³ Man husait mi laikim em, i slip namel long bros bilong mi long nait olsem bilum bilong wel i gat gutpela smel. ¹⁴ Man mi save laikim tumas, long mi i wankain olsem paura bilong hena plaua long wain gaden bilong En Gedi. ¹⁵ Harim, yu naispela tru, poro bilong mi, harim, yu naispela tru, ai bilong yu i olsem ol pisin. ¹⁶ Harim, yu luk gutpela tru yu poro bilong mi yu luk narapela kain tru. Lip bilong ol bus diwai i olsem bet bilong mitupela. ¹⁷ Han bilong keda diwai bai i haitim mitupela olsem haus, drai han bilong diwai i kamap olsem het bilong haus bilong yumi.