¹ Em i gutpela samting long tok tenkyu i go long God Yawe na litimapim nem bilong em wantaim singsing i go long God Yawe Antap Tru. ² Long tokaut long kontrak bilong yu i save stap tru oltaim long monin na bihainim pasin tru bilong yu long olgeta nait. ³ Wantaim gita i gat 10-pela strin na wantaim gutpela musik i kam long gita. ⁴ Long yu, God Yawe, yu mekim mi amamas tru long gutpela wok bilong yu na bai mi singsing wantaim amamas. Bilong wanem han bilong yu i mekim ol wok i kamap gutpela tru. ⁵ Olsem wanem long bikpela wok bilong yu, God Yawe! Tingting bilong yu i bikpela tumas. ⁶ Bikhet man i no inap save na tu man i nogat gutpela tingting bai i no inap luksave long dispela. ⁷ Taim sin manmeri i kamap olsem gras na taim ol man bilong mekim pasin nogut i kamap planti, ol bai i go yet long ples bilong kisim bagarap oltaim oltaim. ⁸ Tasol yu, God Yawe, bai i stap oltaim oltaim. ⁹ Tru tumas, lukim ol birua bilong yu, God Yawe, Tru tumas, lukim ol birua bilong yu. Ol bai bagarap! Husat ol lain manmeri i mekim pasin nogut bai ranawe i go nabaut nabaut. ¹⁰ Yu hapim het bilong mi olsem kom bilong wel bulmakau na kapsaitim nupela wel antap long het bilong mi. ¹¹ Ai bilong mi i lukim ol bagarap i kamap long ol birua bilong mi na yau bilong mi i harim ol i kalabusim ol man nogut. ¹² Stretpela manmeri bai kamap gut tru olsem kokonas diwai na ol bai kamap gut olsem diwai sida long Lebanon. ¹³ Ol i planim ol insait long haus bilong God Yawe, ol i kamap gutpela insait long banis bilong God Yawe bilong mipela. ¹⁴ Maski ol i lapun, ol i karim planti kaikai yet na ol bai i stap gutpela tru na lip bilong ol i no inap drai. ¹⁵ Long tokaut olsem God Yawe em i stretpela. Em i ston bilong mi na i nogat wanpela pasin nogut i stap long em.