¹ Yu husat i save stap insait long haus bilong Bikpela antap tru. Yu bai i stap insait long karamap bilong God Yawe Bikpela. ² Mi bai i tok olsem long God Yawe, " Em i ples hait na stronpela banis bilong mi. God Yawe bilong mi husat mi save bilip long em." ³ Em bai i helpim yu long han bilong man nogut na long ol samting nogut i save kamapim bagarap. ⁴ Em bai i karamapim yu long han bilong em na aninit long han bilong em bai yu painim malolo. Ol gutpela na stretpela pasin bilong em i olsem hap plang na banis. ⁵ Yu bai i no inap poret long ol bagarap i kamap lo nait o spia ol i sutim lo san, ⁶ o long ol samting nogut i save kamap long nait o sik i save kam long san. ⁷ 1000 manmeri bai pundaun long sait bilong yu na 10, 000 long hansut bilong yu tasol ol i no inap kam klostu long yu. ⁸ Yu bai i stap na lukim bagarap i kamap long ol manmeri i save mekim pasin nogut. ⁹ God Yawe em ples hait bilong mi, yu mas mekim God Yawe Antap Tru i kamap ples hait bilong yu tu. ¹⁰ Nogat samting nogut bai i abrusim yu na nogat bagarap bai i kam klostu long yu. ¹¹ Em bai i tokim ol ensel bilong em na ol bai i lukautim yu na was gut long olgeta rot bilong yu. ¹² Ol bai i liptimapim yu long han bilong ol na bai ston i no inap paitim lek bilong yu. ¹³ Yu bai krungutim ol laion na ol posin snek aninit long lek bilong yu na bai yu sanap antap long ol yangpela laion na ol snek. ¹⁴ Mi bai helpim em long wanem em i laikim mi. Mi bai i lukautim em long wanem em i luksave long mi. ¹⁵ Taim em i singaut long mi, bai mi harim em. Mi bai i stap wantaim em long taim bilong hevi. Bai mi hamamas na givim biknem i go long em. ¹⁶ Mi bai givim em longpela taim bilong i stap laip na soim em long pasin bilong mi long kisim bek man.