1 Namel long ples i daun tumas mi krai long yu, God Yawe. 2 Bikpela, harim singaut bilong mi, larim yau bilong yu i harim beten bilong mi na yu marimari long mi. 3 God Yawe, Bikpela, sapos yu inap putim mak long ol pasin nogut bilong mi, husat inap sanap strong? 4 Tasol yu gat pasin bilong lusim sin olsem na bai yu i stap antap tru. 5 Mi wetim yu God Yawe, insait long bel na tingting bilong mi, mi weit i stap na mi putim bel na tingting bilong mi long tok bilong yu. 6 Bel bilong mi i weitim Bikpela long olgeta taim olsem wasman i weit long monin i mas kamap. 7 Yupela ol Israel, putim bel na tingting bilong yupela long God Yawe. God Yawe em i man bilong sori na em i laik lusim sin bilong yupela. 8 Em i man bilong kisim bek ol Israel long olgeta pasin nogut bilong ol.