1 "Taim mi i stap yangpela yet planti taim ol i traim long bagarapim mi," Larim ol Israel i ken tok. 2 "Taim mi i stap yangpela yet planti taim ol i laik bagarapim mi, tasol ol ino inap long daunim mi. 3 Ol i putim longpela mak long beksait bilong mi olsem man bilong brukim graun i save mekim taim em i laik planim kaikai 4 God Yawe, em tasol i stretpela na em i bin katim rop bilong ol lain bilong mekim pasin nogut." 5 Larim ol dispela lain husat i save les long Saion, ol i ken sem na tanim bek. 6 Larim ol i kamap olsem ol gras i save kamap antap long het bilong haus, we ol i no bikpela yet na ol i save drai. 7 dispela ino inap pulapim han bilong man bilong kisim kaikai na bai ino inap pulapim han bilong man bilong pasim nekpas bilong ol bun bilong wit. 8 Ol dispela lain husat i abrusim yu bai ino inap tok, "Bai blesin bilong God Yawe i stap antap long yu na mipela i blesim yu long nem bilong God Yawe."