1 Taim ol Israel i lusim Isip na haus bilong Jekop na ol manmeri husat i save toktok long kainkain tokples, 2 Juda i kamap holi ples bilong em na Isreal i kamap kingdom bilong em. 3 Solwara i lukim na i suruk na Joden i tainim baksait. 4 Ol maunten i olsem man sipsip i kalap na ol liklik maunten i olsem pikinini sipsip i kalap. 5 Solwara, bilong wanem yu ranawe? Joden, bilong wanem yu givim baksait? 6 Ol maunten, bilong wanem yu kalap olsem ol man sipsip? Yu liklik ol maunten, bilong wanem yu kalap olsem ol pikinini sipsip? 7 Graun, yupela kalap i go i kam, long Bikpela, God bilong Jekop. 8 Em i tanim ston i kamap raunwara na strongpela ston i kamap liklik hulwara.