¹ Litimapim God Yawe. Tok tenkyu long God Yawe na em i gutpela na kontrak bilong em i save holim pas bilip i stap oltaim oltaim. ² Husat i ken skelim bikpela wok bilong God Yawe o tokaut long olgeta gutpela wok bilong em? ³ Amamas i stap wantaim husat ol i save mekim ol gutpela pasin na husat wok bilong ol i stretpela tru. ⁴ Singautim mi long tingting, God Yawe na taim yu soim bikpela laikim bilong yu long ol manmeri na helpim mi taim yu helpim ol. ⁵ Taim mi lukim ol gutpela sindaun bilong ol manmeri bilong yu, amamas long ol kantri bilong yu na ol biknem long ol samting bilong yu. ⁶ Mipela i bin mekim ol pasin nogut olsem ol lain tumbuna bilong mipela, mipela i meking asua na ol pasin nogut pinis. ⁷ Ol papa bilong mipela i no tok amamas long ol gutpela wok bilong yu insait long Isip na ol i no laik bilip long kontrak i holim pas bilip, ol i kros pait long solwara bilong Rids. ⁸ Long nem bilong God Bikpela tasol em i oraitm ol na bai em soim ples klia strong bilong em. ⁹ Em i tok strong long Solwara bilong Rids na em i drai olgeta. Na em i kisim ol i go daun na i go long ples nating. ¹⁰ Em i kisim ol long han bilong ol man i les long ol na helpim ol long han bilong ol birua. ¹¹ Tasol wara i karamapim olgeta samting i laik bagarapim ol na ino gat wanpela i stap laip. ¹² Na taim ol i bilip long tok bilong em na ol i litimapim em. ¹³ Tasol ol i lus tingting hariap long wanem em i mekim na ol i no weit long tingting bilong en. ¹⁴ Ol i wokim ol nogut piksa long ol samting long ples i drai nogut na ol i laik traim God long ples i drai. ¹⁵ Na em i givim ol samting ol i askim tasol em i salim sik nogut antap long ol. ¹⁶ Insait long ples bilong bung ol i tingting nogut long Moses na Aron stretpela wok man bilong God Yawe. ¹⁷ Graun i op na i daunim Datan na karamapim ol manmeri i bihainim Abiram. ¹⁸ Paia i kam daun namel long ol na i daunim ol manmeri nogut. ¹⁹ Ol i wokim piksa bilong pikinini kau long Horep na lotuim piksa bilong ain samting. ²⁰ Ol i givim biknem bilong God i go long piksa bilong kau we i save kaikai gras. ²¹ Ol i lus tingting long God na man bilong mekim orait long ol, husat i wokim bikpela wok long Isip. ²² Em i wokim gutpela samting long graun bilong Hem na bikpela wok long Solwara bilong Rids. ²³ Na em i tok bai em i bagarapim ol na ino long Moses, man em yet i makim long sanap namel long em long rausim belhat bilong em i go longwe long bagarapim ol. ²⁴ Na ol i bagarapim gutpela graun i save karim kaikai na ol i no bilip long tok promis bilong em, ²⁵ tasol ol i kros nabaut insait long ol kemp bilong ol na ol i no harim God Yawe. ²⁶ Olsem na em i apim han na i tok strong long ol olsem ol bai i dai long ples i drai, ²⁷ na ol tumbuna lain bai i stap nabaut namel long ol kantri na graun bilong ol narapela lain. ²⁸ Ol i lotuim god giaman Bal bilong Peo na kaikai ol ofa ol i givim long man i dai pinis. ²⁹ Ol i giamanim em bai em i belhat wantaim ol wok bilong ol na bikpela bagarap i kamap namel long ol. ³⁰ Olsem na Pineas i kirap long namel long ol na bikpela bagarap igo wansait. ³¹ Dispela em i tingim yet olsem wanpela gutpela wok long olgeta lain manmeri i stap oltaim. ³² Olsem tasol ol i bel hevi wantaim God Yawe long wara Meriba na Moses i pilim pen long ol. ³³ Ol i mekim Moses i belhat nogut tru na em i toktok planti. ³⁴ Ol i no bagarapim ol kantri we God Yawe i tokim ol, ³⁵ tasol ol i go raun wantaim ol manmeri na lainim ol pasin bilong ol, ³⁶ na ol i lotuim ol god giaman bilong ol na i kamap olsem trep i pasim ol. ³⁷ Ol i givim ol pikinini man na meri bilong ol i go long ol spirit nogut. ³⁸ Ol givim ol blut i nogat wanpela rong na blut bilong ol pikinini man na meri we ol i givim i go long god giaman bilong Kenan na mekim graun i pulap wantaim blut. ³⁹ Ol i bagarap long wanem wok ol i mekim na ol pasin bilong ol i olsem ol pamuk lain. ⁴⁰ Olsem na God Yawe i belhat long ol manmeri bilong em na em i bagarapim ol manmeri bilong en. ⁴¹ Em i givim ol i go long han bilong ol manmeri na ol husat i save belhat long ol bai i bosim ol. ⁴² Ol birua i tok bilas long ol na kisim ol i go i stap aninit long strong bilong ol. ⁴³ Planti taim em i kam long helpim ol tasol ol i sakim tok na i go daun tru long pasin nogut bilong ol yet. ⁴⁴ Em i no save lus tingting na em i save harim krai bilong ol na helpim ol long taim bilong bagarap. ⁴⁵ Em i singaut long tingim kontrak em i mekim wantaim ol na em i no hariap long wanem bikpela laikim em i gat. ⁴⁶ Em i mekim olgeta lain i bosim ol bai i bel sori tru long ol. ⁴⁷ Helpim mipela, God Yawe, God bilong mipela. Bungim mipela namel long ol manmeri na bai mipela i tok tenkyu long gutpela nem bilong yu na litimapim strong bilong yu. ⁴⁸ Larim God Yawe, God bilong Israel na gutpela bilong em bai i stap oltaim oltaim. Olgeta manmeri i tok, "Amen." litimapim God Yawe.