¹ Harim beten bilong mi, God Yawe na harim krai bilong mi ² Yu noken haitim pes bilong yu long mi long taim bilong hevi. Harim mi. Taim mi i singaut long yu, yu harim mi hariap. ³ Taim bilong mi i pinis olsem smuk bilong paia na bun bilong mi i lait olsem paia. ⁴ Bel bilong mi i bagarap tru na mi i olsem gras we i drai. Mi lus tingting long kaikai ol kaikai. ⁵ Wantaim krai bilong mi long olgeta dei, mi i kam liklik tru. ⁶ Mi olsem pisin bilong ples nating na mi i kamap olsem pisin bilong nait long ples bagarap. ⁷ Mi stap mi yet olsem wanpela pisin we em yet i save stap antap long het bilong haus. ⁸ Ol birua bilong mi i save tok pilai long mi olgeta taim na ol i save lap long mi na bagarapim nem bilong mi. ⁹ Mi kaikai das olsem bret na dring ai wara bilong mi olsem wara. ¹⁰ Tru long bel kros bilong yu, yu apim mi i go antap na tromoi mi i go daun. ¹¹ Taim bilong mi i olsem seido we i save pinis hariap na mi drai olsem gras. ¹² Tasol yu, God Yawe i stap oltaim na biknem bilong yu em i bilong olgeta lain manmeri. ¹³ Yu bai i kirap na marimari long Saion. Nau em i taim bilong marimari long em, taim bilong em i kamap nau. ¹⁴ Ol wokman bilong yu i holim pas ston bilong em na i pilim bel sori long bagarap bilong em. ¹⁵ Olgeta kantri bai i stap aninit long nem bilong yu, God Yawe na olgeta king bilong graun bai i amamas long biknem bilong yu. ¹⁶ God Yawe bai i wokim ken Saion na bai i kamap ples klia long glori bilong em. ¹⁷ Long dispela taim em bai i harim ol beten bilong ol trangu manmeri na em bai i no inap lusim tingting long beten bilong ol. ¹⁸ Dispela bai i kamap long ol lain manmeri bihain na ol manmeri we i no kamap yet bai i litimapim God Yawe. ¹⁹ Em i lukluk i kam daun long ples holi bilong em long heven, God Yawe i lukim pinis ples graun, ²⁰ long harim krai bilong ol kalabus lain na long rausim ol husat i laik i dai. ²¹ Orait bai ol man i tokaut long nem bilong yu God Yawe antap long Saion, amamas bilong yu bai i stap insait long Jerusalem ²² taim ol manmeri na ol kantri i kam bung long lotuim yu God Yawe. ²³ Em i rausim strong bilong laip bilong mi na em i sotim dei bilong mi. ²⁴ Mi tok, "God bilong mi, yu noken rausim laip bilong mi taim mi i stap laip yet, yu i stap wantaim olgeta lain tumbuna. ²⁵ Long bipo taim yu bin wokim ples graun, heven i soim wok we yu bin mekim wantaim han bilong yu. ²⁶ Ol bai i pinis, tasol yu bai i stap yet, olgeta yet bai i gro i go lapun olsem klos na yu bai i rausim ol na bai ol i pinis nating. ²⁷ Bai yu stap wankain tasol na krismas bilong yu bai i no inap pinis. ²⁸ Ol pikinini bilong wokman bilong yu bai i stap yet na ol lain pikinini bilong ol bai i stap insait long haus bilong yu."