¹ Anintaucko, ikeni Iyenon ankumi bamifo, ikeye yino yefon yiwayayac indeko. Mini 'i antekam bani wemino. ² "Iken yeno yifon yirafinac bako." Mini benimi acnantapac tena lo Gotinic promisi benimi tikemi. ³ "Ikena mini awakureke, mana makakac iyakai bana komi." ⁴ Ike yenyifonane, iyewakac iken yikafandauc yindun arura yiran marako. Iyewakac micnoko. Ikeye, yenac manan antecdekac, Iyenonic yiman yimin bayayac yemi tiyimeko. ⁵ Ikeni payan yokam waintauko, ikeye, ikenyic dafisin waintauc yiwayayac i, awokuc awakuri rikac, mana makakac ekaci, pekan tinke wac, yen yira finac bekac, akac iken yirapinke wac antekac dekaci, yokam marako. Ikeni Kraistimi awakurekom aman kakaci, yen yiwayani awakuro. ⁶ Ikeni iyewakaci, ikenyic dafisin wainta yonewac, yen yukankac, yen yiwaya awakureka, ye yonewa yokam mandaya yimoyu yinkako warako. Iyewakac micno ko. Ikeye Kraistinic payan yokam waita kewaci, yen yira finaci bako. ⁷ Ikenyic umacden yirapinke waci yokam marako, Iyenom paci micni nakomino, wanta kakaino. ⁸ Ikeni indin kamino, newarafi, awokuc andandauci mana mana waitan uwareyone, micnem payan yokam waintafino, fri waita fino, weni wenic ayaci Iyenompaci maran temi. ⁹ Micni mukemifo ike dafisin waintau ko, ikeye, awokufika ikenyic payam yokam waintauc uyinkako. Ikeni iyewakac yemi pekan yimeko. Ikeni indinka mino, Iyenon Inarumpaci weni weni yenamac, iken namakaci dafisiric ukemi weni umademi mana dai minic intemi. Iyewaci akanda baruc bantemi. ¹⁰ Afo baya kic emi, ikeye Iyeno nic erantiruci ukukaman erarac oko. ¹¹ Ikeye, Goti nic aruin yuananac ufecdekaci bananonic acyun acyun indini ayofake nimie ye-ankako. ¹² Newarafi, ikeunamaci mana makakac kena wainta nama ka aruekauno. Iyewac ino, ikeuna maci kamaninamac acyun acyun spirit uc namac akac acnonic ukan spirit uci, acyun acyun ayufum kan baruc namaci ayontac weni eran namaci dafise youye. ¹³ Micni mukemifo, Goti nic aruin andandauc umacdenaci ufecdewaci, mana manda yamuci ukukaman erarono. Ike micnu reke. Ikeni ukuka man erani nakomino. ¹⁴ Mana Soldia, aruinani tesac enin aman kakaci, ikeye ukukako. Afo ikeye, puka bayayaci, letin dumeyoni kac urekaci akac awokuc bani weni naci yimi mintaci kafami uyakeyo nikac oko. ¹⁵ Afo umacden yamukaci, nanayini weni awokuc baya tiyi mintinaci tesac kac ukano. Mini waci, sumi akantimi ufekeona kac ono. ¹⁶ Acyun acyun andanda ampa minawe, biliwi paran arayaci pakano, mini foni, manda waintaic pakoyam yina nimi sakin inonami. ¹⁷ Afo ikeye indeko, Goti ikem aci yiwicdukami, mini benimi, yicnon kac uyakan kafan ke wemi. Afo ikeye, Gotin awaya yaci erarac urekaci pakako. Mini benimi Spiriti ic bainati wemino. ¹⁸ Umacden yamukaci okam munke wac, Holi Spirit ic erarani inanteno. Umacden nuranaci ankarac ukewac dafitano, Gotinic anasi wanta wan ike yukamunku yinkeke. ¹⁹ Afo ikeye, temakac yukam munku sinke wanaci Goti baya ten timi nakaci te tosacde amankac eraruman ukukec ayofakenim awokuc baya afotac tiyi meno. ²⁰ Teni Kraistinic o waintan beci, mini andakaci teni karafusikim beko. Micni mukaci teni amankaci awokuc bayani eran namac tiyimeci, mini andanda teni uwara ricma nawac ono. ²¹ Ten tifac tiwaukomi. Taikikasi bemi mini wainta weni Iyenonic yokantim era ruka bemi weni ikemi umacden andanda wani tiyi minaci ikeni indi nakomino, teni inkeni barikac ukekafu. ²² Mini andan wanana teni wemi ta-anka nami ikeni wekopac yemino. Mayauni inkecni barikac ukekafu mini wa ike indeko ware. Afo amankaci iken yirac bac eraru yinkan temi. ²³ Nanayin yiraci amankaci ike tifac tiwan namaci banami akac era wani yigeni ban namac biliwi namaci amankaci Goti ikeunamac tifo. Iyeno Jisas Kraistin kinke yintemino. ²⁴ Ike umacde, iyeuyac ikeunamtic Iyeno Jisas Kraistin, ayikekafu, Gotinic akuno ikenamaci banami, mini ayini weni mi, iyewaci kakipan temi.