¹ Ba wibira anana bare ushini abana bi batotora a bate ando bakumu ubatomuwo ando uwara ngama u mawarara ma masheke ma mikimi. ² Ba wibire ana ande areke batoto meye mamabe areke ra moto ubere masheye, usheke mishe areke ra batu ando wiyakitishi wo bosho bua bate ba bakime ³ Ishini a bitu tshuawara uwara wara batu ba nteme mua munono ando ba bere utomuwu. Tshuawara mashotono ando nyiki shi roko shi mapua ando mapua. Tshuamawara u bube ando nteme rebe rebe. Thuawara rika rika ando ya wokosho pishi bita a bita. ⁴ Keke bosheke bua Ndjamba ngondjoro a yiti ando ruwondo ruanda u batu ndjikumonyo yembe a yembe. Itshu wondjoro kapa ishini makerere mayemene makere bite, ishini ntshiongo muande. ⁵ Itshi wondjoro u batisimo mi mabotomo ando makereme mayembe ma punga Ndjambe. ⁶ Ndjambe amatshioyorosho ando punga dja isheke dja Yezu Kristo ngondjorp ayiti. ⁷ Akere ishini kutshuweshe u tshiongo keke bite uwiye bana bishakiti bikete djini dja neneke monyo mua shera shere. ⁸ Rusanga runu ru rushere nteme. Ndangueske utoto rueye ruene ando nteme moko ishine meye mane keke bana bawondo Ndjambe, keke bakuwara ando makerere ma masheke ma meye mana maya bashere ubosho bua banda.Meye mana mi bosheke ando mayemene shini bate ba bakime ⁹ Keke rekere toto shi marara ando meyi mawara wara mana mawara ando mananasha aki matumbu u mikedji. Ndiyi bikete ndji bushonyo ando djua ngona ngono. ¹⁰ Yateyi kora moto djua anishika makapara undenga ayini u mawibiri mi bukoto aki mape. ¹¹ Ando yeba ande moto yono amashotono umboko dja sheme. ando amayanishe u bube ando uyarimbishi ya mene. ¹² Mbe riyumosho Atemase mbe Tishike, yi ya bausha utana u Nikapolise, yi raka ra nguengiye miyi uwara ando wa u ishewe. ¹³ Kerebuasha utomosho Senase nyebe mikendje ando Apolose ipu rande kobashoto ikete bi. ¹⁴ Bate biti beyebe ukerei bikerere dja bisheke ishini kuyemeshe posho shiti buashe buashe ishini kabara ngo bate ba meke boto ndombo. ¹⁵ Bana biyi ando mi babakimi bakiwimbishe. Wimbishi bana baku tshowondo umaweshere. Tshongo mua Ndjambe muara ando yini.