¹ Keke wene, toto meyi manyemene ando mayishe ma masheke ² . Binunu djia Batu djara bate bana bakande nteme, bate bitini , bate ba buanya, bate bayemene ukata maweshere ukata,ruwondo ando kata makandere ma nteme. ³ Ayasha nde ba wotara bi bawate baraka uwara matu mamakimi bate bi matinini areke bara bate bangona ngono. Areke bara bate bane bameke yayeke u nyu mana ⁴ Keke biyisheke mayishi mamasheke; keke birongo birenge dji bawate wondo baromo shabanda ando bana ba banda. ⁵ Bi barongo biwara batu bana bangwengiyike bate bayembe bekere meye ma masheke u maburu ma bande, bana batomowoko u ba romo shabanda.Bi kere meye mana ishina ande rototo ra Ndjambe areke bi ruwerere. ⁶ Ipu imoko windjiri birenge dja bate bana bangwengiyike. ⁷ U meye ma makimi ya shundju ngo yendje ra moto akereke bikerere dja bisheke, itanga ra nyisheke wene batu ya shundju uwara motu dja shumu shui ando dja matinine. ⁸ Toto rusanga rua bara bara , runu ande a motu moko akarene uruyembeti bi keke yara u bushonyo, akapa ndo rueyi rua rube rutoto ishini biti. ⁹ Bshowo bitomowo bakumu ba banda u rueyi rua rukimi.Bibanyakisha areke bananasha ando banda. ¹⁰ Kabatoko wara ruere uwembere. Bawara pa' ruere shundju batu nteme mua musheke, ishina kutonosho meye mamakima mayishi miti ma bora Ndjambe ngondjiara yiti ¹¹ 12Ishini tshongo mua Ndjambe mua moniyo u batu babakime. ¹² Mundu muakutshuyishi ubere meyi mane ma binde ando mana makerekebiti ando nyingi shu rutoko. Maku tshiyishi bitu uwara ndo uwengiye dja isheke, umayembete ma bara bara u matuwu ma rina. ¹³ Itanga ra maki biti upete mane masheke biti nteme buika buiki mamonyiyo mi rutono ma Ndjambe iti djua nene ando ngondjoro a yi ti Yezu Kristu. ¹⁴ Yezu yi ya yeke ya mene u biti ishini kutshupunushu ubusoyo bua meye ma mabe ndo u yembeshe ya mene bate ishini ya u wara ando bate bashiki yanda ikapa u nyiki meyi ma masheke. ¹⁵ Toto ando windjiri meyi mane.Ba sheka a mboko ando bukumu bua bukime. Areke moto imonono ngona ngono.