¹ Poro muina ngunu mua bora Ndjambe ndo djua tomo bande u bora Yesu Kristu ishini maweshere ma bato bana bashoro ba u bora Njambe ando buyebere bua meye ma bara bara mana manyemene ando bikerere dja bisheke. ² Djini dja nyama areke ra yengeye ra monyo mua shere shere munu Ndjambe ashiki yande iraka to matanga mawora wara, Ndjambe yono amereke we banga rueyi. ³ Keke itanga ayemene ride ya koshundju rutoto runu iruanda ra mboko dja makambe mapeke yande uroto. Nda wara ndibikere upu rini rawara rutomo rua bora Ndjambe ngondjoro ayiti. ⁵ Wene Tite muanami djua bara bara, yono djua boti miyi ukata maweshere miti. Tshuongo ando poro djini dja mikupunu uboro ishiti Ndjambd ba Ngondjoro yiti Yeszu Kristu djare andowa. ⁴ Irake rini ndasha irekere u Krete ishini wene usha roriyi meyi mabere biti umaneshe,ando, ushashiki bawutara u boro ando boro upu ri matotoro mame. ⁶ Ngotara yara moto yono djua shimi, yara nungu yiye ando ngate moko , yono yiyi ando bana bi rutomuwu, bana bamereke ba tene u meyi ma tshu bunono, ake meyi ma mabe. ⁷ Dji busheke ande ntotoro a yora ra Ndjambe, ngo nonde bikete dja bora Njambe,areke yara moto tshua bitoto,areke ba nguata ndo rueye rua rube, areke yara muina kabu,nyu mana, muina nkomo, mora nteme u biroko. ⁸ Keke yare nguawabato, bayi djua meye ma masheke, yara moto djua shumo, moto djua ikini, ando moto djua kanda nteme. ⁹ Yara moto djua shuku rutoto rua bara bara puara ya nyishe banda. Yara djua yemene uyeke bato irongo umakambu mande mamasheke ndo yara ruereketere bina nyana. ¹⁰ Bina ntshu bunono bi ukate, ba buiki biyi babana basono banda burungu. Toto sha ba shi ngona gono. bameke tindiya batu u mboko sha shibe. ¹¹ Dja nomboko ande bu bawate. Ba mikiyishi batu, ba mikowono mamburu ma batu, ishini kubuishe mipoto nyi bushonyo. ¹³ Moto moko udenga bana, muina buanya arura ande:< Bina Krete pa manibe matuwu mamakime, Basutu bababe ando bakabu, makundu mi ba poro > ¹² Nondo munu muyi mua bara bara, idi ngoshe u ba pangeshe anono anono,keke bara ando mayeshere mayemene. ¹⁴ Areke bua woko mitiki nya bina yunda mbe mabeke ba batu banguku matu ka keke raba bara bare. ¹⁵ Bana bi bayembe meyi ma banda mi yembe. keke kuapa ikete ayi moke ri yembe ishini banda bana bi mbinde ando bina nteme mua munono, ishina ande buanya bua banda ngona ipu rabande ri wengeye meye dji dja mbindi. ¹⁶ Bitotoko u numba ande ba mayebe Ndjambe keke bikerere dja banda dja kutshushundju ipureke, bi bate ba ntshu bunono ando bini bu womono. Bakapa ruerakere rueyi rumoko rua rusheke.