¹ Poro ake Timote,bina nguna mua bora Yezu kristu, u basantu ba Yezu kristu bana bana biyi u boro bua Firipi u ba Eveke ndo Bakuru, ² Ntshongo ndo poro djar'ando yini u rukombo rua ishiti Ndjambe ndo kumu Yezu kristu. ³ Nda tonoshoko Ndjambe a mi ishini mawibuwa mana mamakimi i miyi manda u buini, ⁴ Nda mak burombosho Ndjambe ndo bunyaka shoko sha buiki u mabondoro mana mamakimi u rueye ruinu. ⁵ Ishin'ande rueyi runu rumoko ando mi u masono mi mushanga rua rusheke to butuwu bu bukoto inamana ka rini. ⁶ Ndak'yebe ande yono atapa a yini ngunu mua musheke u ndeng'a yini mama mumanasha ti ndo wiyi butuwu bua Yezu kristu. ⁷ Ndiyi busheke ishini miyi u wengeye ngowo ishini rueyi runu ruaki burende buini,ishi'ande ndak'bushiki nteme muama, mbe ku makandara mi minamba ,mbe ke imiyi ndo rutoko u muanga rushanga rua rusheke buini bana bangoshoko ikapa u ntshongo mok'ando mi. ⁸ Ndjambe iyi teme ami ipu ramak'miyi bushiki u nteme buini bakimi u ruwondo rua bora Yezu kristu. ⁹ Keke runu rua nomboko miyi u maromboro mama ma Ndjambe, diyi ande ruwondo ruini ru puru buika buiki u mayebere ando u buanya bua yemene, ¹⁰ Ishini buini u yebe makapara ma meye mamashike, ndo buini uwara ndo miteme nya yembe,buini u bere wara ndo rueyi rua rube ruwere ba roro arak'rini,ti ndo mawiri mi rushuwu ru mawiri ma kristu, ¹¹ Ba nyoro ando rutombo rua rongo rua rusheke runu reuyi u Yezu kristu,u rutono ndo matonosho Ndjambe. ¹² Bana ba maye u kristu, ndagwesheke bu yebe ando runu ruanguiri miyi rua bamana u manangosho mi rushanga rua rusheke, ¹³ Keke minamba nyama ishini kristu, bamami yebe u ndenge mayoro ma makimi ma mburu buroko ndo u ndenga bata beke babakimi. ¹⁴ Ndo babi nyiti ba buiki u kumu, ba ma korosho miteme nya banda ishini minamba nyama nyi buroko,bok'roro rueyi rua Ndjambe ndo nkomo mua buiki u bere woko butete. ¹⁵ Diyi bara-bara,ibeke, banyishiki rueye rua bora kristu ando pish'ake masheye ndo aki ibeke bak'rushon'ando bunyaka bua busheke, ¹⁶ Bana bak'rushono ishini ntshongo, banyek'ando bashiki miyi ishini ku muanga rushanga rua rusheke. ¹⁷ Keke bana ibeke bantshiondo kristu ishini makapasha,bibere wiyi ando mieteme nya yembe, ba moko buanya bua banda u purushu mitanda u buroko buama. ¹⁸ Runu ruyi yeye,ku rueye runu ande u maroro ma makimi kekake disheke wara mamonono mbe ku bara-bara, bantotoko buika buiki ishini kristu,ndo u rueye runu ndak'nyak e u bara-bara ndi karke nyaka. ¹⁹ Ishini ndak'yeb'ande rueyi runu ru baba rama ngo mawondjoro mama ishini ma rombo mini ando mawondjoro ma nyuma ndjua Yezu kristu. ²⁰ U ikiti rama ra nteme ndo ma bakara mama u bere rembe ndanyebek'ande ndaka ruere wu bushonyo a kapiti u reuye a rumoko,keke ngo pwarami ndjua mata mamakimi ndo nkomo mua mukimi,keke angowo kristu i totomo u rutoko ruama u maweshere mamakimi djark'u monyo muama djark'u iwi rama. ²¹ Ishin'ande kristu ipu monyo muama ndo iwa riyi mpoto u boro buama. ²² Mbe djara bushek'ande ndara ndo monyo u rutoko ishin ngunu mwama ,shenda yeb'ande ndi roro mbwenye ishini bushosho monyo mbe ke iwa. ²³ Ndi ku ndeng'a meye mana ma pende nda ngwesheke miyi u kobuwa ani ishini miyi u wara ando kristu ishini rueye runu rua reke busheke. ²⁴ Keke ishini buini di busheke ande ntikara shara u rutoko. ²⁵ Ishin'ande ndak'ya kereshe u weshe u shara u war'ando yini buini bakimi e bara-bara ndi shahar'ando yini buini bakimi ishini manamgara mini ndobunyaka buini di maweshere. ²⁶ Ishin'ande maka ruwa mama u buini djara u buini rueyi ru yatonosho u Yezu kristu. ²⁷ Paku rueye runu bikerere dini djara dja yemene ndo rushanga rua rusheke rua bora kristu,ishin'ande mbe ndiwiyi u bu mono mbe kuapa nti bere kar'wiyi nti wok'anyi rusanga rua meye min'ande, biyi banyembete u nyuma moko ndo ba nanaka iraka imoko ndo nteme moko ishini mawehere mi rushanga rua rusheke. ²⁸ Ndo muini ikembe ka ntsheke batinishe a kapite,rueye runu rueyi yendje ri mashotono ma banda,keke u buini djiyi ma wondjowo mini ma bora Ndjambe. ²⁹ Ishin'ande ba ma buwoko ntshongo ishini rueye rua kristu,kuapa ishini ku ngueshe di kar ruwiyi ishini ku kenege ishini rueye ruanda, ³⁰ Bua nanaka itumbu imoko rini rombono buini nti nana ndo rini ra ngokoko buin aningowo ando yara ndi nana.