¹ Ba toro u mbongo a muiri mua wono mu iribi u itenye ra shini ra Gadara. ² Mun'anana Yesu a punu yanda u buate, moto a wara a nyumu sha mbindi a u punu u ma bandja u monosh'ande. ³ Moto yono a weke wara ku kata ma bandja ndo moto a moko ka toko yemene u nkanda ayasha tshukana. ⁴ Shini matanga ma buiki a kandaka bande mikoro nyanda ando mboro aki nyowo nyanda ando tshukana; isheke wara ngosho a weke batara tshukana ndo u bokoro mboro. Keke kuapa a moto moko a weke mparara. ⁵ Shoko sha shikimi butuwu a muanya a weke ribiri u mikondjo ndo u mabandja uboko mbere ndo a mi ya boro poto ando ma manya. ⁶ Amono yanda Yesu tamba a tamba, ya ku wende mbanga keke ku boro mamongo ubosho buanda. ⁷ Ndo ku boko noro: Wene Yesu muana Ndjambe ndjua riki rueyi nana bita pe? Nda ki irombo u ru kombo rua Ndjambe areke wa tatishe buanya buama. ⁸ Ishini Yesu anoko yand'ande: Punu u muto yono we nyumu ndjua mbidi. ⁹ Ando ya kunguru ande rukombo ruawa we na? Miyi rukombo ruama, tshu ba buiki a marara yande ishini ku reshe tshu ba babuiki. ¹⁰ Keke ubere baka, ya kunombo ande, reke uba ntomo unenge bi. ======= ⁹ Ndo Yesu kunguru: Rukombo ruawa we na? Ya ku marara rukombo ruama, miyi ba buiki dja nesheke ande: Tshuiyi ba babuiki. ¹⁰ Ndo ku mondoro u nombo ande, areke u shi tomo tamba a ndo itenye ra shini ra Gadara. >>>>>>> b465ce253e944b9f8f4ec33a54bf1f00afa65df3 ¹¹ Mbete a nkondjo, tumu ndja inene ndja banguru ya ma wara unono yiyi idja. 12 Keke nyumu sha mbindi sha mondoro ande: Tshu tomo tshu nini ukata banguru bana. 13 Keke ya ku bayeke mboko, ndo nyumu sha mbindi ku punu u moto yono, shi ku nini u banguru, ndo tumu banguru ndja ikimi iku womono ngomono kue ya boko iribi: Ba wara ruere binunu bi pende ndo ba kuwu ukata masha. ¹⁴ Ba boro ba nguru ba ku tini, keke ku muana rushanga ukata boro bua bunene ndo kata mara ma makeke. Bate ku wende shini kumono runu rua kereme. ¹⁵ Ba wiyi banda a kora Yesu ba ku mono moto yono awara ando nyumu sha mbindi a ntshikimi djua reye mapere ando puara ndja isheke; keke ba ku woko butete bua buiki. ¹⁶ Bana ba mono ipu rashamba rueyi, ba ku rondosho ibeke runu rua kereme ubora moto yono awara ando nyumu sha mbindi aki runu rua kereme u banguru. ¹⁷ Keke ba ku bondoro Yesu ande ikobuwu u itenye ra shini a bande. ¹⁸ Ngo a niniki yanda u buate, moto yono awara ndo nyumu sha mbindi ku nombo u wara ba nde. ¹⁹ Yesu katoko ngueshere bi, kek'ake ya ku noro ande: Ya karawa ra mburu a yini, u mbete a bana ba nyowo; ndo ba rondosho mana ma ikereshi Kumu ndo ipu nana ra ya iwoko ntshongo. ²⁰ Ya kuwende, ndo ku shono meye mana ma makimi ma keresha Yesu u Dekaporo. Keke bate ba bakimi bi ya wururuku buika buiki. ²¹ Yesu a nini ukata buate u kara karawu u muiri mua wono mui iribi. Ndo a toro yande u nono, yoro ra bate ba buiki ku ya kokoyo ngama ande u kuandja mashe ²² Keke moko ndjua ba kumu ba Sinangongo rukombo ruande Yayiruse; kuiyi, a ma ya mono, ku boro ma mongo u para shanda. ²³ Ya ku bondoro Yesu buika buiki: Muan'ami ndjua nkeke ndjua bawata koyo a noko wa, iya unyaya ndjara ishini ande yi wokomo ndo yara a monyo. ²⁴ Yesu kwende ba nde. Ndo yoro ra bate ba buiki ra wiki naba ndo u nyukunu u mbete ando mbete. ²⁵ Keke ngata a ma wara ndjua weke tata bu wara bu punuku makere to mashewe ishanga a mapende. ²⁶ A ma mono ntanda mua buiki ndo minganga nya buiki nya ma mowo kuturu bikete ndja buiki djini ndja wara ya ando ndjindi, ndo ka she wokomo bi, kek'ake rutoko rua yebeke u karu wende ra bosho. ²⁷ A woko ya bitoto rueyi rua bora Yesu, awiyi u ndenge a yoro u mbishi a Yesu ndo ku kumunu mapere mande. ²⁸ Ishini a roko mbondo a mbondo ande: Mbe ra kumunu pa munu mapere manda ndi beberewu. ²⁹ Munu itanga rini ma pununu mi makere ma ku batuwu, ndo yaku woko ukata rutoko ruanda ande a ma berewu. ³⁰ Mun'anana Yesu ku yebe ande: Bunono bua punu u kata nde. Keke a ya barara yanda u ndenge a bate ku roro: Nana a nkumunu mapera mama? ³¹ Baweke banda ku marara : Wake mono yoro ra bate ra ki yi nyukunu, ndo wa nguruku: Nana a nkumunu ? ³² Ndo yande ku rende a kor'ande ishini ku mono yono a nkere rueyi runu. ³³ Ngata, a yebe yanda runu rua kerme u kata nde ku woko butete ndo ku riti, ku wiyi ya boko upara shanda, ndo ku ntshosho bara bara ndja ikimi. ³⁴ Kek'ake Yesu ku Moro ande: Muan'ame ndjua ngata maweshere mawa ma iwondjoro; yaka poro'o ndo berewe. ³⁵ Ngo a kaka ya utoto ndamba bate ba mbura a bora kumu ndjua sinangongo ba kuwiyi ndo kuroro: Muana wa ndjua ngate a mawa; Rueye ru karake djaka Murongosho rubua ruiyi yeye ? ³⁶ Kek'ake Yesu, ubere raba toto shini, ku roro kumu ndjua sinangongo: Areke wa woko butete, wara pa ndo maweshere. ³⁷ Ndo ka toko weshe a moto a moko u naba, pa Petero, Jake aki Yone muan'inyanda a bora Jake. ³⁸ A toro banda u mburu ndja bora kumu ndjua sinangongo, Yesu ku mono bate ba buiki wete ya bororo, ba rereke u boko ndjobo ndja binono. ³⁹ Ya kunini ndo ku baroro: ishini yeye angueteke buini kere rubua ndo urere ? Muana she shewu bi, kek'ake a make tshondjo. ⁴⁰ Keke bande ba ntsheyeke. Ambishi ya ku punushu bate ba bakimi ya ku wosho ishanda muana aki inyanda ndo bana ba wi ntshiki ku nini u mbete a wara muana. ⁴¹ Ya ku ntshuku djara ndo ku noro: <>, djini dja noko roro ande: Irenge ra mua ngata, nda ki roro, katuwa! ⁴² Mun'anana irenge ra mua ngata ku katuwa ndo yaku wende. Irenge ra mua ngate yono awara ndo mashewe ishanga ando mapende. Bate ba bakimi bana ba wara anana ba ku ya kama. ⁴³ Yesu ku ba kara buika buiki areke moto a moko a yebe rueyi runu. Ambishi ku ba ror'ande nyek'ana bidjere dji dja.