¹ Yesu ku kara nini aro u sinangongo. Moto moko a wara nono ndo rowo ra rembe. ² Bate ba rende Yesu ishine kumono mbe ireneke bereshe moto rushu ru imbombo ri ba yude ishini ku shoto ipu ri mpundu ³ Keke Yesu a shosho moto yono awara ando rowo rua rembe: Katuwa ndo shumu anana undenge bande. ⁴ Ambishi yande ku shosho bate: Iyeye riyi ra weshe u rushuwu ru imbombo ri ba Yude: Ukere busheke mbe ukere bube, u wondjoro moto mbe ku nyake ? Keke ba ku boto poro. ⁵ Yesu ku ba rende mishi ba bakime a kabua ndo ake a wara ndjua bondomo ishini miteme nya ba nya minono. Ya ku roro moto yono: shembere rowo ruawa, moto yono ku shembere rowo ruande ndo ru ku beruwu. ⁶ Mun'anana ba farasayi ba ku punu, ndo ba ku ya puturu ando bina yoro ra bora Erode, u buanya bu shoto ipu ri ndjaka Yesu. ⁷ Yesu kuende ando baweke bande u mbete iribi ndo bate ba buiki ba wiki naba. Bate bana ba wiki punu u Garere, u Yuda, ⁸ u Yerushareme, u Idume, aki u muiri mua wono mua Yadene, ndo mbete a shini ndja Tire ba Sido. Bate ba buiki, a woko banda meyi ma makime ma kere yande, kuiyi bande u yande. ⁹ Yande ku shosho baweke bande ande bi norosho buate, ishin'ande areke ba nyukunu ubora yoro ra bate. 0 Shin'ande ngo a bersheke yande bate ba buiki, ba bakimi bana ba wara a mawara ba kutapa umuere ishini ku ba kumunu. ¹¹ Itanga nyumu sha mbindi a m'monoko shindi, sha boroko mamongo u bosho buande, ndo sha bokoko mbere: Wiyi muana a Ndjambe. ¹² Kek'ake ya ku shi roro buika buik'ande areke bua shono ndiyi nana. ¹³ A mbishi yini ya ku banda ariki ra nkodjo; ku wuru bana ba weshe yande, ndo ba ku wiyi a kora nde. ¹⁴ Ya kushoro u kata banda ishanga ndo bapende, ku bayeke rukombo ande ba postoro; ishini ba u wara ando nde, ndo u batomo u yishi rushanga rua ru sheke, ¹⁵ ando bunono bu bingi ba demo. ¹⁶ Rende ishanga ando bapende, bana ba shoro yande: Simo yono a yeke yande rukombo ande Petero; ¹⁷ Jake muana a bora Zebedayi, aki Yone muan'inyanda a bora Jake, bana a yeke yande rukombo Bowanerge, dja noko ror'ande bana bi ikumu ra mburu. ¹⁸ Andere, Firipe, Barteremi, Matayi, Toma, Jake muana a boro Arefe; Tade, Simo ndjua ya yeke u rueye rua shini a bande; ¹⁹ ndo Yudase Isakariyote, yono akapa Yesu. ²⁰ itanga Yesu a nkara ya karuwu u mburu, bate ku kara ya puturu, u ipu nde ba ka rene dji mene mbe bi djere dja bande. ²¹ Ba tongo shande awoko bande meyi mana mashamba ba kuwiya ishini ku ngosho; shini barok'ande : Ka ntsheke kara wengiyi busheke. ²² Ndo ba npundu nkanda mu mikendji, ba wipunu u Yerushareme, ba roko: Yiya ando nyumu a bora berezebure; shini ku mboko a kumu ndjua ba demo a mingiki yande ba demo. ²³ Yesu ku ba wuru u ba shosho u mikondo: Ipu nana satana a nguara rene bingi satana? ²⁴ Mbe bukumu buara bua kapara bund'amene, bukumu bunu bua pa kara wara bi. ²⁵ Ndo mbe mburu yara ndja kapara yi mene, Mburu yini ya pa kara wara. ²⁶ Mbe satana yi ya nasha ya mene, yiyi ndjua kapara ndo a ka ruere kara wara; keke yi ruanda rua shiri. ²⁷ Kua moto irene nini u mburu ndja moto ndjua nono ndo u wosho bikete ndjande a mangoro yande u bere te kande n'nono yono. Irene ku wosho a mangoro pa mbe a kande. ²⁸ Ndaku bushosho ku barabara, bube bua bukimi bi ririmbisha bundu bana ba batu, ayasha rutowo rua Ndjambe; ²⁹ Keke yono a ntowoko Nyumu ndjua ntsheke ko bishe nimbishi: yito totoro mandmbu mande shera shera. ³⁰ Yezu aroro ngowo ishina aroko banda : yi ndo nyima ndjua me, ======= ²⁸ Ndake bu shosho a bara bara: Bube bua bukimi bi ri rimbishi a bundu bate, ndo ayasha mishingi nyi towo ba Ndjambe. ²⁹ Kek'ake yono a nkeresheke Nyumu a Ndjambe bube, ko bi she n'nimbishi bi: Yiyi n'nimbi djua bube bua shera shera. ³⁰ Yesu a toto ngosho ishini a noko ba nde : Yiyi a nyumu ndjua mbinde. >>>>>>> b465ce253e944b9f8f4ec33a54bf1f00afa65df3 ³¹ A wiyi inyande ndo ba binyande, ba yembete u bushobo, ndo kutomo rueyi u nguru. ³² Bate ba buiki ba wara ba ntshikimi ba nongo, ndo ba ku ntshosho: Rende nyowo ndo bana ba nyowo kaba bak'ishoto u bushobo. ³³ Ndo Ya ku barara: Nana yiyi maya, ndo ba nana biyi bana ba maya? ³⁴ Ambishi ku rende meshi u bana ba shikimi ba nongo, ndo ku roro: Rende maya ndo bana ba maya. ³⁵ Keke yono a nkereke puare a nguesheke Ndjambe, yanda yono yiyi muana maya ndjua barungu, ndjua bawata ndo maya.