¹ Keka ngowo, ba banyiti bi ikini,bakapasha u ma wururu ma riku,tshu wengiy'anana ishins mupostoro aki nga ndjambe ndjua nene ndjua wutonosho ishini maweshere miti, Yezu ya mene, ² Yezu yiya yeke u yono antshoro u ngunu, ngo puara awara Mose u mbura Ndjambe ndja ikini. ³ Ishin'ande yiyi ndjua areke ndjua ndo bukumu bua reke bua bora Mose ushin'ande yono ashoro mburu yiyi ndo rutono ruaneke mburu. ⁴ Ishin'ande mburu bakishoro ku bora moto, keke yono awanga bikete dja bikimi yiyi Ndjambe. ⁶ Bara-bara,Mose awara moto ndjua sheme u kata mbura Ndjambe, ndja ikini ,ngo muina ngunu,ishini yande wu wara yendje ra meyi mana mawara wu toto u mbishi, ⁵ Keke,kristu yiyi ngo muana u kata mbur'ande keke mbura yiyi biti,mbe tshu ya yeke ndo bu nono buite bua bukimi,mbe ake tshuashiki nteme u iket rini ra wengiyi biti iraka rini tshuak ya tonosho. ⁷ Irak rini puaro anoko Pungo Ndjambe ande: Arini mbe bua woko rutoto ru'ande. ⁸ Areke bua windjri miteme nyini, ngo ipu rango kosho banda kabua, ngo ipu rawara makikiri ma banda u kata ishandja, ⁹ Iraka rakiki ba mama-shini ishini kuyebe bara-bara buama,keke bakumono mingunu nyame u mbishi mashewu mashanga mane. ¹⁰ Keke miku wata kabua ishini kumbu yini keke miku ror'ande : Biya ndo miteme nyak bateye u mbok'ame, keke kabatoko yebe mboko shama. ¹¹ Miyi kuyakoko u kabua shama ande banda kobi nini u makitiri mama. Ndj.95: 7-11,Nombe 14: 21,Deut.1:34 ¹² Bana ba maye burana ndo buanya,reke moto moko u ndeng'ayini yara nteme mua munono mubere to muwu, ishini kubere Ndjambe ndjua monyo, ¹³ Keke buiya windjiri buina-buina rushuwu ndo rushuwu,iraka rini banguara ruere ror'ande Arini, kuapa moto ndjua ndenga ayini anguaraka ruere ru windjiri nteme wu makerere mi bube ¹⁴ Ishini biti tshuama yaputuru ndo kristu, ishin'ande tshuara babama u matapara mi mawekeme miti too inamana ku mama nasha ¹⁵ , Mbe baror'ande Arini, mbe bua woko rutoto ruanda areke bua windjiri miteme nyini, ngo ipu rapeke banda kabua Map.17 :1-7,Eb.3:7 ¹⁶ Ishini banana awoko banda rueyi rua Ndjambe bakupeke babua u nteme muama Kuapa ba bana ba punushu Mose u boro bua Egypte,bakere ngowo. ¹⁷ Keke yande awara ndo banana kabua u kata mashewu mashanga mane Kadja toko wara bana bakere bube, bana miniwu nya banda nya wa u kata ishandja. ¹⁸ Yande yiyakoko ishini banana,ko bunini u makitiri mama, kapa pa bate bana bawara ndo buwomono. ¹⁹ Keke tshua nendak'ande ,banda kabatoko ruere anini ishini buwomono bua banda.