¹ Ishini rueyi runu ruiya yita tshu penya nana buika u meyi ma woko biti kek'ande ko tshua punshunu. ² Mbe djar'ande rutoto rua toto banjero rua kere neme mua rundu,mbe djara u bebe bua bukimi ndo buwomono bua bukimi pete iputu ra djindi u bube. ³ Bitaki tshu wondjowo mbuenye a meshereke biti mawondjowo ma manene ngowo, mamana ba to tshushosho u bora kumu,bi tshu shosho a manda u bana ba ti mawoko. ⁴ Ndjambe a ma ba shosho adjindi u djendje ndo u meyi mi bishana ndo minkanda nya buiki,aki u makapa ma punga Ndjambe mi ba kapasha yande ipu ri ruwondo ruande. ⁵ Makitiyi mi ya kitiyi Yezu ma manyeke rutono ruande. Keke Ndjambe ka toko yebe banjero shina mana yini yi miki yini ya ntotoko biti, ⁶ Keke indjueke ya ku tshu shosho u mbete ndjeke, ror'ande: Moto yi nana ishini wene wu nguibuwa, mbete muana moto ishini wene u nondo? ⁸ Wa ma nkitishi u matanga ma makekeu shina bajero, wene ku nyeke rutono ru mingumu nya djiara djawa. ⁷ We ku shiki biteke dja bikimi u shini para shanda.Keke yi nyeke banda bikete dja bikimi ka toko sha rekere a ikete imoko rini ra bere ya tene u shina para shanda ⁹ Keke yono akitishi yande u itanga ra rikike ushina banjero, Yesu,biti ku mono ba ku nyeke rutono ishini iwa ra mono y'ande ndjoro,keke untshongo mua Ndjambe, ya ku mono ndjoro shi iwa ishini bate ba bakimi. ¹⁰ Ishini rueyi runu rua wara rua bara - bara,ishini yande bikete dja bikimi djiyi ukata,ando bikete dja bikimi bi biwanga ku bunono buandea weya rata bana ba buiki u rutono, ya ku buaka kapitene monyo mua bande u busheke bua bukimi u ndjoro. ¹¹ Ishin'ande yono ankinyiki ando bana ba kinyiki banda ba miki punu ku moto moko irak'rini akap'ando bushonyo bu ba wuru bana ba maya, ¹² Anoroko y'ande; Ndji shoshono rukombo ruawa u bana ba maya, ndji yi to yi tonosho u ndenga yoro. ¹³ Kek'ambish'ini, Ndji ya ye yayeke u wene. kek'ambish'ini mbona nana,miyi ando bana ba peke Ndjambe. ¹⁴ Kek'angowo.ishin'ande bana biyi u makere ndo rutoko, kek'a yande yiyi u kata u djini kek'ande u iwa ya ku reke yono yiy'ando buamono bui iwa, dja noko ror'ande diaboro, ¹⁵ Ishin'ande yande iwondjoro bana ba bakimi bana ba wata banda u bushowo matu mamakimi ma monyo mua banda ishini batete bua banda bini iwa, ¹⁶ U bara-bara ka ntsheke washe banjero, keke yande anguatishika ba bakana ba boro Abarapama. ¹⁷ Ishin'ande runu rua wara y'anda rundu ishini ku ya puanyisha ngo bana ba banda u meye ma makimi, kek'ande yande ibuaka ntshotoko banda ndjua neme ndjua ntshongo ndjua u wekeme u meyi mana miyi ma bora Ndjambe,ishini yande u wende ando nomba mu rimbishiki bate mandimbi ma banda. ¹⁸ Ishin'ande yane ya mene a ma mono ndjoro a nkiki bande,yande a mak'yebe u washa bana ba nkikiki banda.