¹ Meyi ma nguesheke Ndjambe ande batu bande biker. Mat 19:4,1pet.1:22,Lom.12:10. Ruwondo rua buana baua maya u kristu ruara.Efeso 4:3. ² Areke bua wa pimbi u shundju bate beke ntshongo ishin'ande u shundju batu nsthongo, bate beke ba ma wara banjero banda ubere yebe.Lomo 12:13,1pet.4 :9 Gen18 :1 ³ Bu wibushi nana bini buroko ngo nde buim ya buini bini buroko, bana ba monoshoko banda ntanda mngo ndre buiyia buini ukata rutoko runu ru moko. Mat 25:36, ⁴ Ibaka rara a rutono u bate ba bakimi ,ishosho, areke rara ra wonyiyi ando mbindj, ishin'ande yi ru rumbishi bana ba ngshoroko isheshe ba ubere te shikishi a ki bara ba shikishi ba nkereke bundumbu. ⁵ Areke bua boro nteme u biroko ndo ruwondo rua shamba, bu nyaka mana aki ndo djindji buini ando djindji, ishin'ande Ndjambe ya mene a ror'ande nda kapa reure irekere bi nda kapa ruere iboko bi. ⁶ Djiyi ku bara bara ngo ipu ra nguara ruere biti u ror'ande Kumu yiyi nguash'a ndapa teni rueyi bi moto yi kera mi yiya. Ndjembe 56: 5, 118:6 ⁷ Wibuwu nana ba shenda yini, bana bi bu shosho rueyi rua Ndjambe, yeba nana ipu ra wara ma manasha ma monyo,ke bu woko maweshere ma banda ke bu woko maweshere ma banda. Heb13:17. ⁸ Yezu kristu yiyi ipu imoko a yi koro a rini ndo shera shere. ⁹ Areke bu ya rekere u pushunu mayishi mapu ndo mapu mi bushobo bua yoro ra Ndjambe keke djiyi bushek'ande nteme muara mua windjiwi u ntshongo mua kumu,keke dja kapa u bidjere djini dja bere washa bate bana bi ya reye u djindje.Mat. 24:4, Romo 16:17. ¹⁰ Tshuiy'ando iraka riwupu ndamba ba,rini riy'ande ba meke ba kapa ruere dja. ¹¹ Toko shi bashutu,shini ma kere ma shuidji ma meke rata kubanganga u iraka rikini ngo namba mu rimbishi bube bua bati, ba meke shi wupu tamba u bushoto.Lewitike 4:21, 6:3, Nob19:3 ¹² Iraka rini a yasha Yezu ishini ku kiniyi bate u mboko makere manda ya mene, mono tamba u bushobo bu ikuku. yone 10:17,17,18. ¹³ Keke tshua punu nana ishini kuende mbete yiyi yande tamba u bushobo bui ikuk, ba totoro mi shingi nyande. ¹⁴ Ishin'ande tshua kapa boro ane shina mana boro bu wara shera shere,keke tshua ntshotoko boro bua riki bunu bua miki u bosho. Firip.3:20 ¹⁵ U yanda , tshu yeka nana Ndjambe namba mua biti u ntonosho mundu, munu mua nteneke biti rukombo ruande u minumbu nyiti. Oze 14 :3, ¹⁶ Areke bua wu pimbi bi ukere shike bate bushike ndo u ba yeke bikete , ishin'ande u ndamba sha ngowo sha meke nyakasha Ndjambe.Firip 4:18. ¹⁷ Bu tomowo nana bana biyi u busho buini ndo bu ba tiniki ishin'ande banda biyi ba renda nyonyo nyini, bi ro rondro rueyi ru buruti bunu u mishi ma bora Ndjambe, ndjare ngosho keke banda bi kere nguaru ndo bunyaka u bere numu u miteme, u bere buishi a mpoto moko bi. ¹⁸ Bu tshu rombosho Ndjambe,ishin'ande tshuiyi ando maweshere mi boko buanya bua busheke, uweshe wara u mboko ndja isheke u meyi ma makimi. ¹⁹ Ndak bu bondoro ando nteme mua mukimi buini ukere rueyi runu ,kek'ande miyi ndji bu karawa buasha. ²⁰ Keke Ndjambe ndjua poro,yono akuu wumunu nondo ba panga ndjua nene u kata bate bana bawa, u makere mi mawokosho ma shera shere kumu yiti Yezu. ²¹ Yi bu yeke bunono bu ye meshe mingunu nya misheke nyi ruwondo ruando, yi kere u kata ini runu rua nyakisha, u Yezu kristu rutono ruara u yande maburu ando maburu. Amen ²² Bana ba maya, ndak bu rombo bu weshe meyi mana ma mi bu windjiri, ishin'ande nda bu pundushu meyi ma makeke. ²³ Buyebe a buinu, ande Tomote muani nyiti u Kristu ba mar'punushu u mburu buroko, mbeki yiyi buasha, ndji wiy'ando nde uwi bu nono. ²⁴ Wimbisha nana bana biyi u busho bua yoro aki bini ikini ba bakimi. Bina Itali bak' bu wimbishi. ²⁵ Tshongo mua Ndjambe muana yini buini ba kimi. Amen