¹ Biwindjiu u maweshere ma banda.1corit 9:2-27,Fil.3:11-14;2:5-11. Kek'abiti ishin'ande tshuiyi barongo ando yoro ra rinene ri bayeke,tshuatey'anana mariti ma makimi ndo meyi ma mabe mana miyi rueye rua boro ishini kuwono maweshere miti, tshu koriy'ando tshuiyawindiri ipu riti ra mbanga rini ranipuwa u bosho buiti. ² Barende mishi u boara a yezu, kumu ndo nguindjiri ndjua maweshere miti yanda,ishini bu nyaka buashiki banda u bosho buanda,ama mono mitanda ariki ra nte muawesheshe,ndjue wushu bushonye , ndo yiyi ndjua shikimi u rowo rua runono ru barungu rua nguasha ndja bukumu bua Ndjambe. ³ Bu wengiyi ipu rini yand'awindjiri ya nteme u meyi mana ma mabe mankeresheke bate. Keke buini reke buakaruwu u mbishi ndo reke bua teke bi. ⁴ Buini shi bua toko nana itumbu bi tu inamana makere mitshakam'ashini, ananaka buin'andobube. ⁵ Ndo buini buawu pimbi u irongo rini ribuyake banda ngo bana ba Ndjambe. Muan'ame areke wa mono ntanda muakiyeke Ndjambe ngo ikete ra ngona-ngono ndo reke wara ndo nteme mua boro mbe ayishundju bube buawa. ⁶ Keke Ndjambe ameke kengeshe moto yono ameke yanda weshe,ameke boro moto ndjua nkimi yono ameke ya wosho ngo muan'ande.Mikondo5:11-12. ⁷ Windjir'anana miteme nyini,Ndjambe a ma buwosho ngo bana banda biriwondo,kek'ande muana nana ishand'ameke ya bere unkengeshe. ⁸ Buini mbe bua bere ntanda mua monoko bate ba bakimi,buini buiyi bana ba moto banda u mboko ndjua bundumbu, buakapa bana bi yibaka bi. ⁹ Bishiti bana bitshuboto baweke tohu monosho mi tanda,tshua weke batini,dja nombok'ande tshu tini buika-buiki Ishiti ndjua riki keke biti tshuar'ando monyo. ¹⁰ Bishiti baweke tshu monosho mitanda ku batuwu ma makeke,ipu rini raweke banda weshe, busheke keke Ndjambe amak tshumonosho mitanda ishini busheke buiti ishin'ande biti tshuwara bate bi yikimi randa. ¹¹ Djiyi bara-bar'ande mitanda nya mikimi bu koto nyiyi reuyi rua rube,ndo kuap'ande rueyi ru bunyaka, kek'ambishi matuwu mitanda nyik punushu meyi ma masheke u bata bana bankengeshe banda. ¹² Buwindjiri nyowo nyini nya rembe ndo ma mongo mini ma boro. Yeshaya 35:3 ¹³ Roriy'anana para shini u mboko sha shisheke, keke moto yono ndjua bakowa mikoro reke abuaka. Yanda imono ipu rishamba busheke ¹⁴ Shot'anana wu wara poro ndo bate ba bakimi ndo wu yakinyiyi ndjara ndja yikimi,kuapa moto a moko irene mono Ndjambe mbe a bere wara ndo yikinyiyi u bu Ndjambe. ¹⁵ Bua peny'anana, Areke moto a moko arimishi ntshongo mua Ndjambe,ipu'ande a muiri a moko mu buroro wupushuwu, muboto mananasha ishini kuiwono bate ba bakimi mananasha ishini kuwono bate ba bakimi.Deut.29:18,Ming. 17 :13,Ngarat.5:12 ¹⁶ Areke nkere bundumbu yara,mbe muina nyingi shi rutoto ngo yeshawu,yakukapa buwotara buanda bua muana ndjua bukoto yishini bidjere djidja. ¹⁷ Buanyebak'ande ambishi yini awondo yande wu wosho bunyaka,ba ma m mnere ishin'ande kashemono ipu ribarara ishanda nteme,ishek war'ande amapunushu djoshoro u mishi. ¹⁸ Buini buakapa ruere rukaruwu ngama ndo nkondjo munu mua meke banda kumunu a djara,munu mua temuwa tiyi, mbe ku yibende,mbe ku muinini, mbe ku pungu ndja inono. ¹⁹ Mbe ku rubua rua punga mbe ku rutoto rua meyi ma manono. Awoko bate meyi mana,bi ba bondoro ando reke bakara toto rueyi rueke. ²⁰ Ishin'ande banda kabashe raba mabenge mibashere banda'ande mbe shutu aboko para shanda ariki ra nkondjo muikini binkuete ma manya unyaka. ²¹ Meyi mipu rini mawara ndo buetet inamana Mose aroro yand'ande ndak tina ndo wu riti. ²² Keke buini bua makaruwa u nkondjo mua siyone ndo mbura Ndjambe ndjua mono, Yerusareme ndjua riki, ndo u yoro ra bandjere bibere bara buiki bua banda. ²³ Ndo maposhoro ma manene ndo Ekerezia ndjia babinyiti biy'ande kombo sha banda sha pundu u riki,ndo u Ndjambe,numbushu ndjua djia bikimi,aki u nyuma ndjua bate ba bara-bara bashiki banda bini ikini koka a koko. ²⁴ Ndo Yezu,mpunduru ndjua mawokosho mayembe a yembe, ayasha u makere mantshashaka banda maneke ma bora Ebele utoto busheke. ²⁵ Buwibuwu ishini buini reke bua bere yono antotoko ndo yini , mbe ba bere wondjowo,abere banda yono ibawibiri a shin'amana djamonyik'ande biti tshuapa wondjowo,keke bampunuku u yono amake tshuwibiri ndjua riki. ²⁶ Rutoto ruanda rua manyinyi shini itanga rini,keke kekangowo amatshuraya utot'ande Shoko ndjieke imoko ri nyinyi shini yapa wara yinda mene aki riki Age 2:6 ²⁷ Rutoto runu, shoko imoko ndjeke,ruake tshushundju mateyera mi bikete dja kereme wu ritishi wu kere ishini bikete djekere wu tshuritishi dji wara. ²⁸ Ishin'ande biti tshuangoshoko bukumu bunu bubere wu tshuritishi,tshuara biti ndo wukarasha maranga u rini ranyebeke biti wukereshe Ndjambe yono amak tshunyakeshe u ngunu ndo u tini, ²⁹ Ishin'ande Ndjambe ayuti yiyi tiya tshua ngupuku.