¹ Ndjambe,amana yande shosho ba mama shiti shoko sha buiki u mapu ma buiki u munumbu nyi ba ngandjambe, ² U matuwu mi ma manasha ma rini, Ndjambe a ma tshu shosho makamba mande u muan'ande yono ashiki yande nkiti bikete dja bikimi, yono a kara ya wanga ba ndi shini, ³ Yande yiyi ma moniyi mi rutono ruande ,ndo yiyi ipua ri bu Ndjambe buande,yi ntshuku ndjua bikete dja bikimi u bunono bu rutoto ruande. Yande ku tshuwoshoro mayembeshe mi bube,yande ku shikimi u rowo ru barungu rua runono rua yono areke bunene u maraka ma ndemba riki, ⁴ Ishini meyi mana ma makimi,Yezu ya kubuaka yono ndjua reke banjero,yande ku kiti rukombo rua reke tono sha banda. ⁵ Kek'ande Ndjambe ashosho nana u banjero ande :Wene wiyi muana me, nda ma iboto a rini? kek'ande: Ishini yande ndji wana ishande,aki yanda iwara ishini miyi muana me ? ⁶ Keke shoko ndjeke awiya rata muan'ande ndjua bukoto u shina a mana,yande ku ror'ande: Banjero ba bakimi ba boara Ndjambe bi ntoro, ⁷ yande ku roro ishini banjero ande: Yande a meke barara banjero banda pungu,ndo bina ngunu bande runeme rua tiya. ⁸ Keke ya ko roro muan'ande : O Ndjambe,nguasha awa ndja bu kumu yiyi shere, ikombo ri bukumu buawa riyi ikombo ra shere. ⁹ Wene wa wondo busheke ndo wene ku bube, irak rini, O Ndjambe,Ndjambe, awa a ma ikoro sher'ande: bara-bara,mawarara shara yini ndja bunyaka ariki ri banbayi shawa ¹¹ Kek'aya ku kar ror'ande: wene ,kumu, u matapara wa wanga shina a mana, ndo djini dja riki djyi ngunu mua wanga wene u djara djawa, ¹⁰ Bikete djini djiri rimi,keke wene ushok'shara sherashera,dja bikimi dji nunu ngo mapere, ¹² Wene u bibo bibotiyi ngo mapere ma meke biti reye, dji ba bamana keke wene ushara ipu imoko, aki mashewe mawa ko mishiri bi. ¹³ Keke indjueke nana ndjua banjero ndjua aroroyande shoko ndjek'ande: Shikimi awene u rowo ruama ru barungu rua nono,inamana ishiki miyi bini ikembe bawa u shini shapara shawa. ¹⁴ Banjero ba bakmi ba kapa pungu shini sha tomo yande u kere neme mua Ndjambe ishini bande bana bi pete mawondjowo?