1 Yesu aingile mubwato, alyabwike, no kwisa mumushi wakumwabo. 2 Kuli ena kwaletelwe uwabulebe naba mulalika pabutanda. Amwene icitetekelo cakwe, Yesu alandile kuwabulebe, ''Wemwana ba uwakoseleshiwa. Imembu shobe na shelelwa.'' 3 Bamo, bamuli bakalemba batendeke kula ipushanya, ''Uyumuntu aleponta.'' 4 Yesu alishibe ifyo baletontonkanya nokulanda, ''Fishi muletontonkanya ifya bipa mutima yenu? 5 Kuli ici cili icayangisha, ukulanda, imembu shobe nashelelwa, nangula kulanda, 'ima nokwenda? 6 Nomba kuti mwaishiba kuti umwana wa muntu ali namaka muno calo aya kwelela imembu,... ''Alandile kuwa bulebe, iminina senda ubutanda bobe, nokuya kung'anda yobe.'' 7 Elo umwaume alimine nokuya kung'anda yakwe. 8 Elo icintubwingi camwene fi, bali no mwenso no kupela ubukata kuli Lesa, uwapela amaka kuli fwe bantu. 9 Napeka Yesu alepita kufuma kulya, amwene umuntu weshina Mateo naikala ali mukusonkesha imisonko mu ofesi. Alilandile kuli ena, ''Nkonka.'' Alimine no kumukonka. 10 Napeka Yesu aikele mung'anda mukulya, kwaishile, bakasonkesha wamisonko naba bembu abengi mukulya na Yesu nabasambi bakwe. 11 Elo aba Faliseyo bamwenefi, balandile kubasambi kuti, ninshi kasambilisha wenu alelila naba bembu? 12 Elo Yesu aufwile, alandile, ''Abantu abatuntulu tabakabila ing'anga kano fye abalwala.'' 13 Mwalaya nokusambilila umo ifi filolele.' Ndimuntu watemwa uluse ukucila amalambo.' Nshaishila mukwita abalungama ukulapila, kano kubabembu.'' 14 Lyena abasambi bakwe Yohane baishile kuli ena nokulanda, ''Cinshi fwebo na bafaliseyo lyonse tulekela kulya, nomba abasambi benu, tabafungile ukulya?'' 15 Yesu alandile kuli bena, ''Bushe kuti abana ba bwinga bengalosha cibe umwine wabwinga bacili na ena. Noma akashita kakesa elo shibwinga akasendwa pali bena nomba bali nokulafunga. 16 Tapali umuntu uwingabula icikamba icipya nokubika pansalu yakale pali cilya cikamba ngacale puka kufuma pansalu, icipunda kukulilako. 17 Tapali umuntu uwinga bula umwangashi upya nokusansha mumwangashi wakale, ngabacitefi, imbiko kuti yaisula nomwangashi kuti waitika, nomwangashi kuti waonaika. Apalingile, kubika umwangashi mucipe cituntulu icisuma, nefipe fyonse kuti fyasungika.'' 18 Elo Yesu alelanda ififintu kuli bena, kwali, kateka waishile nokufukama kuli ena. Alandile, ''Umwana wandi mukashana nomba ali mukuleka umweo, kuti mwaisa nokubika indupi pali ena, nao alebapo.'' 19 Elo Yesu alimine nokumukonka pamona basambi. 20 Kwali, uwanakashi uwalwele umukunko pamyaka ikumilimo naibili aaishile kunuma yakwa Yesu no kwikata pampela yamukansu wakwe. 21 Kuli ena alandile fye umwine, ''Nga naikatafye kumpela yamukansu, ndebafye bwino.'' 22 Elo Yesu apilibwike nokumumona, nokulanda, ''wemwanakashi icitetekelo cobe nacikulenga ukuba bwino.'' Nomwanakashi aliposhiwe ukufuma palikalya kashita. 23 Elo Yesu aingile mung'anda yakwa kateka, amwene abalelisha ifimpeta necintu bwingi cilepanga ifyongo. 24 Alandile, fumeni apo, umukashana tafwile, nomba alelefye bali musekele nokususha. 25 Panuma yacintu bwingi nacifumishiwa panse, alingile mumuputule nokumwimya kukuboko, nao alimine, 26 imbila yaici yakumene konse kuli cilya citungu. 27 Napeka Yesu apitile ukufuma kulya, impofushibili shalimu konkele, shalepunda nokulanda, ''Tubeleleni uluse, mwana Davidi.'' 28 Elo Yesu aleingila mung'anda, impofu shalishile kuli ena. Yesu alandile kuli bena. ''Namu sumina kuti napangaci?'' Nabo balandile kuli ena, ''Emwane shikulu.'' 29 Napeka Yesu abakwete pamenso nokulanda, ''Lekeni cipangwe ukulingana ne cisumino,'' 30 Elo na menso yaliloleshe, elo Yesu abakonkomeshe nokulanda, ''Moneni peba wakwishiba pali ifi.'' 31 Nomba balya baume baile panse nokusalanganya lyashi palifyo incende yonse. 32 Napeka abaume babili baleyafye, kwaletelwe, ifipena fibili, abali nengulu batwelwe kuli Yesu. 33 Elo ingulu shafumine, umuntu uwali cipena alandile, icintu bwingi calisulile nokulanda, ''Ici tacatala cibamo muno mu Isreali!'' 34 Nomba aba faliseyo balelanda,'' Nimuli kateka wafibanda, emo afumisha ingulu.'' 35 Yesu aile monse mumisumba namumishi. Ali konkenyepo ukufundisha muma Sinagogo, alebila mila suma yabufumu nokundapa amalwele ayapusana pusana na kulwala kwapusana pusana. 36 Elo amwene icintu bwingi, ali uwankumbu kuli bena, pantu bale cushiwa nokushikana koseleshiwa. Balinge mikoko yabula kasunga. 37 Alandile kuba sambi, ''ukusombola nakukula, lelo aba kasombola naba cepa. 38 Eico pepeni kulishikulu umwine kasombola, pantu akafumya bakabwalala mwibala.''