¹ Ilyo Yesu akokele ukufuma kulupili, icintubwingi calimukonkele. ² Moneni, umulwele wafibashi aishile nokukontama kuli ena, nokulanda ati, "Shikulu, nganamutemwa, kuti mwangwanya." ³ Yesu atambike ukuboko kwakwe nokumwikata, alandile ati, "Nintemwa. Sanguluka." Mukampampa alisangululwa kufibashi. ⁴ Yesu alandile kuli ena, "Mona tekwesha ukwebako umuntu uuli onse. Kabiye palobe, kailange kuli shimapepo, nokupela icabupe ico Mose akambishe, pakuba ubunte kuli bena." ⁵ Ilyo aleisa ku Kapenamu, umukalamba wabashilika aishile kuli bena, alemupapata ⁶ nokulanda ati, "Shikulu, umubomfi wandi umulebe nalambalala kung'anda kabili filekalipa." ⁷ Elo Yesu alandile kuli ena, "Nkesa nokwisa posha." ⁸ Umukalamba wabashilika alyaswike nokulanda ati, "Shikulu, nshilingile mwebo ukwisaingila mung'anda yandi. Landenifye ishiwi nomubomfi wandi alepola. ⁹ Pantu nanebo ndimuntufye uwasontwafye mumaka, uwapelwa nabashilika. Nanda kuli umo ati, 'Kabiye,' nao aya, nokulanda kumubiye, 'Isa,' nao isa, nakumubomfi, 'Citefi,' nao abomba." ¹⁰ Ilyo Yesu aumfwile ifi, calimupapwishe nokulanda kuli bonse abalemukonka, "Mucishinka nalanda kuli mwebo ati, nshisangilemo nangu umo uwamuba Isileli uwacitetekelo ngawebo. ¹¹ "Namyeba, abengi bakesa ukufuma kukabanga nakumbo, bakakumana petebulo na Abulahamu, Isaki, naYakobo, mubufumu bwamumulu. ¹² Lelo abana baume ababufumu bakaposwa kunse mumfimfi, uko ukukaba ukulila nokusumanya ameno." ¹³ Yesu alandile kumukalamba wabashilika, "Kabiye! Ngefyo usumine, efyo cileshitwa kuli mwebo." Nomubomfi apolele palyapene. ¹⁴ Ilyo Yesu aishile kung'anda yakwa Petulo, amwene umupongoshi wakwa Petulo nalwala nalambalalako. ¹⁵ Yesu amwikete, nempepo yalipwile. Alimine nokwamba ukubapekanishisha ifyakulya. ¹⁶ Elyo mucungulo aishile, abantu baletelwe kuli yesu abengi balikwete nengulu. Afumishe imipashi neshiwi nokuposha bonse abali nabalwala. ¹⁷ Muli iyi nshila fyalifikilishiwe ifyalandilwe na Isiah kasesema , alimukulanda, umwine asendele amalwele yesu nokuyafyala nokucula konse. ¹⁸ Nomba ilyo yesu amwene icintu bwingi nacimushingulika , apele ifilangililo fyakusha bushilya bwamumana wa Galilee. ¹⁹ Ilyo kalemba aishile kuli ena nokulanda , Kafundisha , nalamikonka konse kuntu muleya . ²⁰ Yesu alandile kuli ena , Bamumbwe balina mendo , nefyoni fyamumulu fili nefinsa, lelo umwanawamuntu takwete napakusamina umutwe wakwe. ²¹ Nabambi abasambi balandile kuli ena , shikulu nsuminisheni ndeya mbale nokuyashika tata wandi. ²² Lelo yesu alandile kuli ena , Nkonka , sha abafwa bashike abafwa banabo. ²³ Ilyo yesu aingile mu bwato , abasambi bakwe balimukonkele mubwato. ²⁴ Moneni , kilya kwaimine umwela uukulu pamumana , pakuti bulya bwato bwisalilwe namabimbi .Lelo yesu ali nalala. ²⁵ Abasambi baishileisa kuli ena nokumubusha , nokulanda , Tupususheni, shikulu twabunda! ²⁶ Yesu alandile kuli bena, cinshi muletina , mweba cishinka ?Elyo aleseshe nomwela necimana .kwali isaba nokutalala ukukalamba. ²⁷ Abantu calibapapwishe no kulanda , ninshi muntu washani uyuwine , uyo nomwela necimana filamumfwila? ²⁸ Ilyo yesu aishile bushilya lubali naku calo ca Gadareness, abantu babili abali nengulu bamukumenye . Balimukwisa ukufuma kumanda abali abacimfulunganya , pakuti tapali abaleenda abengapita muli ilya inshila. ²⁹ Moneni balilile nokulanda , cinshi twingacita naimwe , umwana wakwa Lesa ? Mwishile kuno mukutukalifya apo inshita tailalikwa? ³⁰ Nomba ibumba lyankumba lyali kulya mukulya , tapalepele sana ukufuma kuli bena. ³¹ Elyo ingulu shakonkenyepo ukupapata Yesu nokulanda , Ndamwashifumya kunse , mushitume muli lilya ubumba lya nkumba. ³² Yesu alandile kuli bena , kabiyeni ! Ingulu shaishile kunse nokuya munkumba ;nokumona , ibumba lyonse libutukile panshi yacimana nokufwila mumenshi. ³³ Bonse abo balemona inkumba balibutwike nokuya mu musumba nokuyalanda fyonse , makamaka ifyacitike kubantu abali nengulu ³⁴ Moneni , imisumba yonse yaishile kunse nokumona Yesu , Ilyo bamumwene , balimulombele nokusha icitungu cabo.