¹ Elyo bamo abamuba Faliseo nabamuli baKalemba baishile kuli Yesu ukufuma ku Yelusalemu. Balandile ati, ² "Nicinshi abasambi bobe baleonawila antambi shaba shimapepo? Pantu tabasamba kumaboko ngabalelya." ³ Alibaswike nokulanda kuli bena ati, " Mwebo nicinshi monawila amafunde yakwa Lesa pamulandu wantambi shenu? ⁴ Pantu Lesa alandile ati, 'Ulecindika Wiso nanoko,' no onse uulanda ifyabipa pali bawishi naba nyina cine cine akafwa.' ⁵ Lelo mulanda ati, ' Onse ulanda kuli bawishi nangu banyina, "Ubwafilisho bonse ubo waciba nokupokelela ukufuma kuli nebo bupe ubwakupela Lesa," ⁶ ulya muntu takabila kucindika wishi,' mulu uyo musango icebo cakwa Lesa casushiwa pamulandu wa ntambi shenu. ⁷ Mwebabumbi munda! cisuma Eseya aliseseme pali mwebo ati, ⁸ 'Aba bantu banshishimunafye pamilomo, lelo imitima yabo yabfye ukutali nanebo. ⁹ Bampepafye ifyafye pantu amasambilisho basambililisha mafunde yabantu."' ¹⁰ Elyo aitile cinabwingi ukwisa kuli ena nokubeba ukuti, "Umfweni nokwiluka- ¹¹ Takwaba icintu icingila mukanwa kamuntu icikowesha. Lelo icifuma mukanwa kamuntu ecikowesha." ¹² Elyo abasambi bakwe baishile kuli ena nokumweba ati, "Bushe namwishiba ati aba Faliseo balifulilwe ilyo baumfwile uko kulanda?" ¹³ Yesu alyaswike nokulanda ati, "Conse icimuti ico Tata wamumulu tabyala cikanukulwa. ¹⁴ Baleke beka, nintungulushi impofu. Ngacakuti intungulushi impofu iletungulula impofu inankwe, bonse babili kuti baya wila mucilindi." ¹⁵ Petulo alyswike nokulanda kuli Yesu, "Londololeni uyu mulumbe kuli fwebo." ¹⁶ Yesu alandile ati, "Bushe namwebo ubwishibilo bwenu bunono? ¹⁷ Bushe tamwaishiba ukuti conse icingila mukanwa cilapitilila mumala nokufumina kunse mucimbusu ¹⁸ Nomba ififuma mukanwa fifuma panshi yamutima. Efintu fikowesha umuntu. ¹⁹ Pantu mukati kamutima emufuma ifyabipa, ukwipaya, ubucende, ubulalelale, ubung'o, bukambone bwabufi, nemiponto. ²⁰ Ifi fiintu efikowesha umuntu. Nomba ukulya ukwabula ukusamba kumaboko takukowesha muntu." ²¹ Elo Yesu afumineko kulya nokuya ukupalamina kuncende yamisumba iya Tali na Sidoni. ²² Moneni, umwanakashi waku Kenani alifumine kulya kuncende. Alibilikishe nokulanda ati, "mumbelele uluse, Shikulu, Umwana wakwa Davidi! Umwana wandi naikatwa nengulu." ²³ Nomba Yesu tamwaswike nangu lishiwi. Ilyo abasambi bakwe baishile nokumupapata, alandile, "Mwebeni aleya, aletupangila icongo." ²⁴ Nomba Yesu alyaswike nokulanda ati, "Nshatuminwe ku muntufye uli onse lelo kano kumwana wampanga uwalubile uwa ng'anda yakwa Isileli." ²⁵ Alishile mukutota kuli ena, ukulanda ati, "Shikulu, njafweni." ²⁶ Alyaswike nokulanda ati, " Tacawa ukupela umukate wabana nokuposela utubwa utunono." ²⁷ Nao alandile ati, "Eee, Shikulu, notubwa twine tulatola nobufungau ubulepona kwitebula lyakwa shikulu watuko. ²⁸ Elyo Yesu alyaswike nokulanda kuli ena, Wemwanakashi, icicetekelo cakulisha; nacicitwe ukulingana nobufwayo bobe." Umwana wakwe apolele pali ilyaine nshite. ²⁹ Yesu alifumine kulya nokuya mupepi necimana cikalamba ica Galile. Alifumine nokuya kulupili nokwikala. ³⁰ Icinabwingi caile kuli ena. Baletele kuli ena abantu abalwele ubulebe, impofu, bacibulu, nabalemana amolu, nabambi abengi abali nabalwala. Babaletele pankasa shakwa Yesu, naena alibondepe. ³¹ Elyo icintu bwingi conse capapile pakumona bacibulu balanda, abalema bapola, abalemana amolu baenda, nempofu shamona. Batashishe Lesa wakwa Isileli. ³² Yesu alikutile abasambi nokubeba ati, "Nikwatila icintu bwingi inkumbu pantu apo bekalile nanebo palepa nomba papita inshiku shibili ukwabula ukulyapo nangu kamo. Nshilefwaya ukubantamfya ukwabula ukulya, limbi kuti bafwa ulushile." ³³ Abasambi balilandile ati, " Bushe nikwisa twingashita imikate muno muciswebebe iyakwisa kumana cintubwingi?" ³⁴ Yesu alandile kuli bena, "Mukwete imikate inga?" Bayaswike ati, "Cine lubali, notusabi utunono." ³⁵ Elyo Yesu akambishe icintu bwingi ukwikalako panshi., ³⁶ Alibulile imikate cine lubali nesabi, napanuma yakutotela, aliputawile imikate nokupela kubasambi. Nabasambi balipele icintubwingi. ³⁷ Abantu bonse balile nokwikuta. Elyo balonganike imiseke cinelubali iyaisula iyashelepo ngobufungau. ³⁸ Abantu bonse abalile bali amakana yane abaume, ukwabula abanakashi nabana. ³⁹ Elyo Yesu aebele cintubwingi ukuti cileya nabo baninine mubwato nokuya muncende ya Magedani.