¹ Eico beni abapashanya Lesa, nga bana abatemwikwa. ² Napeka endeleni mukutemwa, ngefyo Yesu alitemwa nokuipela umwine pali fwebo, icakuninika celambo kuli Lesa. ³ Lelo tamufwile mwaba na matontonkanyo yabipa pamo ngaya; Ubulalelale, nokukowela konse, nangu lunkumbwa, twileka fyonse ifi filumbulwe muli ba imwe. ⁴ Mwileka ilyashi lya nsoni lisangwe muli imwe pamo nge ifi; Ifya buwelewele, ukutali kana kanofwe ukumutatakula inshiku shonse. ⁵ Pantu tufwile ukwishibo kuti aba bulalelale, abakowela, nakaso, bonse ababamuli ici tabali nokupyana ubufumu bwakwa Kristu na wishi. ⁶ mwileka mulufiwe ku muntu nangu umo ku mashiwi yafye, pamulandu wa ifi fyonse ubukali bwakwa Lesa bulimukwisa nombaline pa bana babucintomfwa. ⁷ Eico mwi ampana nabo. ⁸ Pantu ifisabo fya lubuto busuma bulungami ne cishinka. ⁹ Endeni nokusambilila ifitemuna Lesa. ¹⁰ Elo fwayeni ifinga sekesha Lesa. ¹¹ Mwi ampana nabendala mumilimo yamfimfi mutalukeko kuli abo. ¹² Pantu cansoni nokulumbula ifyo bacita mu nkama. ¹³ Nomba icintu ngacasokolokela mu lubuto, cilesa pabwelu nokumoneka. ¹⁴ Pantu cintu conse icendela mu lubuto cilamoneka. Eico shibukeni mwebali mutulo no kufuma mumfwa na shikulu ale balikila muli mwebo ¹⁵ Eico cenjeleni mukwenda kwenu, mwienda nga batumpa lelo ngaba mano. ¹⁶ Mube aba bomfya inshita pantu inshita sha bubifi na shifika. ¹⁷ Eico mwiba abasha shilimuka, lelo ukwishiba efyaba ukufwaya kwa kwashikulu. ¹⁸ Kabili twiba abakolwa umwangashi pantu emutula ukuiposaika icesu tube abaisulamo no mupashi wamushilo. ¹⁹ Tufwile ukuitabana mukulumbanya mushamalumbo, na musha nyimbo nokumutatakula mukati ka mitima pantu nishikulu. ²⁰ Tube abakupela amatotelo inshita shonse pafisuma fyonse atupela mwishina lya kwa shiku Yesu Kristu na Lesa wishi, ²¹ Mube aba na kila na umo nomu nankwe mu katina kakwa Kristu. ²² Mwebakashi mube abanakila abalume benu,nga kuli shikulu. ²³ Pantu umulume emutwe wamwanakashi ngefyo kristu nao emutwe wa cilonganino,kabili umupusushi wesu. ²⁴ Nomba ngefyo icilonganino cinakila kristu efyo nabanakashi banakila ku balume babo muli fyonse. ²⁵ Mwebalume temweni abakashi benu ngefyo Kristu atemenwe icilonganino no kuipela kuli cene. ²⁶ Pakuti alushishe no kulusangulula ukupitila mukusambwa kumenshi ya cebo cakwa Lesa. ²⁷ Pakuipelesha umwine pa cilonganino mukumutatakula, umwabula ifiko nangula imikone nangula icintu conse, lelo umushilo ukwabula icingalenga. ²⁸ Ifyo fine abalume bafwile ukutemwa abakashi babo ngefyo batemwa imibili shabo. ²⁹ Pantu takwaba nangu umo uwapata umubili wakwe, lelo alauposako amano nokusakamana bwino ngefyo na Kristu asakamana icilonganino. ³⁰ Pantu tulifipandwa fya mubili wakwe. ³¹ Pantu nipali ici umwaume akasha bawishi na banyina nokulambatila kumukashi wakwe, nomba tabali babili lelo umubili umo. ³² Ici cishinka cafiswa icikulu cilelanda pali Kristu ne cilonganino. ³³ Lelo naimwe bonse mutemwe abakashi benu ngamwebene, namwebakashi mucindike abalume benu.