¹ Paulo, umutumwa wakwa Klisitu Yesu ukupitila mukufwaya kwakwa Lesa, kubashila bakwa Lesa mu Efeso abacishinka muli Klisitu Yesu. ² Icikuku cibe nemwebo nomutende ukufuma kuli Lesa Tata wesu na Shikulu Yesu Klisitu. ³ Nakuli Lesa nashifwe uwakwa Shikulu Yesu kube amalumbo, uwatupalile mumupashi mwipalo munyulu muli Klistu Yesu. ⁴ Lesa atusalile ifwe muli ena ukufuma ku mufula wa calo, ukuti tube abamushilo kabili ababula ulubembu ku menso yakwe mukutemwa. ⁵ Lesa atulingile libela nokutusala fwebo ukuba abana muli Yesu Klisitu, ukulingana namaka ayaba mukufwaya kwakwe. ⁶ Ena atubulile ukulatasha ena mululumbi muluse ulo atupele muli umo uyo atemwa. ⁷ Muli yesu klisitu twali lungamikwa mumulopa wakwe no kulekelelwa kwa mampulu, umwabela ubucindami bwaluse lwakwe. ⁸ Ena alundilapo uluse lwakwe pali fwebo mumano namukwishiba. ⁹ Lesa alengele aishibikwa kuli fwebo pakutila twishibe icafisama cakwe umwabela ukubekwa kwakwe. ¹⁰ Lintu inshita yalinga ili no kwisa, elo Lesa akafikilisha amapange yakwe akakolonganika ifintu fyonse ifya mu mulu nefya pano insonde ukuti Kristu eukalafiteka. ¹¹ Nico twali muli Kristu ecalengele ukuti Lesa atusale, tube abana bakwe pantu Lesa atusalilefye limo ukufumafye ku kwamba ukulingana na mapange wena Lesa mufintu fyonse abomba umo elefwaila. ¹² Lesa alitusonta pakwebati fwebo, fweba balilepo ukutetekela muli Kristu, tulenge ukulumbanya ubukata bwakwe. ¹³ Muli Kristu, namwebo, elo mwaumfwile amashiwi yacishinka, imbilansuma yepusukilo, mwalisumine muli Kristu kabili mwakakatikwe no bulayo bwa mupashi wamushilo. ¹⁴ Ico ecikatilo cabupyani bwesu tusuke tukwate kukutasha ubukata bwakwe. ¹⁵ Napali uyu mulandu, ecalenga ukwebati pantu naumfwila palwa cisumino cenu mu mfumu Yesu nafintu mwatemwa abamushilo bonse. ¹⁶ Nshatala leka ukutasha Lesa pamulandu namwebo ndamilubulako ngandepepa. ¹⁷ Ndalomba na lesa wamfumu yesu Yesu Kristu shikulu uwacindama ukuti amipeele mupashi uwakumipanda amano no kumisokolwela pakuti mwishibe. ¹⁸ Pakuwamishiwa kumenso yamitima shenu, ukuti mwishibe icakutetekela ico amifwaile no bucindami bwa bukata bwa mpyani shakwe sha mushilo. ¹⁹ Elo ndalomba no kwebati mwishibe ifyo amaka yakula ayabomba muli fwebo fwebasumina, amaka ayabomba muli fwebo maka yamo yene ayakulisha saana. ²⁰ Aya emaka yamoyene ayo abomfeshe pakubusha Kristu ku bafwa no kumuteka lubali lwa kukulyo kwakwe mumulu. ²¹ Nomba alimusansabika alimupeela ubufumu ukucila pali bakateka bamumyulu bonse ubuteko bonse abamaka bonse ne shamfumu shonse, alikwata ishina ilyaishibikwa ukucila amashina yambi yonse aya lumbuka pali ino nshita nenshita ilesa kuntashi. ²² Lesa abikile fyonse filambile panshi ya makasa yakwe, nokuipela umwine ku lukuta ngo muku wafyonse. ²³ Icilonganino emubili wakwe, umwisulo lyauleisusha fyonse muli fyonse.