¹ Ifyo ndelanda fyacine cine nshilebepa iyoo, ndelanda ifi pa menso yakwa Klistu. Elyo na kampingu wa mutima wandi uutungululwa na mupashi wamushilo, nao nashininkisha ukuti nshilebepa iyoo. ² Ala ndomfwa ubulanda nganshi, kabili umutima wandi ukalipafyo lyonse pa mulandu wa bantu bandi aba mu mutundu yandi. ³ Aba bantu abo Lesa umwine aisalile, abacita na bana bakwe. Bushukila no bucindami bwakwe. ⁴ Apangene nabo ifipangano, abapeele na mafunde yakwa Mose bena alibalangile ne fyakupepa Lesa mu linshinka abalaile ne filayo. ⁵ Bena ba mu lupwa lwa fikolwe fyalumbuka ifya mikowa Yesu. Na klistu wine muli bu muntu bwakwe, uu mushobo wabo. Ni Lesa uuteeka fyonse, abantu benga lamulumba pe na pe! Ameni; ⁶ Kanshi nshileeba nati Lesa tafikilisha ico alaile awe iyoo pantu abo Lesa asala ukuba abantu bakwe, te bonse abantu ba mu Isreali. ⁷ Kabili te bonse aba mu lupwa lwakwa Abrahamu baba abana bene bene bakwa Lesa. Lesa aebele Abrahamu ati, ''Ni kuli Isaki eko ukakwatila abantu ba mulu lupwa lobe.'' ⁸ Kanshi ici calola mukuti tekufyalwa fye mu musango wabuntense ekulenga ukuba abana bakwa Lesa. Lelo bana aba fyalwa ukulingana ne cilayo Lesa alaile, abo eba lupwa lwakwa Abrahamu abene bene. ⁹ Pantu amashiwi Lesa alailemo Abrahamu icilayo ni aya ayakuti, ''Nkabwela panshita iyalinga, na Sara akaba no mwana mwaume.'' ¹⁰ Kabili te ici ceka, Rebeka afyele abana babili bampundu kuli shibo umo wine Isaki icikolwe cesu. ¹¹ Ilyo aba bana bashilati bafyalwe, nangu ukucita icisuma nangu icibi, Lesa aebele Rebeka ati, ''umukalamba eukatalamika umwaiche.'' ¹² Kanshi Lesa aletulanga ukuti umwine eusala. Tasala ico umuntu abombapo cimo, Lesa asalafye uo umwine atemenwe ukwita. ¹³ Kabili calembwa ukut, ''Natemenwe yakobo, napatile Esau.'' ¹⁴ Nga kanshi tuleti shani? Bushe aba no muncishanya? awe iyoo. ¹⁵ Pantu aebele Mose ati, ''Nkabelela uluse uo nde fwaya ukubelelela uluse, Nkalangulukila uo nde fwaya nkalangulukila.'' ¹⁶ Kanshi tacaba kufyo umuntu alefwaya nangu kufyo engacita , Lelo cabafye luse lwakwa Lesa. ¹⁷ Kabili mu nalembo yamushilo, calembwa ukuti Lesa aebele falao ati, ''Nakubika pa bufumu pakuti nage amaka yandi mukukubomfya na pakuti ishina lyandi lishibikwe isonde lyonse,'' ¹⁸ Kanshi Lesa abelela uluse umuntu uo alefwaya ukubelela uluse. Elyo alamalalika umutima wa muntu uo ale fwaya ukuti umutima wakwe umalale. ¹⁹ Umu pali imwe kuti, anjipusha ati, ''nga efyo caba, nga kanshi umuntu kuti alufyanya shani kuli Lesa? nga nani engakaanya Lesa?'' ²⁰ We muntu we, Bushe niwe ani, uwakuti mule paashanya ku waibumba aiti, ''cinshi ico wamumbila ifi?'' ²¹ Bushe umuntu uubunba inongo, takwata insambu shakubofya ibumba mu musango Onse uo alefwaya kwibumba limo line kuti abumbako inongo iyakubomfya ku milimo iyi kankala. elyo na imbi iyakubomfya lyonse. ²² Kanshi ni shani nga cakuti Lesa nao afwaya ukulanga ubukali bwakwe Lelo Lesa alabatekela umutima abantu abamukalifya umutima nangufye balingile ukukandwa. ²³ Lesa acita ifyo pakulanga ubukankala bwa bucindami bwakwe ubo atukwatila mukutubelela uluse, ifwe nifwe apekanishisha ukuti tukabe nankwe mu bacindami bwakwe. ²⁴ Nangu tube aba Yuda nangu abena fyalo Lelo nifwe bene Lesa aita. ²⁵ Kabili efyo Lesa asosa mu citabo cakwa kasesema Hosea; Abantu bashili bantu bandi, nakulabeta abantu bandi; Umushobo nshatemenwe, nakulawila umushobo natemwa.'' ²⁶ Kabili, ''Mu cende ine umo Lesa alebeba ati tamuli bantu bandi umo mwine emo Lesa wamweo akulabeta ati, muli bena bandi.'' ²⁷ Esaya nao asosa pa bena Isreali ati, ''nangu abena Isreali bengafula ngu musesenga wa pa lulamba lwa bemba, lelo banonofye ebakupusuka, ²⁸ Pantu imfumu ikapatula bwangu bwangu imilandu yonse iya bantu bonse pano Isonde'' ²⁹ Kabili efyo Esaya asobele kale ati, ''Imfumu umwine wafita fyonse aikanatushilapo bamo pa bantu bonse, awe nomba nga Gomora.'' ³⁰ Nga kanshi tutile shani? Ee, kwena abena fyalo tabalefwaya ukuba abakaele pa cinso cakwa Lesa lelo ku mulandu wa cisumino cabo, balishukila ukuba abakaele pa cinso cakwa Lesa. ³¹ Elyo abena Isreali bena abalefwaya ukuba abakaele pa cinso cakwa Lesa mukusunga amafunde yakwa Mose, awe bena balifilililwefye. ³² Cinshi bafilwa nico balefwa ukuba abakaele pacinso cakwa Lesa ku milimo balebomba te ku cisumino iyoo. Kanshi abena abantu baipununako, ³³ Ngefyo calemba ukuti, ''Moneni nabika ilibwe mu Sioni ilyo abantu bakulaipununako. Umucelekela takekatwe ne nsoni.