¹ Bamunyinane, ukukabila kwa mutima wandi nokulomba kwandi kuli Lesa kwaba pali bene, nipepusukilo lyabo. ² Pantu ninshininkisha palwa bene ukuti nabakwata nokupimpa kwakuli Lesa, lelo tekulingana nobwishibilo. ³ Pantu, uufilwa ukwishiba ubulungami, ubufuma kuli Lesa no kufwaya ukuba nobulungami bwabo, tabanakile kubu lungami bwakwa Lesa. ⁴ Pantu Kristu nikafikilisha wamafunde yabulungami kuli onse uwasumina. ⁵ Pantu Mose alemba pabulungami ubufuma mumafunde: "umuntu uucita ubulungammi bwamafunde akekala kubulungami ubu." ⁶ Lelo ubulungami ubwisa ukufuma kucitetekelo butila: "Wisosa mu mutima obe, 'nani akanina kumulu?' (emukuti, kubwesha Kristu panshi); ⁷ Kabili mwitila mumutima wenu, 'ninani akekila mumbo?"' (ekutila ukubwesha Kristu ukufuma kubafwa). ⁸ Lelo casoswa shani? "Icebo cili mupepi naimwe mu kanwa kobe na mumutiam obe." Ico icebo cacitetekelo, eco tushimikila. ⁹ Pantu ngamwalanda nakanwa kobe ukuti Yesu no Shikulu, no ku sumina mumutima obe ukuti Lesa amabusishe kubafwa, ukapusuka. ¹⁰ Pantu umo asumina nomutima nokukwata ubulungami, kabili ayebelela nakanwa nokupusuka. ¹¹ Pantu ilembo lyatila, "onse uusumina muli wene takalengwe insoni." ¹² Eco tapali ubupusano pa mu Yuda no mu Giliki. Pantu Shikulu umo wine no Shikulu wabonse, kabili wacishinka kuli bonse abeta pali wene. ¹³ Pantu onse uwita peshina lyakwa Shikulu akapusuka. ¹⁴ Bushe nga kanshi kuti baita shani pali wena eo tabasumina? Bushe kuti basumina muli wena eo taba umfwa? Bushe kuti baumfwa shani ukwabula kashimikila? ¹⁵ Kuti bashimikila shani, ngatabatuminwe? -Ngefyo calembwa, "Yaliwama amakasa ayatwala imbila nsuma!" ¹⁶ Lelo tebonse abanakila imbila nsuma. Pantu Esaya atila, "Shikulu, nani uwasumina amashiwi Yesu?" ¹⁷ Eco icitetekelo cisa ukufuma mukumfwa, kabili ukumfwa icebo cakwa Kristu. ¹⁸ Lelo ndetila, "Bushe tabaumfwile?" ee, icine cine, "iciunda cabo caliya mwisonde lyonse kabili namashiwi yabo kumpela ya calo." ¹⁹ Nakabili, nasosa ukuti, "Bushe Israeli taishibe? Intanshi Mose atile, "Nalakulenga ukuba uwakalumwa kubashili uluko. Mumusango waluko ulwabula ukwiluka, nkakulenga ukukalipa." ²⁰ Elyo Esaya ali uwashipa ilyo asosele, "nali sangilwe kuli abo abashamfwaile. Namonekele kuli abo abasha njipwishe." ²¹ Lelo kuli Israeli atila, "Akasuba konse natambalike amaboko yandi kuli bampula mafunde naba bantu bacintala."