¹ Ndelanga kuli we Foibe inkashi yesu, uuli mubomfi wa lukuta lwaku kenkerea, ² Mukuti mwinga mupokelela muli shikulu. Citeni ifi munshila iyalinga kubantu bakwa Lesa aba mushilo, no kumupela bonse ubwafwilisho enga kabili ukufuma kuli imwe, pantu aliba bwafwilisho bukalamba kubengi na kuli ine wine. ³ Muposhe Priska na akula, ababomfi banandi muli Klistu Yesu, ⁴ abo pamulandu wa bumi bwandi abikile imyeo yabo mukayofi. Natotela kuli bena, kabili teine fye neka, lelo nashonse inkuta sha bena fyalo. ⁵ Muposhe ulukuta ulo ulwaba munganda yabo. Muposhe Epainete umutemwikwa, uuli cisabo cakubalilapo ukwia kuli Klistu mu Asia. ⁶ Muposhe Maria, uwabombeshe apakalamba pali imwe. ⁷ Muposhe Androniki na Yunia, balupwa bandi kabili abafungwa banandi. Balishibikwa nganshi ku batumwa, kabili baali muli Klistu pantanshi yandi. ⁸ Muposhe Ampitiati, umutemwikwa wandi muli shikulu. ⁹ Muposhe Urbani, umubomfi munensu muli Klistu, na staku, umutemwikwa wandi. ¹⁰ Muposhe Apele, uwasuminishiwa muli Klistu. Muposhe abo abali muba munganda yakwa Amstobulu. ¹¹ Muposhe Herodio, lupwa wandi. Muposhe abo abamu nganda yakwa Narkisi ababa muli shikulu. ¹² Muposhe Trufaena na Trufosa, ababomfi muli shikulu. Muposhe Persida umutemwikwa wandi, uwabombesha apakalamba muli shikulu. ¹³ Muposhe Rupu, uwasalwa muli shikulu, nabanina kabili nibamayo naine. ¹⁴ Muposhe Asunkriti, Flegone, Herme, Patroba, Herma, na ba munine abali nabo. ¹⁵ Muposhe Filologe na YUlia, Nere na nkashi yakwe, na Olumpa, na bantu bonse abamushilo abakwa Lesa abali nabo. ¹⁶ Poshanyeni umo no munankwe nokupyompana ukwamushilo. Shonse inkuta shakwa Klistu shamuposha. ¹⁷ Nomba Namukonkomesha imwe, bamunina, ukutontonkanya pali abo abalelenga ukupatukana no kuipununa. Balefuma mumasambilisho ayo mwa sambilile. Fumeni kuli bena. ¹⁸ Pantu abantu nga ba taba pyungila shikulwaifwe Klistu, lelo ni nda shabo. Mu fyebo fyabo ifyanakilila nokuwaminisha babepa imitima yaba kaele. ¹⁹ Pantu icilangililo cakubela kwenu cilafika kuli bonse. Ndesekela, efyo, pali imwe, lelo Ndefwaya imwe ukuba abamano muli fyo ifisuma, na ba kaele kuli conse icibi. ²⁰ Lesa wamutende nombaline akashonaula Satana panshi ya makasa yenu. Ukusenaminwa kwakwa shikulu Yesu Klistu kube naimwe. ²¹ Timote, umubomfi munandi, amiposha, na luki, Yasone, na Sosipatere, impalume shandi. ²² Ine, Terti, uulembele iikalata, namiposha muli shikulu. ²³ Gai, uumpokelele no lukuta lonse, amiposha. Erasti, kasunga wacipao mu musumba, amiposha, na kwarti munina. ²⁴ Ukusenaminwa kwakwa shikulu Yesu Klistu kube naimwe bonse Ameni. ²⁵ Nomba kuli uyo uwingamilenga ukukosa ukukonka ne mbila nsuma no kushimikila pali Yesu Klistu, Umwalola ukusokolola kwa fyankama ifyo ifya sungilwe mukumfisolo munshita shakale. ²⁶ Lelo nomba fyali sokololwa no kulengwa ukwishibikwa ukupitila mu malembo yabu sesemo ku nko shonse, Muku konkomesha kwakwa Lesa wamuyayaya, mukuleta ukubela ukwa citetekelo- ²⁷ Kuli Lesa wamano eka, ukupitila muli Yesu Klistu, kube ubukata umuyayaya. Amen.