¹ Nomba ifwe fweba kosa tube abakwafwa ukunakuka kwa banaka, kabili twibinga ukuisekesha fwebene. ² Lekeni umo muli ifwe abe uwakutemuna umwina mupalamano kuli co ici icisuma, pakutila tukulishanye. ³ Ico na Klistu umwine taitenwine umwine iyo. Napali ci, califye ngefyo calembwa, ''umusalula wa abo abamisalwile waponena pali ine.'' ⁴ Ico ifili fyonse ifyalembwa kunuma fyalembelwe kukuba ifilangililo pakutila ati ukupitila mu kutekanya kabili no kukoselesha kwa malembo ifwe tukwate isubilo. ⁵ Nomba lekeni Lesa wakutenya no kukoselesha amupele ukuba buwumo mwilangulushi lya umo no mubiye ukulingana na muli Klistu Yesu. ⁶ Lekeni ena acite ci pakutila ati mwi tontonkanya limo mube abakupela ubukata na kanwa kamo kuli Lesa kabili wishi wakwa shikulu wesu Yesu Klistu. ⁷ EIco isekeleleni cila no mubiye, ifyofye Klistu nankwe amusekelele, ku bukata bwa kwa Lesa. ⁸ Pantu ndesosa ukutila Klistu acitwa ukuba umubomfi wa ku sembululwa mwi punda lya cine ca kwa Lesa, Pakutila kube ukushinshishs amalayo ayapelwe ku fikolwe. ⁹ Kabili na bena fyalo ukupela ululumbi kuli Lesa pa luse lwakwe. Ngefyo calembwa, ''Eico nkapela amalumbo kuli imwe mukati ka bena fyalo no kwimba amalumbo kwi shina lyenu.'' ¹¹ Kabili citila, ''Sekeleleni, mwe bena fyalo, na bantu bakwe.'' ¹⁰ Na kabili, ''lumbanyeni shikulu, mwebena fyalo bonse; lekeni abantu bonse bamulumbanye.'' ¹² Kabili, Esaya atila, ''umushila wa kwa Yese ukesa, uyo uwuka sumbulwa ukuteka abena fyalo, muli ena abena fyalo bakaba ne subilo. ¹³ Nomba lekeni Lesa we subilo, esushe imwe ne congwe kabili no mutende mu ku simina, pakutila ku maka ya mupashi wa mushilo mube abafulomo ne subilo. ¹⁴ Iwe nemwine kabili ninshinikisha pali imwe, mwe bamunyinane. ine minshinikisha ukutila kabili imwe mwebene mwaba no mwisulo wa busuma, abaisushiwa no bwishibilo. Ninshininkisha ukutila imwe kuti mwaitungulula. ¹⁵ Lelo ndelemba no kushipa konse kuli imwe palwa fintu fimo pakutila imibukishe nakabili pamulandu wa kusenaminwa uko napelwe kuli Lesa. ¹⁶ Ici icabupe cali ca kutila ine mbe umubomfi wa kwa Klistu Yesu uwatumwa ku bena fyalo, ukutula nga shimapepo imbilansuma ya kwa Lesa, pakutila umutulo wa bena fyalo ube uwapokelelwa, uwasangululwa no mupashi wa mushilo. ¹⁷ Muli Klistu Yesu ndi nensambu sha kuitakisha muku pyunga kwandi kuli Lesa. ¹⁸ Ico ine nsha yangwe ukulanda pa ciliconse kanofye ifyo Klistu apwilishisha ukupitila muli ine ukuti abena fyola banakile. Ifi fintu fyacitwa ku cebo naku ficitwa, ¹⁹ Ku maka ya fishibilo ne fipesha mano, na ku maka ya mupashi, Ifi fyali pakutila ukufuma ku Yerusalemu, ushinguluka ukuyafikafye naku Iliricumi, ndingile ukufishapo ukubomba umulimo wa nibila nsuma iya kwa Klistu. ²⁰ Muli iyi nshila, ukukabila kwandi kwakutila ndebila imbila nsuma, lelo teuko uko klistu aishibikwa pe shina, mukutila ati, nshili noku kula pa mufula wa muntu umbi, ²¹ Caba ngefyo calembwa; ''kuli abo ebo icebo cakwe tacaishile bali nokumumona wene, kabili na abo abasha umfwile bali no kwiluka.'' ²² Eico nanine nali cilikilwa imiku iyingi ilyo nalefwaya ukwisa kuli imwe, ²³ Lelo nomba, nshili ne ncende muli ifi fifulo, Kabili naba uwa kufulukisha pa myaka iyingi ukwisa kuli imwe. ²⁴ Ndesubila uku nimona ilyo nkapitilako uko pakuya ku spaini, no kwafwiwa na imwe palwendo lwandi kulya, panuma yaku sansamushiwa ne senge lyenu panshita iyalinga. ²⁵ Lelo nomba ndeya ku Yelusalemu, ku kupungila abashila ba kwa Lesa. ²⁶ Pantu cali cakutemuna abena macedonia na bena Achaia ku kusangwilako fimo ku bapina abali mu kati kabashila ba kwa Lesa mu Yelusalemu. ²⁷ Ee, cali kutemwa kwabo, kabili bene cali ninkongile yabo kuli bena, pantu nga bena fyalo balikumako ku fintu fya bunupashi bwa ciyuda bene bakwatila inkongole aba Yuda ku kwafwa kuli bene ifyuma fya mu bwikashi bwabo. ²⁸ Eico, ilyo nkapwisha uyu mulimo noku kakatika ici cisabo kuli bena, nkaya ku spaini no mitandalila ilyo nkaba mu nshila yakuya kulya. ²⁹ Nalishiba ukutila ilyo nkesa kuli imwe nkesa mu mwisulo wa mapalo yakwa Klistu. ³⁰ Nomba ndemupapata imwe, bamunyinane, muli shikulu wesu Yesu klistu, kabili nokutemwa ukwa mupashi, ukutila imwe shombekeni naine pamo mu mapepo yenu kuli Lesa pamulandu wa ine. ³¹ Mule mpepelako ukutila nkapokololwe ukufuma kuli balya ba vintomfwa ba mu Yuda, kabili no kutila ukupyunga kwandi mu Yerusalemu kubabe ukwapokelelwa kubashila ba kwa Lesa. ³² Mupepe ukutila nkese kuli imwe mu nsansa ukupitila mu kufwaya kwa kwa Lesa, kabili ukutila ine, pamo na imwe tukasange ukutusha. ³³ Lekeni Lesa uwamutende obe naimwe bonse. Ameni.