¹ Moneni, mu nshiku shilya kabili panshita ilya ilyo nkabwesha bankole ba mu Yuda nabamu Yerusalemu, ² Nkalonganya inko shonse, no kushitentemusha ku mukonko wakwa Yehoshafati. Eko nkashipingwila, pamulandu wabantu bandi kabili icikwatwa candi Israeli, abo basalanganisha mu nko, kabili pamulandu wa kwakana Icalo candi. ³ Baposele icipendwilo pa bantu bandi, balekabulamo umulumendo kuli cilende, nokushitisha umukashana pa mwangashi pakuti banwe. ⁴ Nomba finshi ifyo mwamfulilwa, Turi, Sidoni ne fitungu fyonse ifyaba Pelishiti? ⁵ Bushe muleilandula pali ine? Kabili nga mwa ilandula pali ine, bwangu bwangu nkabwesesho kulanda kwenu pa mitwe yenu. Pantu mwasendele silifere wandi na golide wandi, kabili mhwaletele ifisuma fyandi ifyamuutengo mu ma tempele yenu. ⁶ Imwe mwashitishe abantu bakwa Yda na bantu ba mu Yerusalemu ku ba Griki, pakuti mubatume ukutali ukubafumya ku mupaka wabo. ⁷ Moneni, nkababusha, bafume muncende umo mwa bashitishe, kabili nkabweseshi kulandula pa mitwe yenu. ⁸ Nkashitisha abana benu abaume nabana benu abanakashi, ku kuboko kwakwa Yuda. Bena bakabashitisha ku Sheba, ku luko ulwakutali, pantu Yawe nasosa." ⁹ Bilisheni oco mu nko: "pekanyeni mu bulwi; imyeni abaume ababulamba; balekeni bese mupepi, lekeni abaume bonse ababulwi bese. ¹⁰ Fuleni amaplao yenu yabe impanga ne myele yenu iyakutungwilako imiti, ibe amafumo. Lekeni uwatembuka asose ati, 'ndi mpalume.' ¹¹ Angufyanyeni ukwisa, mwe nko sonse isha mupepi; ikolonganikeni pamo kulya. Mwe Yawe, temtemusheni impalume shenu ishabulwi. ¹² Lekeni inko shiimine no kunina shise mu mukonko wakwa Yehoshafati. pantu kulya eko nkekala kukupingula inko shonse isha shingulukako. ¹³ Bikenimo icikwakwa pantu ifyakusepa nafipya Iseni, Shonauleni imyangashi, pantu umwakukamian nawisula mufyakukaminano filwpala, pantu ububi bwabo nabufula." ¹⁴ Kuli bacinkupiti, mu mukonko wa kupingwilamo. Pantu ubushiku bwakwa Yawe buli mupepi mu mukonko wa kupingwilamo. ¹⁵ Akasuba no mweshi fikaluka imfifi, intanda tashakabalike. ¹⁶ Yawe akabulumina mu Sioni, no kusanswile shiwi lyakwe mu Yerusalemi. Imyulu ne sonde fikatenta, lelo Yawe akaba icakwikalamo ca bantu bakwe, kabili ilinga lya bantu bakwa Israeli. ¹⁷ "Elyo mukeshiba ukuti nine Yawe Lesa wenu uwaikala mu Sioni, ulupili lwandi ulwamushilo. Elyo Yerusalemu akaba uwamushilo, na balebeshi tabakaupitemo nakabili. ¹⁸ Kabili cikabe fi pali ubo bushiku ukuti impili shikatonya umwangashi uwalowa, utupili tukapongolokamo umukaka, imilonga yonse iya mu Yuda ikapongolola amenshi, na kamfukumfuku kakafuam mu nganda yakwa Yawe no kutapilisha umukonko wa shitimu. ¹⁹ Egupti akaba icibolya icalekeleshiwa, na Edomu akaba amatololo ayapomonwa, pamulandu wa bunkalwe balecita ku bantu bakwa Yuda, pantu balesumya umulopa uwakaele mu calo cabo. ²⁰ Lelo Yuda akekalwamo umuyayaya, na Yerusalemu akekalwamo ku nkulo ne nkulo. ²¹ Ine nkalandula umulopa wabo uo nshilalandula pantu Yawe akalaikala mu Sioni."