¹ Lisheni intandala mu Sione, walasheni mulupili lwandi ulwa mushilo! Muleka nabekashi ba calo batutume mu mwenso pantu ubushiku bwakwa Yawe buleisa icine cine buli mupepi. ² Bushiku bwa mfifi, bushiku bwa makumbi no kufitisha, kwati macaca yakupele pa mpili ilikulu elyo abashika abamaka baleisa balepalama. Takwatala akubapo abashika nga lyena, kabili takwakabe nakabili nangufye nikunkulo shakuntanshi. ³ Umulilo ulepwilishisha fyonse fye ifi kuntanshi wauko, nakunuma wauko, ulubingu luleoca. Icalo cili kwati libala lya Edeni kuntanshi lyaliko, lelo kunuma lyaliko matololo ayapomoka mucine, takuli ne cikapusuka kuli ici. ⁴ Ukumoneka kwa mulalo kwati ni bakabalwe no kubutuka nga bapali bakabalwe. ⁵ Batoloka na congo kwati maceleta pa mulu wa mpili, nge ciunda ca lubingu lutinya ululeoca. Ifisoso, kwati bashilika abamaka apekaniwa ku bulwi. ⁶ Pa kubapo kwabo abanhtu balashikitika ne finso fyabo filawa. ⁷ Balabutuka kwati ni mpalume yabulamba; banina ifibumba nga bashilika baleenda, cila umo mu mulongo, elyo tabonaula butantiko. ⁸ Takuba nangu umo uucilinganya ulubali lubiye; baleenda cilaumo mu nshila yakwe; balapulinkanya mufyakucilinganya elyo tabafuma mumulongo. ⁹ Balafolekela mu musumba, bautukila pe linga, balanina amayanda, balapita pa nsolokoto kwati nalimo bapupu. ¹⁰ Icalo cilasunkana ku cinso cabo, ne myulu ilatutuma, akasuba no mwenshi filafita, ne ntanda shilaleka ukubengeshima. ¹¹ Yawe alasansula ishiwi lyakwe pa cinso ca fita fyakwe, pantu umulalo wakwe walikulisha; balikosa, abo abatwala amafunde yakwe. Pantu ubushiku bwakwa Yawe bukulu elyo bwakutinisha. Nani wingashipikishako? ¹² "Nangufye ni nomba," Uku ekupampamika kwakwa Yawe, "bweleleni kuli ine no mutima wenu onse. Ukufunga, ukulila no kulosha." ¹³ Lepuleni imitima yenu lelo tefyakufwala fyenu, no kubwelela kuli Yawe Lesa wenu. Pantu wacikuku elyo no luse, ukokola ukukalipa elyo uwafulisha kutemwa ukushipwa uulanguluka mu kubika ukukandwa. ¹⁴ Nani uwaishiba? Nalimo engabwelelela no kulanguluka, no kushe palo panuma yakwe, umutulo wa nganu elyo no mutulo wa cakunwa pali Yawe Lesa obe? ¹⁵ Lisheni intandala mu sione, iteni ukufunga kwa mishilo, iteni no kulongana kwa mushilo. ¹⁶ Longanikeni abantu; longanikeni intungulushi; longanikeni abana elyo na bana abaonka. Lekeni shibwinga afume mu miputule yabo, na nabwinga afume muncende ya bwinga. ¹⁷ Lekeni bashimapepo, ababomfi bakwa Yawe balile pakati kakwingililapo ne cipailo. Lekeni basose, "lekeni abantu benu, Yawe, mwicita icikwatwa cenu mu kusebana mukuti inko shibapumya ninshi bengasosela pa nko, 'nga Lesa wabo ali kwi?"' ¹⁸ Elyo Yawe akwatile ukupimpa pa calo cakwe noku kwata ubulanda pa bantu bakwe. ¹⁹ Yawe alayaswike abantu bakwe, "moneni, nkatuma kuli imwe ingano, no mwangashi uupya, elyo na mafuta. Mukalaikuta kuli fyena, kabili nshakamulenge ukusebana pa nko. ²⁰ Nkafumyapo abakumisansa abakuba pinda kakuso bakaba ukutali imwe, nkaba tamfisha umwauma elyo mucalo icalekeleshiwa. Kuntanshi abashilika babo bakaya kukabana kabemba na kunuma ku masamba ya bemba. Ukutambuluka kwaciko kukema." mucine, nacita ifintu ifikalamba. ²¹ Witina, we calo; anga no kusamwa, pantu Yawe akacita ifikulu. ²² Mwitina, mwe finama fyampanga! Pantu umulemfwe wa mu matololo akupia, ne fimuti fili no kutwala ifisabo fyafiko, ne fimuti fili no kutwala ifisabo fya fiko, ne fimuti fya makunyu elyo ne myangashi fikafumya ubusomboshi bwa fiko ubwafikapo. ²³ Beni abaanga, mwe bantu ba mu Sione, no kusekelela muli Yawe Lesa wenu. Pantu akamupela imfula yantanshi nge cakumilandilako no kuleta panshi umusemembe wamfula pali imwe, imfula yantanshi elyo ne mfula ya mainsa nga kukale. ²⁴ Umwakutongwela mukesulamo ingano ne fya kukaminamo fikalapala umwangashi uupya na mafuta. ²⁵ "Nkamubwesesha iyo imyaka yafisabo iufyo makanta uusenya alile-makanta mukalamba, makanta uuputaula na makanta uonaula-umulalo wandi uukulu untu natumine muli imwe. ²⁶ Mukalye ifingi nokuba abaikuta, no kulumba ishina lyakwa Yawe Lesa wenu, uwamucitila ifipeshamano muli imwe, Nshakabwekeshepo naka bili ukuleta oinsoni pa bantu bandi. ²⁷ Mukeshiba ukuti ine naba mukati kakwa Israele, no kuti nine Yawe Lesa wenu, nokuti takwaba umbi, elyo nshakalete insoni pa bantu bandi. ²⁸ Cikesa ifyo panuam yaici nkapongolwela umupashi wandi pa bantu bonse, nabana benu abaume na bana beinu abanakashi bakasesema. Nabakote benu bakalota ifiloto; na pa balumendo benu bakamona ifimonwa. ²⁹ Napaba bomfi na babomfi abanakashi, muli isho nshiku nkapongolwelapo umupashi wandi. ³⁰ Nkalanga ofipesha mano mu myulu na pesonde, umulopa, umulilo, na ntumba ya cushi. ³¹ Akasuba akakaluka imfimfi no mweshi mu mulopa libe ifikulu no bushiku bwa kutinya bwakwa Yawe tabulaisa. ³² Ifyo cikaba kuli onse uukalilila kwishina lyakwa Yawe eikapusuka pantu mu lupili lwa Sione na mu Yerusalemu emukaba abo abakafulumuka, ngefyo Yawe asosele, muli abo abakashalapo, abo Yawe aita